Virat Kohli : ʼಧನ್ಯವಾದಗಳು ಬೆಂಗಳೂರುʼ.. ಫ್ಯಾನ್ಸ್‌ಗೆ ವಿರಾಟ್ ಕೊಹ್ಲಿ ಭಾವುಕ ಸಂದೇಶ..!

Virat Kohli : ʼಈ ಸಲದ ಕಪ್ ನಮ್ದೆʼ ಅಂತ ಪ್ರತಿ ಬಾರಿ ಕಣಕ್ಕಿರುವ ಆರ್‌ಸಿಬಿ.. ಕೊನೆಯವರೆಗೂ ಹೋರಾಡಿ ಸೋಲುವುದು ವಾಡಿಕೆಯಾಗಿಬಿಟ್ಟಿದೆ. ಕಪ್‌ ಗೆಲ್ಲುವ ಹೋರಾಟ ಕಳೆದ 16 ಸೀಸನ್‌ಗಳಿಂದ ನಡೆಯುತ್ತಲೇ ಇದೆ. ಕರ್ಣನ ಸಾವಿಗೆ ಹಲವು ಕಾರಣಗಳಿದ್ದಂತೆ ಬೆಂಗಳೂರಿನ ಸೋಲಿಗೂ ಹಲವು ಕಾರಣಗಳಿದ್ದವು. ಈ ಸೀಸನ್ ನಲ್ಲಿ ನಾಯಕ ಡುಪ್ಲೆಸಿಸ್, ವಿರಾಟ್ ಕೊಹ್ಲಿ, ಮ್ಯಾಕ್ಸ್ ವೆಲ್ ಬಿಟ್ಟರೆ ಉಳಿದ ಬ್ಯಾಟ್ಸ್ ಮನ್‌ಗಳು ಕೈಕೊಟ್ಟಿದ್ದಾರೆ. ಬೌಲಿಂಗ್‌ನಲ್ಲಿ ಸಿರಾಜ್ ಏಕಾಂಗಿ ಹೋರಾಟ ನಡೆಸಬೇಕಾಯಿತು.

ಈ ಸೀಸನ್‌ನಲ್ಲಿಯೂ ವಿರಾಟ್ ಕೊಹ್ಲಿ ಅಬ್ಬರಿಸಿದರು. ಸತತ ಶತಕಗಳೊಂದಿಗೆ ಆರ್‌ಸಿಬಿ ತಂಡವನ್ನು ಪ್ಲೇ-ಆಫ್‌ಗೆ ತರಲು ಶತ ಪ್ರಯತ್ನ ಮಾಡಿದರು. ಆದ್ರೂ, ಪಾಯಿಂಟ್ ಪಟ್ಟಿಯಲ್ಲಿ ಸ್ಥಾನ ಪಡೆಯಲು ಬೆಂಗಳೂರು ಪಡೆಗೆ ಸಾಧ್ಯವಾಗಲಿಲ್ಲ. ಇದರಿಂದಾಗಿ ಮುಂದಿನ ಸಲ ಕಪ್‌ ನಮ್ದೆ ಎನ್ನುವ ವಿಶ್ವಾಸವನ್ನು ಆರ್‌ಸಿಬಿ ಅಭಿಮಾನಿಗಳು ಮುಂದುವರೆಸಿದ್ದಾರೆ. ಹೆಚ್ಚಾಗಿ ಸೋಲು, ನೋವು ಹೊಸತಲ್ಲ ಬಿಡಿ.. ಎಂದೆಂದಿಗೂ ಅಭಿಮಾನಿಗಳ ಪಾಲಿಗೆ ಆರ್‌ಸಿಬಿ ಗ್ರೇಟ್‌ ಟೀಂ... ಮುಂದಿನ ಸಲ ಕಪ್‌ ನಮ್ದೆ...

ಇದನ್ನೂ ಓದಿ: WTC ಫೈನಲ್’ಗೆ ಪ್ಲೇಯಿಂಗ್ 11 ಆಯ್ಕೆ ಮಾಡಿದ ರವಿಶಾಸ್ತ್ರಿ: Team Indiaದ ಈ ಸ್ಟಾರ್ ಬ್ಯಾಟ್ಸ್’ಮನ್’ಗಿಲ್ಲ ಸ್ಥಾನ!

ಇದೀಗ ವಿರಾಟ್ ಕೊಹ್ಲಿ ಬೆಂಗಳೂರಿಗೆ ಧನ್ಯವಾದ ಅರ್ಪಿಸಿ ಟ್ವೀಟ್ ಮಾಡಿದ್ದಾರೆ. ಈ ಸೀಸನ್‌ನಲ್ಲಿ ಕೆಲವು ಅದ್ಭುತ ಕ್ಷಣಗಳಿವೆ. ಆದರೆ ದುರದೃಷ್ಟವಶಾತ್ ನಾವು ಗುರಿಯನ್ನು ತಲುಪಲು ಸಾಧ್ಯವಾಗಲಿಲ್ಲ. ನಿರಾಶೆಯಾದರೂ.. ನಾವು ನಮ್ಮ ಭಾವನೆಗಳನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಬೇಕು. ಪ್ರತಿ ಹಂತದಲ್ಲೂ ನಮಗೆ ಬೆಂಬಲ ನೀಡಿದ ಎಲ್ಲರಿಗೂ ಧನ್ಯವಾದಗಳು..."ಎಂದು ಬಾವುಕ ನುಡಿಗಳನ್ನಾಡಿದ್ದಾರೆ. IPL 2023ನಲ್ಲಿ ಕೊಹ್ಲಿ 14 ಪಂದ್ಯಗಳಲ್ಲಿ 639 ರನ್ ಗಳಿಸಿದ್ದಾರೆ. ಎರಡು ಶತಕ ಬಾರಿಸುವ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಶತಕ (7) ಗಳಿಸಿದ ಆಟಗಾರ ಎಂಬ ದಾಖಲೆ ನಿರ್ಮಿಸಿದರು. 

A season which had it's moments but unfortunately we fell short of the goal. Disappointed but we must hold our heads high. To our loyal supporters, grateful for backing us every step of the way. pic.twitter.com/82O4WHJbbn

— Virat Kohli (@imVkohli) May 23, 2023

ಬೆಂಗಳೂರಿನ ಸೋಲಿಗೆ ಪ್ರಮುಖ ಕಾರಣ : ದಿನೇಶ್ ಕಾರ್ತಿಕ್ ಬೆಂಗಳೂರು ತಂಡದಲ್ಲಿ ಫಿನಿಶರ್ ಆಗಿ ಆಟ ಆಡುವಲ್ಲಿ ಸಂಪೂರ್ಣ ವಿಫಲರಾದರು. ಕಳೆದ ಸೀಸನ್‌ನಲ್ಲಿ ಆಟವಾಡಿದ್ದ ಕಾರ್ತಿಕ್ ಈ ಬಾರಿ ಮಂಕಾಗಿದ್ದರು. ಆರು ಮತ್ತು ಏಳನೇ ಕ್ರಮಾಂಕದಲ್ಲಿ ಬ್ಯಾಟ್ಸ್‌ಮನ್‌ಗಳ ಕೊರತೆ ಎದ್ದು ಕಾಣುತ್ತಿತ್ತು. ಇದಕ್ಕೆ ಕ್ಯಾಪ್ಟನ್ ಡುಪ್ಲೆಸಿಸ್ ಕೂಡ ಸಮ್ಮತಿಸಿದ್ದಾರೆ. ಅದೇ ರೀತಿ ಒನ್ ಡೌನ್ ನಲ್ಲಿ ಸರಿಯಾದ ಬ್ಯಾಟ್ಸ್ ಮನ್ ಸಿಗಲಿಲ್ಲ. ಗಾಯದ ಕಾರಣ ರಜತ್ ಪಾಟಿದಾರ್ ಅವರ ಅನುಪಸ್ಥಿತಿಯು ಒಂದು ಹೊಡೆತವಾಗಿದೆ. ಮಹಿಪಾಲ್ ಲೊಮ್ರೋರ್, ಅನುಜ್ ರಾವತ್, ಶಹಬಾಜ್ ಅಹ್ಮದ್ ಪ್ರಯತ್ನಿಸಿದರೂ ಸಹ ಪ್ರಭಾವಿತರಾಗಲಿಲ್ಲ. ಅಂತಿಮವಾಗಿ ಗ್ಲೆನ್ ಮ್ಯಾಕ್ಸ್‌ವೆಲ್ ಮೂರನೇ ಸ್ಥಾನದಲ್ಲಿ ಆಡಿದರು. ಇದು ಮಧ್ಯಮ ಕ್ರಮಾಂಕವನ್ನು ದುರ್ಬಲಗೊಳಿಸಿತು. ರಜತ್ ಪಾಟಿದಾರ್‌ಗೆ ಸೂಕ್ತ ಬದಲಿ ಆಟಗಾರನನ್ನು ಹುಡುಕುವಲ್ಲಿ ಆರ್‌ಸಿಬಿ ವಿಫಲವಾಗಿದೆ. 

ಇದನ್ನೂ ಓದಿ: ಕ್ರಿಕೆಟ್ ದಿಗ್ಗಜ ಬ್ರೆಟ್ ಲೀ ಪ್ರಕಾರ ಭಾರತದ ಅತ್ಯಂತ ಅಪಾಯಕಾರಿ ಕ್ರಿಕೆಟಿಗ ಕೊಹ್ಲಿ ಅಲ್ಲ… ಈ ಬ್ಯಾಟ್ಸ್’ಮನ್ ಬೆಸ್ಟ್ ಅಂತೆ!

ಬೌಲಿಂಗ್ ನಲ್ಲಿ ಗುಣಮಟ್ಟದ ಸ್ಪಿನ್ನರ್ ಗಳ ಕೊರತೆ ಬೆಂಗಳೂರಿನ ಯಶಸ್ಸಿನ ಮೇಲೆ ಪರಿಣಾಮ ಬೀರಿತು. ಯುಜ್ವೇಂದ್ರ ಚಹಾಲ್ ಇದ್ದಿದ್ದರೆ ಈ ಸಮಸ್ಯೆ ಇರುತ್ತಿರಲಿಲ್ಲ. ವನಿಂದು ಹಸರಂಗದ ಮೇಲೆ ತಂಡ ಭಾರೀ ನಿರೀಕ್ಷೆ ಇಟ್ಟುಕೊಂಡಿತ್ತು, ಆದ್ರೆ ಅದು ವಿಫಲವಾಯಿತು. ನ್ಯೂಜಿಲೆಂಡ್‌ನ ಸ್ಪಿನ್ ಆಲ್‌ರೌಂಡರ್ ಮೈಕಲ್ ಬ್ರೇಸ್‌ವೆಲ್ ಉತ್ತಮ ಪ್ರದರ್ಶನ ನೀಡಲಿಲ್ಲ. ಕರ್ಣ್ ಶರ್ಮಾ ಅವರ ಮಿಂಚು ಒಂದು ಅಥವಾ ಎರಡು ಪಂದ್ಯಗಳಿಗೆ ಸೀಮಿತವಾಗಿತ್ತು. ಪೇಸ್ ಬೌಲಿಂಗ್ ನಲ್ಲೂ ಸಿರಾಜ್ ಬಿಟ್ಟರೆ ಯಾರೂ ಅಷ್ಟಾಗಿ ಆಡಲಿಲ್ಲ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://bit.ly/3LwfnhK 
Instagram Link -  https://bit.ly/3LyfY2l 
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ