Last Surya Grahan 2022 : ವರ್ಷದ ಕೊನೆಯ ಸೂರ್ಯಗ್ರಹಣ ಅಕ್ಟೋಬರ್ 25 ರಂದು ನಡೆಯಲಿದೆ. ದೀಪಾವಳಿಯ ಮರುದಿನ ಕಾಣಿಸಿಕೊಳ್ಳಲಿದೆ. ಈ ದಿನ ಗೋಪೂಜೆಯೂ ಇದೆ. ಭಾರತೀಯ ಕಾಲಮಾನದ ಪ್ರಕಾರ, ಸೂರ್ಯಗ್ರಹಣವು ಅಕ್ಟೋಬರ್ 25 ರಂದು ಸಂಜೆ 4:29 ರಿಂದ ಪ್ರಾರಂಭವಾಗಿ ಸಂಜೆ 5:24 ರವರೆಗೆ ಇರುತ್ತದೆ. ಹೀಗಿರುವಾಗ ಈ ಎರಡು ಹಬ್ಬಗಳ ಮೇಲೆ ಸೂರ್ಯಗ್ರಹಣ ಪರಿಣಾಮ ಬೀರುವುದೇ? ಈ ದಿನದಂದು ಜನ ಯಾವ ಸಮಯದಲ್ಲಿ ಪೂಜಿಸಬಹುದು? ಇಲ್ಲಿದೆ ವಿವರವಾದ ಮಾಹಿತಿ..
ಈ ದಿನದಂದು ದೀಪಾವಳಿ ಆಚರಣೆ
ಪಂಚಾಂಗದ ಪ್ರಕಾರ, ಕಾರ್ತಿಕ ಅಮಾವಾಸ್ಯೆ ತಿಥಿಯು 24 ಅಕ್ಟೋಬರ್ 2022 ರಂದು ಸಂಜೆ 5:29 ರಿಂದ ಪ್ರಾರಂಭವಾಗುತ್ತದೆ ಮತ್ತು ಮರುದಿನ 25 ಅಕ್ಟೋಬರ್ 2022 ರಂದು ಸಂಜೆ 4:20 ರವರೆಗೆ ಇರುತ್ತದೆ. ಹೀಗಾಗಿ ಈ ವರ್ಷ ಅಕ್ಟೋಬರ್ 24 ರಂದು ದೀಪಾವಳಿ ಹಬ್ಬವನ್ನು ಆಚರಿಸಲಾಗುತ್ತದೆ. ಅದೇ ಸಮಯದಲ್ಲಿ, ದೀಪಾವಳಿಯ ಮರುದಿನ ಕಾರ್ತಿಕ ಶುಕ್ಲ ಪ್ರತಿಪದದಂದು ಗೋವರ್ಧನ ಪೂಜೆ ಮತ್ತು ಅನ್ನಕೂಟದ ಹಬ್ಬವನ್ನು ಆಚರಿಸಲಾಗುತ್ತದೆ.
ಇದನ್ನೂ ಓದಿ : Shani Dev Grace : ನಿಮ್ಮಲ್ಲಿ ಈ ಗುಣಗಳಿದ್ದರೆ ನಿಮಗಿರುತ್ತೆ ಶನಿದೇವನ ವಿಶೇಷ ಕೃಪೆ..!
ಪ್ರದೋಷ ವ್ರತ
ಪಂಚಾಂಗದ ಪ್ರಕಾರ, ಪ್ರದೋಷ ಉಪವಾಸವನ್ನು ಸಹ ಈ ದಿನ ಆಚರಿಸಲಾಗುತ್ತದೆ. ಪ್ರದೋಷ ವ್ರತ ಪೂಜೆಯ ಸಮಯವು ಸಂಜೆ 5.50 ರಿಂದ ರಾತ್ರಿ 8.22 ರವರೆಗೆ ಇರುತ್ತದೆ. ಈ ಸಮಯದಲ್ಲಿ ಜನರು ಪ್ರದೋಷ ವ್ರತವನ್ನು ಸಹ ಪೂಜಿಸಬಹುದು.
ಭಾರತದಲ್ಲಿ ಸೂರ್ಯಗ್ರಹಣ ಗೋಚರಿಸುವುದಿಲ್ಲ
ಅದೇ ಸಮಯದಲ್ಲಿ, ವರ್ಷದ ಕೊನೆಯ ಸೂರ್ಯಗ್ರಹಣ ಅಕ್ಟೋಬರ್ 25 ರಂದು ನಡೆಯಲಿದೆ. ಇದರ ಸೂತಕ ಅವಧಿಯು ಮಾನ್ಯವಾಗಿರುವುದಿಲ್ಲ, ಏಕೆಂದರೆ ಈ ಸೂರ್ಯಗ್ರಹಣವು ಭಾರತದಲ್ಲಿ ಗೋಚರಿಸುವುದಿಲ್ಲ. ಅಂದಹಾಗೆ, ಸೂರ್ಯಗ್ರಹಣದ ಸೂತಕ ಅವಧಿಯು ಸೂರ್ಯಗ್ರಹಣ ಪ್ರಾರಂಭವಾಗುವ 12 ಗಂಟೆಗಳ ಮೊದಲು ಪ್ರಾರಂಭವಾಗುತ್ತದೆ ಮತ್ತು ಸೂರ್ಯಗ್ರಹಣದ ಅಂತ್ಯದೊಂದಿಗೆ ಕೊನೆಗೊಳ್ಳುತ್ತದೆ.
ಹಬ್ಬ ಹರಿದಿನಗಳಿಗೆ ಧಕ್ಕೆಯಾಗುವುದಿಲ್ಲ
ಈ ಬಾರಿಯ ದೀಪಾವಳಿಯನ್ನು ಅಕ್ಟೋಬರ್ 24 ರಂದು ಆಚರಿಸಲಾಗುತ್ತದೆ ಮತ್ತು ಸೂರ್ಯಗ್ರಹಣವು ಮರುದಿನ ಅಕ್ಟೋಬರ್ 25 ರಂದು ಸಂಭವಿಸುತ್ತದೆ. ಆದರೆ, ಭಾರತದಲ್ಲಿ ಸೂರ್ಯಗ್ರಹಣ ಗೋಚರಿಸುವುದಿಲ್ಲ, ಆದ್ದರಿಂದ ಇದು ದೀಪಾವಳಿಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ, ಅದೇ ಸಮಯದಲ್ಲಿ, ಗೋವರ್ಧನ ಪೂಜೆಯನ್ನು ಸಹ ಆಚರಿಸಬಹುದು.
ಇದನ್ನೂ ಓದಿ : Vastu Tips For Roti: ರೊಟ್ಟಿ, ಚಪಾತಿ ಮಾಡುವಾಗ ಈ ತಪ್ಪುಗಳನ್ನು ಮಾಡಲೇ ಬೇಡಿ.. ಜೀವನವೇ ಹಾಳಾದೀತು!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
