ಹೊಸ ವರ್ಷದ ರಜಾದಿನಗಳಲ್ಲಿ ಈ ಸುಂದರ ಸ್ಥಳಗಳಿಗೆ ತಪ್ಪದೇ ಭೇಟಿ ನೀಡಿ

New Year travel plan: ಭಾರತದ ಅತ್ಯಂತ ಸುಂದರವಾದ ಸ್ಥಳಗಳನ್ನು ಉಲ್ಲೇಖಿಸಿದಾಗ, ಕಾಶ್ಮೀರ ಮತ್ತು ಅದರ ಸೌಂದರ್ಯವನ್ನು ನಿರ್ಲಕ್ಷಿಸಲಾಗುವುದಿಲ್ಲ. ನೈಸರ್ಗಿಕ ದೃಶ್ಯಾವಳಿ, ಬೆಟ್ಟಗಳು ಮತ್ತು ಚಳಿಗಾಲದಲ್ಲಿ ಹಿಮದ ಹೊದಿಕೆಯೊಂದಿಗೆ ಕಾಶ್ಮೀರದ ಸೌಂದರ್ಯವನ್ನು ನೋಡುವುದು ಕಣ್ಣಿಗೆ ತಂಪು. ಚಳಿಗಾಲದಲ್ಲಿ ಕಾಶ್ಮೀರವು ನಿಜವಾಗಿಯೂ ಪ್ರಕೃತಿಯ ಮೇರುಕೃತಿಯಂತೆ ಕಾಣುತ್ತದೆ. ಸುತ್ತಲೂ ಎಲ್ಲವೂ ಶಾಂತವಾಗುತ್ತದೆ, ಹಿಮದಿಂದ ಆವೃತವಾದ ಬೆಟ್ಟಗಳು, ಜಲಪಾತಗಳು, ನದಿಗಳು ಮತ್ತು ಹೆಪ್ಪುಗಟ್ಟಿದ ಸರೋವರಗಳು ಯಾರನ್ನಾದರೂ ಆಕರ್ಷಿಸುತ್ತವೆ.

ಹೊಸ ವರ್ಷದ ಸಂದರ್ಭದಲ್ಲಿ ರಜಾದಿನಗಳನ್ನು ಕಳೆಯಲು ಸೂಕ್ತ ಸ್ಥಳಕ್ಕೆ ಹೋಗಲು ಯೋಜಿಸುತ್ತಿದ್ದರೆ, ಕಾಶ್ಮೀರವು ಅತ್ಯುತ್ತಮ ಆಯ್ಕೆಯಾಗಿದೆ. ಕುಟುಂಬ ಅಥವಾ ಸ್ನೇಹಿತರೊಂದಿಗೆ ಇರಲಿ, ನಾಲ್ಕೈದು ದಿನಗಳಲ್ಲಿ  ಪ್ರಕೃತಿಯ ಈ ಆಕರ್ಷಕ ಸ್ಥಳವನ್ನು ಸಂಪೂರ್ಣವಾಗಿ ಆನಂದಿಸಬಹುದು.

ಇದನ್ನೂ ಓದಿ: ಸಾವಿರ ರೂಪಾಯಿ ಇದ್ದರೆ ಇಂದೇ ಈ ದೇಶಕ್ಕೆ ಭೇಟಿ ನೀಡಿ

ಗುಲ್ಮಾರ್ಗ್‌ನ ಹಿಮಭರಿತ ಭೂ ದೃಶ್ಯ

ಚಳಿಗಾಲದಲ್ಲಿ ಕಾಶ್ಮೀರಕ್ಕೆ ಭೇಟಿ ನೀಡುವುದಾದರೆ ಗುಲ್ಮಾರ್ಗ್‌ಗೆ ಭೇಟಿ ನೀಡಿ. ಇಲ್ಲಿನ ನೋಟವು ಶೀತ ಋತುವಿನಲ್ಲಿ ನೋಡಲು ಯೋಗ್ಯವಾಗಿದೆ. ಇದು ವರ್ಷವಿಡೀ ಆಕರ್ಷಕವಾಗಿ ಉಳಿಯುತ್ತದೆ, ಆದರೆ ಚಳಿಗಾಲದಲ್ಲಿ, ನಗರವು ಹಿಮದಿಂದ ಆವೃತವಾದ ಅದ್ಭುತಲೋಕವಾಗಿ ಬದಲಾಗುತ್ತದೆ. ಇಲ್ಲಿನ ಕಣಿವೆಗಳು ಮತ್ತು ನೋಟಗಳು ಎಂತವರನ್ನಾದರು ರೋಮಾಂಚನಗೋಳಿಸುತ್ತದೆ. ಜೊತೆಗೆ ಸಂತೋಷದ ಕ್ಷಣಗಳನ್ನು ಐಸ್ ಚೆಂಡುಗಳನ್ನು ಮಾಡಿ  ಎಂಜಾಯ್‌ ಮಾಡಬಹುದು.

ಹೆಪ್ಪುಗಟ್ಟಿದ ದಾಲ್ ಸರೋವರದ ಸೌಂದರ್ಯ

ಚಳಿಗಾಲದಲ್ಲಿ ದಾಲ್ ಸರೋವರವು ಭಾಗಶಃ ಹೆಪ್ಪುಗಟ್ಟುತ್ತದೆ, ಅದರಲ್ಲೂ ಡಿಸೆಂಬರ್-ಜನವರಿ ತಿಂಗಳು ಅದರ ಸೌಂದರ್ಯವೂ ಇನ್ನಷ್ಟು ಹೆಚ್ಚಾಗಿರುತ್ತದೆ. ಸರೋವರದ ಸುತ್ತಲಿನ ನೋಟಗಳು ಬೆರಗುಗೊಳಿಸುವಂತೆ ಇರುತ್ತದೆ. ವಿಶೇಷವಾಗಿ ಅವು ಹಿಮದಿಂದ ಆವೃತವಾದಾಗ ಅದ್ಭುತ ನೋಟವೇ ಕಾಣಬಹುದು. ಹೌಸ್‌ಬೋಟ್‌ಗಳು ಹಿಮದಿಂದ ಆವೃತವಾದ ಪರ್ವತಗಳ ಹಿನ್ನೆಲೆಯಲ್ಲಿ ನೋಡಬೇಕಾದ ದೃಶ್ಯವಾಗಿದೆ. ದಾಲ್ ಸರೋವರದ ಸೌಂದರ್ಯವನ್ನು ನೋಡಲು ವಿದೇಶಿ ಅತಿಥಿಗಳ ದೊಡ್ಡ ಗುಂಪು ಕೂಡ ಬರುತ್ತಿರುವುದು ವಿಶೇಷ ಸಂಗತಿ.

ಇದನ್ನೂ ಓದಿ: Year End 2023: Googleನಲ್ಲಿ ಭಾರತೀಯರು ಹೆಚ್ಚು ಹುಡುಕಿದ ಟಾಪ್ 10 ಪ್ರವಾಸಿ ಸ್ಥಳಗಳು ಇವು!

ಹಿಮದಿಂದ ಆವೃತವಾದ ಪಹಲ್ಗಾಮ್‌ನ ಹಸಿರು 

ಪಹಲ್ಗಾಮ್ ಭಾರತದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಒಂದು. ಅದರ ಹಚ್ಚ ಹಸಿರಿನ ಭೂದೃಶ್ಯವು ಚಳಿಗಾಲದಲ್ಲಿ ಹಿಮದಿಂದ ಆವೃತವಾಗಿರುತ್ತದೆ. ಇಲ್ಲಿಯ ಹಿಮಪಾತವು ನೋಡಲೇಬೇಕಾದ ದೃಶ್ಯವಾಗಿದೆ. ಪಹಲ್ಗಾಮ್ ಜಮ್ಮು ಮತ್ತು ಕಾಶ್ಮೀರದ ಪ್ರಸಿದ್ಧ ಗಿರಿಧಾಮವಾಗಿದೆ. ಪರ್ವತದ ಹಾದಿಗಳು ಈಶಾನ್ಯದಲ್ಲಿರುವ ಅಮರನಾಥ ಗುಹೆ ದೇವಾಲಯಕ್ಕೆ ದಾರಿ ಮಾಡಿಕೊಡುತ್ತವೆ. ವನ್ಯಜೀವಿ ಅಭಯಾರಣ್ಯವು ಕಂದು ಕರಡಿಗಳು ಮತ್ತು ಕಸ್ತೂರಿ ಜಿಂಕೆ ಸೇರಿದಂತೆ ಪ್ರಾಣಿಗಳಿಗೆ ನೆಲೆಯಾಗಿದೆ. 

ಬೇಟಾಬ್ ಕಣಿವೆಯ ಸೌಂದರ್ಯ

ಚಳಿಗಾಲದಲ್ಲಿ ಬೇಟಾಬ್ ಕಣಿವೆಗೆ ಭೇಟಿ ನೀಡಿದಾಗ, ಕಣಿವೆಯ ನೆಲದ ಮೇಲೆ ಮತ್ತು ಸುತ್ತಮುತ್ತಲಿನ ಪರ್ವತಗಳ ಮೇಲೆ ಹಿಮದ ಹಾಳೆಗಳು ನಮ್ಮನ್ನು ಸ್ವಾಗತಿಸುವಂತೆ ಇರುತ್ತದೆ. ಇದು ನಿಜಕ್ಕೂ ಅತ್ಯಂತ ಸುಂದರವಾದ ದೃಶ್ಯ ಹೊಂದಿರುವ ಸ್ಥಳವಾಗಿದೆ. ಹಜನ್ ವ್ಯಾಲಿ ಎಂದೂ ಕರೆಯಲ್ಪಡುವ ಬೇತಾಬ್ ವ್ಯಾಲಿಯು 1983 ರಲ್ಲಿ ಸನ್ನಿ ಡಿಯೋಲ್ ಮತ್ತು ಅಮೃತಾ ಸಿಂಗ್ ನಟಿಸಿದ ಬೇತಾಬ್ ಚಿತ್ರದ ಚಿತ್ರೀಕರಣದ ನಂತರ ಖ್ಯಾತಿಯನ್ನು ಗಳಿಸಿತು. ಚಳಿಗಾಲದ ಸಮಯದಲ್ಲಿ ಒಮ್ಮೆಯಾದರು ಇಲ್ಲಿಗೆ ಭೇಟಿ ನೀಡಿ ಇಲ್ಲಿಯ ಸೌಂಧರ್ಯವನ್ನು ಕಣ್ಬುಂಬಿಕೊಳ್ಳಲು ಮರೆಯಬೇಡಿ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.