ಶಿರಸಿ: ವಿದ್ಯುತ್ ಶಾರ್ಟ್‌ ಸರ್ಕ್ಯೂಟ್ ನಿಂದ ಬೆಂಕಿ ತಗುಲಿ ವಾಹನಗಳ ಡ್ಯಾಶ್ ಬೋರ್ಡ್ ತಯಾರಿಸುತ್ತಿದ್ದ ಫ್ಯಾಕ್ಟರಿ ಸುಟ್ಟು ಭಸ್ಮವಾದ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ತಾಲೂಕಿನ ಕೊಳಗಿಬೀಸ್ ನಲ್ಲಿ ನಡೆದಿದೆ.
ಶಿರಸಿಯ ಕಾನಗೋಡ ಮಶಿಗದ್ದೆಯ ರಾಘವ ವಿಶ್ವೇಶ್ವರ ಹೆಗಡೆ ಅವರಿಗೆ ಸೇರಿದ ಮಾನ್ಯ ಇಂಡಸ್ಟ್ರೀಸ್ ನಲ್ಲಿ ಈ ದುರ್ಘಟನೆ ನಡೆದಿದೆ. ಫ್ಯಾಕ್ಟರಿಯ ಸಮೀಪವೇ ಇರುವ ವಿದ್ಯುತ್ ಪರಿವರ್ತಕದಲ್ಲಿ ಮೊದಲು ಬೆಂಕಿ ಕಾಣಿಸಿಕೊಂಡಿದೆ. ಬಳಿಕ ಸಮೀಪದಲ್ಲಿಯೇ ಇದ್ದ ತ್ಯಾಜ್ಯ ವಸ್ತುಗಳಿಗೆ ಬೆಂಕಿ ತಗುಲಿ ನೋಡು ನೋಡುತ್ತಿರುವಂತೆಯೆ ಫ್ಯಾಕ್ಟರಿ ಸಮೀಪದಲ್ಲಿ ಇಡಲಾಗಿದ್ದ ಫೈಬರ್ ನ ಸಿದ್ದಗೊಂಡ ಡ್ಯಾಶ್ ಬೋರ್ಡ್ ಗಳಿಗೆ ಬೆಂಕಿ ತಗುಲಿ ಬಳಿಕ ಫ್ಯಾಕ್ಟರಿಯ ಒಳಗಿದ್ದ ಫೈಬರ್ ವಸ್ತುಗಳಿಗೂ ಆವರಿಸಿದೆ.
ಇದನ್ನೂ ಓದಿ: ಕಾರ್ತಿಕ ಮಾಸದ ಕಡೇ 4 ದಿನ: ಮಾದಪ್ಪನಿಗೆ 1.38 ಕೋಟಿ ಹಣ
ಅಗ್ನಿಶ್ಯಾಮಕದಳದ ವಾಹನ ಸ್ಥಳಕ್ಕೆ ಆಗಮಿಸಿ ನೀರು ಸಿಂಪಡಿಸಿದೆಯಾದರೂ ಫೈಬರ್ ವಸ್ತುಗಳೇ ಜಾಸ್ತಿ ಇದ್ದ ಕಾರಣ ತ್ವರಿತವಾಗಿ ಆರಲಿಲ್ಲ. ವಾಹನದಲ್ಲಿದ್ದ ನೀರು ಸಂಪೂರ್ಣ ಖಾಲಿಯಾದರೂ ಬೆಂಕಿಯ ಪ್ರಮಾಣ ಕ್ಷೀಣಿಸಿರಲಿಲ್ಲ. ಸ್ಥಳಕ್ಕೆ ಸಿದ್ದಾಪುರದ ಅಗ್ನಿಶ್ಯಾಮಕ ವಾಹನ ತರಿಸಿ ಬೆಂಕಿ ಆರಿಸುವ ಯತ್ನ ನಡೆದರೂ ಅದು ಸಾಧ್ಯವಾಗಲಿಲ್ಲ. ಅಗ್ನಿಶ್ಯಾಮಕ ವಾಹನಕ್ಕೆ ನೀರು ತುಂಬಿಕೊಂಡು ವಾಪಸಾಗುವ ವೇಳೆ ಬೆಂಕಿಯ ಪ್ರಮಾಣ ಇನ್ನಷ್ಟು ಜಾಸ್ತಿಯಾಗಿರುತ್ತಿತ್ತು. ಇದರಿಂದಾಗಿ ಅಗ್ನಿಶ್ಯಾಮಕ ದಳದ ಶ್ರಮ ವಿಫಲವಾಗಿ ಸಂಪೂರ್ಣ ಫ್ಯಾಕ್ಟರಿಯೇ ಸುಟ್ಟು ಹೋಗಿದೆ.
ಫೈಬರ್ ಉತ್ಪನ್ನಗಳಿಗೆ ಬೆಂಕಿ ಬಿದ್ದಿದ್ದರಿಂದ ದಟ್ಟನೆಯ ಕಪ್ಪು ಹೊಗೆ ಎಲ್ಲೆಡೆ ಆವರಿಸಿಕೊಂಡು ದೂರದವರೆಗೂ ಗೋಚರವಾಗುತ್ತಿತ್ತು. ಘಟನೆಯಿಂದಾಗಿ ಸುಮಾರು ಮೂರು ಕೋಟಿ ರೂ.ಗಳಷ್ಟು ಹಾನಿ ಸಂಭವಿಸಿರಬಹುದೆಂದು ಅಂದಾಜಿಸಲಾಗಿದೆ.
ಇದನ್ನೂ ಓದಿ: ಹೆಲ್ತ್ ಇನ್ಸುರೆನ್ಸ್ ಹಣದ ಜೊತೆ ದಂಡ ಮತ್ತು ಪರಿಹಾರ ಕೊಡುವಂತೆ ವಿಮಾ ಕಂಪನಿಗೆ ಆದೇಶ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
