ರಾಜಕೀಯ ಮತ್ತು ಮದುವೆ ನಿಭಾಯಿಸುವ ಬಗ್ಗೆ ಅದಿತಿ ಸಿಂಗ್ ಹೇಳಿದ್ದೇನು?

ನವದೆಹಲಿ: ಕಾಂಗ್ರೆಸ್ ಪಕ್ಷದ ಶಾಸಕ ಅಂಗದ್ ಸಿಂಗ್ ಸೈನಿ ಅವರೊಂದಿಗಿನ ವಿವಾಹವು ಅವರ ಕ್ಷೇತ್ರದಲ್ಲಿನ ಕೆಲಸ ಕಾರ್ಯಗಳಿಗೆ ಅಡ್ಡಿಯಾಗುವುದಿಲ್ಲ ಎಂದು ಶಾಸಕಿ ಅದಿತಿ ಸಿಂಗ್ ಹೇಳಿದ್ದಾರೆ.

'ರಾಯ್ ಬರೇಲಿ ನನ್ನ ಜವಾಬ್ದಾರಿ ಮತ್ತು ನನ್ನ ಹೃದಯವು ಅದಕ್ಕೆ ಸಂಪೂರ್ಣವಾಗಿ ಅರ್ಪಿತವಾಗಿದೆ. ಇದು ನನ್ನ ಪೂರ್ವಜರಿಗೆ ಸೇರಿದೆ. ಇದು ಕೇವಲ ಪ್ರಾರಂಭ, ಮತ್ತು ಅದರ ಅಭಿವೃದ್ಧಿಗೆ ನಾನು ಕೆಲಸ ಮಾಡುವುದನ್ನು ಎಂದಿಗೂ ಸ್ಥಗಿತಗೊಳಿಸುವುದಿಲ್ಲ ಎಂದು ಅದಿತಿ ಸಿಂಗ್ ಹೇಳಿದರು. ನವೆಂಬರ್ 21 ರಂದು ನವದೆಹಲಿಯಲ್ಲಿ ನವಾನ್ಶಹರ್ ಶಾಸಕರನ್ನು ವಿವಾಹವಾಗಲಿದ್ದಾರೆ.

'ಒಬ್ಬ ಮಹಿಳೆಯನ್ನು ಯಾವಾಗಲೂ ತನ್ನ ವೃತ್ತಿ ಮತ್ತು ಮದುವೆಯನ್ನು ಹೇಗೆ ನಿರ್ವಹಿಸುತ್ತಾಳೆ ಎಂದು ಕೇಳಲಾಗುತ್ತದೆ ಎಂದು ಅವರು ಪ್ರಶ್ನಿಸಿದರು. ಮಹಿಳೆಯರು ತಮ್ಮ ಸಾಮರ್ಥ್ಯವನ್ನು ನಿರ್ವಹಿಸಲು ಸಮರ್ಥರಾಗಿದ್ದಾರೆ ಮತ್ತು ನಾನು ಕೆಲಸ ಮಾಡುವುದನ್ನು ಮುಂದುವರಿಸುತ್ತೇನೆ. ನಾವು ಮಹಿಳೆಯರಿಗೆ ಇಂತಹ ಪ್ರಶ್ನೆಗಳನ್ನು ಕೇಳುವುದನ್ನು ನಿಲ್ಲಿಸಬೇಕು' ಎಂದು ಹೇಳಿದರು.

ಒಂದೇ ರಾಜಕೀಯ ಹಿನ್ನೆಲೆ ಹೊಂದಿರುವುದು ತನಗೆ ಮತ್ತು ಸೈನಿಗೆ ಒಬ್ಬರಿಗೊಬ್ಬರು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಹಾಯವಾಗುತ್ತದೆ ಎಂದು ಅವರು ಹೇಳಿದರು.'ನಾನು ಅವರನ್ನು ಮದುವೆಯಾಗಲು ಸಂತೋಷವಾಗಿದೆ. ನಾವಿಬ್ಬರೂ ಒಂದೇ ರಾಜಕೀಯ ಹಿನ್ನೆಲೆಗೆ ಸೇರಿದವರಾಗಿದ್ದೇವೆ. ಇದು ಪರಸ್ಪರ ಚೆನ್ನಾಗಿ ಅರ್ಥಮಾಡಿಕೊಳ್ಳಲು ನಮಗೆ ಸಹಾಯ ಮಾಡುತ್ತದೆ. ಅವರು ನನ್ನನ್ನು ಮತ್ತು ನನ್ನ ಕೆಲಸವನ್ನು ಗೌರವಿಸುವ ಒಳ್ಳೆಯ ವ್ಯಕ್ತಿ' ಎಂದು ಹೇಳಿದರು.