ಜಾರ್ಸುಗುಡ: ಚಲಿಸುತ್ತಿದ್ದ ರೈಲನ್ನು ಹತ್ತಲು ಹೋಗಿ ಕೆಳಗೆ ಬಿದ್ದ ವ್ಯಕ್ತಿಯೊಬ್ಬ ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾದ ಘಟನೆ ಒಡಿಶಾದ ಜಾರ್ಸುಗುಡ ರೈಲ್ವೆ ನಿಲ್ದಾಣದಲ್ಲಿ ಮಂಗಳವಾರ ನಡೆದಿದೆ.
ಬಿದ್ದ ಪ್ರಯಾಣಿಕನನ್ನು ರಾಜೇಶ್ ತಲ್ವಾರ್ ಎಂದು ಗುರುತಿಸಲಾಗಿದ್ದು, ಘಟನೆ ನಡೆದ ಸಂದರ್ಭದಲ್ಲಿ ಹೌರಾದಿಂದ ಸಂಬಲಪುರಕ್ಕೆ ಪ್ರಯಾಣಿಸುತ್ತಿದ್ದ ಎನ್ನಲಾಗಿದೆ.
ಜಾರ್ಸುಗುಡ ರೈಲ್ವೆ ನಿಲ್ದಾಣದಲ್ಲಿ ಒಂದು ಕಪ್ ಟೀ ತೆಗೆದುಕೊಳ್ಳಲು ರೈಲಿನಿಂದ ಇಳಿದಿದ್ದ ಈತ, ನಿಲುಗಡೆಯಾಗಿದ್ದ ರೈಲು ಚಲಿಸಿದ್ದನ್ನು ಕಂಡು ಓಡಿ ಹೋಗಿ ಹತ್ತಲು ಪ್ರಯತ್ನಿಸುತ್ತಿದ್ದ ಸಂದರ್ಭದಲ್ಲಿ ಪ್ಲಾಟ್ ಫಾರ್ಮ್ ಮತ್ತು ರೈಲಿನ ನಡುವೆ ಇರುವ ಸ್ಥಳದೊಳಗೆ ಬಿದ್ದು ಚೀರಾಡಲು ಆರಂಭಿಸಿದ್ದಾನೆ. ಕೂಡಲೇ ಅಲ್ಲಿ ನೆರೆದಿದ್ದ ಜನರು ಓಡಿ ಬಂದು ನೋಡುತ್ತಾ, ಆತ ಸತ್ತೇಹೋದ ಎಂದುಕೊಳ್ಳುವಷ್ಟರಲ್ಲಿ ರೈಲು ನಿಂತಿದೆ. ಕೂಡಲೇ ಸ್ಥಳಕ್ಕಾಗಮಿಸಿದ ರಕ್ಷಣಾ ಸಿಬ್ಬಂದಿ ಆತನನ್ನು ರಕ್ಷಿಸಿದ್ದಾರೆ. ಬಳಿಕ ಆಟ ಅದೇ ರೈಲಿನಲ್ಲಿ ಮುಂದೆ ಪ್ರಯಾಣಿಸಿದ ಘಟನೆ ನಡೆದಿದೆ.
ಈ ಘಟನೆಯ ಸಂಪೂರ್ಣ ದೃಶ್ಯಾವಳಿ ರೈಲ್ವೆ ನಿಲ್ದಾಣದ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
#WATCH: A man survives after he fell on the tracks through the gap between the platform and the train at the Jharsuguda railway station while trying to board a moving train. (18-06) #Odisha pic.twitter.com/sz9wIYDN0z
— ANI (@ANI) June 20, 2019
!["X&Y" ಚಿತ್ರದಲ್ಲಿ "ಆoಬು ಆಟೋ " ಎಂಬ ಆಪ್ತಮಿತ್ರ : ಬಿಡುಗಡೆಗೂ ಮುನ್ನವೇ ಆಟೋ ಚಾಲಕರ ಮನ ಗೆದ್ದ ಸಿನಿಮಾ](https://kannada.cdn.zeenews.com/kannada/sites/default/files/styles/zm_175x100/public/2024/11/27/470370-auto.jpg?itok=tIsx6DEI ""X&Y" ಚಿತ್ರದಲ್ಲಿ "ಆoಬು ಆಟೋ " ಎಂಬ ಆಪ್ತಮಿತ್ರ : ಬಿಡುಗಡೆಗೂ ಮುನ್ನವೇ ಆಟೋ ಚಾಲಕರ ಮನ ಗೆದ್ದ ಸಿನಿಮಾ")
