ನವದೆಹಲಿ: ನಾಗರಿಕ ಸೇವಾ ಪರೀಕ್ಷೆ 2017 ರ ಅಂತಿಮ ಫಲಿತಾಂಶವನ್ನು ಕೇಂದ್ರ ಲೋಕ ಸೇವಾ ಆಯೋಗ ಶುಕ್ರವಾರ ಸಂಜೆ ಬಿಡುಗಡೆ ಮಾಡಿದೆ.
ಈ ದೇಶದ ಪ್ರತಿಷ್ಟಿತ ಪರೀಕ್ಷೆಯಲ್ಲಿ ಹೈದರಾಬಾದಿನ ಅನುದೀಪ್ ದುರಿಶೆಟ್ಟಿ ನಾಗರಿಕ ಸೇವಾಪರೀಕ್ಷೆ 2017 ರಲ್ಲಿ ಅಗ್ರಸ್ಥಾನ ಪಡೆದಿದ್ದಾರೆ. ಅನುಕುಮಾರಿ, ಸಚಿನ್ ಗುಪ್ತಾ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿದ್ದಾರೆ.ವಿವಿಧ ಸೇವೆಗಳಿಗೆ ನೇಮಕಾತಿಗಾಗಿ ಒಟ್ಟು 990 ಅಭ್ಯರ್ಥಿಗಳು (750 ಪುರುಷರು ಮತ್ತು 240 ಮಹಿಳೆಯರು) ಈ ಪ್ರತಿಷ್ಟಿತ ಪರೀಕ್ಷೆಯಲ್ಲಿ ಉತ್ತಿರ್ಣರಾಗಿದ್ದಾರೆ.
2017 ರ ಅಕ್ಟೋಬರ್-ನವೆಂಬರ್ ನಲ್ಲಿ ಕೇಂದ್ರ ಲೋಕಸೇವಾ ಆಯೋಗವು ನಡೆಸಿದ ಲಿಖಿತ ಪರೀಕ್ಷೆಯನ್ನು ಮತ್ತು 2018 ರ ಫೆಬ್ರುವರಿ-ಏಪ್ರಿಲ್ನಲ್ಲಿ ಸಂದರ್ಶನ ವನ್ನು ನಡೆಸಿತ್ತು ಈಗ ಇದರ ಆಧಾರದ ಮೇಲೆ, 990 ಅಭ್ಯರ್ಥಿಗಳಿಗೆ ಭಾರತೀಯ ಆಡಳಿತಾತ್ಮಕ ಸೇವೆ, ಭಾರತೀಯ ವಿದೇಶಾಂಗ ಸೇವೆ, ಭಾರತೀಯ ಪೊಲೀಸ್ ಸೇವೆ ಮತ್ತು ಕೇಂದ್ರ ಸೇವೆಗಳು, ಗುಂಪು 'ಎ' ಮತ್ತು ಗುಂಪು 'ಬಿ'. ಹುದ್ದೆ ಗಳನ್ನು ನೀಡಲಾಗುವುದು
