ನವದೆಹಲಿ : ಕರೋನವೈರಸ್ ಕೋವಿಡ್-19 (Covid-19) ಅನ್ನು ಸಂಪೂರ್ಣವಾಗಿ ಹತ್ತಿಕ್ಕಲು ಮೋದಿ ಸರ್ಕಾರ ಲಾಕ್ಡೌನ್ (Lockdown) 3.0 ಅನ್ನು ಪ್ರಾರಂಭಿಸಿದೆ. ಇದರಲ್ಲಿ ಹಸಿರು ವಲಯಕ್ಕೆ ಹೆಚ್ಚಿನ ಪರಿಹಾರ ನೀಡಲಾಗಿದೆ. ಇತ್ತೀಚಿನ ಆದೇಶದ ಪ್ರಕಾರ ಲಾಕ್ಡೌನ್ ಅನ್ನು ಮೇ 17, 2020ರವರೆಗೆ ವಿಸ್ತರಿಸಲಾಗಿದೆ. ಈ ಸಮಯದಲ್ಲಿ ಹಸಿರು ವಲಯಗಳಲ್ಲಿ ಬಸ್ಸುಗಳು ಚಲಿಸಲು ಸಾಧ್ಯವಾಗುತ್ತದೆ, ಆದರೆ ಬಸ್ಸುಗಳ ಸಾಮರ್ಥ್ಯವು 50% ಕ್ಕಿಂತ ಹೆಚ್ಚಿಲ್ಲ. ಉದಾಹರಣೆಗೆ ಬಸ್‌ನಲ್ಲಿ 50 ಆಸನಗಳಿದ್ದರೆ 25ಕ್ಕಿಂತ ಹೆಚ್ಚು ಪ್ರಯಾಣಿಕರು ಬಸ್ ನಲ್ಲಿ ಪ್ರಯಾಣಿಸುವಂತಿಲ್ಲ.
ಹಸಿರು ವಲಯದಲ್ಲಿ ಈ ಅಂಗಡಿಗಳು ತೆರೆಯುತ್ತವೆ:
ಕ್ಷೌರಿಕನ ಅಂಗಡಿಗಳು, ಸಲೊನ್ಸ್ ಸೇರಿದಂತೆ ಅಗತ್ಯ ಸೇವೆಗಳು ಮತ್ತು ಸರಕುಗಳನ್ನು ಒದಗಿಸುವ ಸಂಸ್ಥೆಗಳು ಮೇ 4ರಿಂದ ಹಸಿರು ವಲಯದ ಜಿಲ್ಲೆಗಳಲ್ಲಿ ತೆರೆಯಲ್ಪಡುತ್ತವೆ. ಸಿನೆಮಾ ಹಾಲ್, ಮಾಲ್, ಜಿಮ್, ಕ್ರೀಡಾ ಸಂಕೀರ್ಣ ಇತ್ಯಾದಿಗಳನ್ನು ಮುಚ್ಚಲಾಗುವುದು.
ಕಿತ್ತಳೆ ವಲಯ (Orange Zone):
ಆರೆಂಜ್ ವಲಯದಲ್ಲಿ ಬಸ್ಸುಗಳು ಓಡುವುದಿಲ್ಲ ಆದರೆ ಕ್ಯಾಬ್‌ಗಳಿಗೆ ಅವಕಾಶವಿರುತ್ತದೆ. ಕ್ಯಾಬ್‌ನಲ್ಲಿ ಚಾಲಕನೊಂದಿಗೆ ಒಬ್ಬ ಪ್ರಯಾಣಿಕ ಮಾತ್ರ ಇರುತ್ತಾನೆ. ಕಿತ್ತಳೆ ವಲಯದಲ್ಲಿ ಕೈಗಾರಿಕೆಗಳು, ಕಾರ್ಖಾನೆಗಳ ಜೊತೆಗೆ ಕಾಂಪ್ಲೆಕ್ಸ್ ಕಾರ್ಯನಿರ್ವಹಿಸುತ್ತವೆ.
ಕೆಂಪು ವಲಯ (Red zone) :
ಕ್ಷೌರಿಕನ ಅಂಗಡಿಗಳು, ಸಲೂನ್‌ಗಳು ಇತ್ಯಾದಿಗಳು ಕೆಂಪು ವಲಯದಲ್ಲಿ ಮುಚ್ಚಲ್ಪಡುತ್ತವೆ. ಮುಂದಿನ ದಿನಗಳಲ್ಲಿ ಗೃಹ ಸಚಿವಾಲಯವು ಈ ಕುರಿತು ಹೆಚ್ಚಿನ ಸಲಹೆಗಳನ್ನು ನೀಡಲಿದೆ.
ಪ್ರಧಾನಮಂತ್ರಿ ನರೇಂದ್ರ ಮೋದಿ ಶುಕ್ರವಾರ ಸಚಿವರೊಂದಿಗೆ ಸಭೆ ನಡೆಸಿದ್ದಾರೆ. ಇದರಲ್ಲಿ ಆರೋಗ್ಯ ಸಚಿವಾಲಯವು ಕರೋನಾವೈರಸ್ (Coronavirus) ಹರಡದಿರುವ ಹಾಗೆ ನಿಗಾ ವಹಿಸುವ ಮೂಲಕ ಲಾಕ್ಡೌನ್ ಸಡಿಲಿಸಲು ಪ್ರದೇಶಗಳಲ್ಲಿರುವ ಕೋವಿಡ್-19 ಪೀಡಿತರ ಆಧಾರದ ಮೇಲೆ ಮೂರು ವಲಯಗಳಾಗಿ ವಿಂಗಡಿಸಿದೆ. ಹಸಿರು ವಲಯದಲ್ಲಿ 319 ಮತ್ತು ಕಿತ್ತಳೆ ವಲಯದಲ್ಲಿ 284 ಜಿಲ್ಲೆಗಳಿವೆ. ದೆಹಲಿ, ಮುಂಬೈ, ಕೋಲ್ಕತಾ, ಅಹಮದಾಬಾದ್ ಸೇರಿದಂತೆ 130 ಜಿಲ್ಲೆಗಳು ಕೆಂಪು ವಲಯದಲ್ಲಿವೆ. ಹಸಿರು ವಲಯ ಮತ್ತು ಕಿತ್ತಳೆ ವಲಯದಲ್ಲಿ ಷರತ್ತುಬದ್ಧ ವಿನಾಯಿತಿ ಇರುತ್ತದೆ. ಆದರೆ ಕೆಂಪು ವಲಯದಲ್ಲಿ ಯಾವುದೇ ಲಾಕ್ಡೌನ್ ಸಡಿಲಿಕೆ ಲಭ್ಯವಿರುವುದಿಲ್ಲ. ವಿಮಾನ ಸೇವೆ, ರೈಲು ಸೇವೆ, ಮೆಟ್ರೋವನ್ನು 17 ರವರೆಗೆ ಮುಚ್ಚಲಾಗುವುದು.
ಗೃಹ ಸಚಿವಾಲಯವು ವಿಪತ್ತು ನಿರ್ವಹಣಾ ಕಾಯ್ದೆ 2005ರ ಅಡಿಯಲ್ಲಿ ಆದೇಶ ಹೊರಡಿಸಿದ್ದು ಇನ್ನೂ ಎರಡು ವಾರಗಳವರೆಗೆ ಲಾಕ್ಡೌನ್ ವಿಸ್ತರಿಸಲು ನಿರ್ಧರಿಸಿದೆ. ಹಸಿರು ವಲಯದಲ್ಲಿ ಷರತ್ತುಗಳೊಂದಿಗೆ ಬಸ್ಸುಗಳು ಚಲಿಸುತ್ತವೆ. ಬಸ್ ತನ್ನ ಸಾಮರ್ಥ್ಯದ ಅರ್ಧದಷ್ಟು ಪ್ರಯಾಣಿಕರನ್ನು ಮಾತ್ರ ಸಾಗಿಸಲು ಅವಕಾಶ ನೀಡಲಾಗುವುದು. ಸಿನೆಮಾ ಮಾಲ್, ಜಿಮ್, ಕ್ಲಬ್ ಅನ್ನು ಮೇ 17 ರವರೆಗೆ ಮುಚ್ಚಲಾಗುವುದು. ಟ್ಯಾಕ್ಸಿ ಡ್ರೈವರ್ ಹೊಂದಿರುವ ಪ್ರಯಾಣಿಕರಿಗೆ ಆರೆಂಜ್ ವಲಯದಲ್ಲಿ ಅನುಮೋದನೆ ನೀಡಲಾಗಿದೆ.
ಟ್ಯಾಕ್ಸಿ ಡ್ರೈವರ್ ಜೊತೆಗೆ ಓರ್ವ ಪ್ರಯಾಣಿಕರಿಗೆ ಮಾತ್ರ ಚಲಿಸಲು ಆರೆಂಜ್ ವಲಯದಲ್ಲಿ ಅನುಮೋದನೆ ನೀಡಲಾಗಿದೆ. 65 ವರ್ಷ ವಯಸ್ಸಿನ ಜನರು ಹೊರಗೆ ಹೋಗುವುದನ್ನು ನಿಷೇಧಿಸಲಾಗಿದೆ. 10 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು ಹೊರಗೆ ಹೋಗುವುದನ್ನು ನಿಷೇಧಿಸಲಾಗಿದೆ. ಗರ್ಭಿಣಿ ಮಹಿಳೆಯರನ್ನು ಮನೆಯಿಂದ ಹೊರಗೆ ಅನುಮತಿಸಲಾಗುವುದಿಲ್ಲ. ಕೆಂಪು ವಲಯದಲ್ಲಿ ಆಟೋ, ಟ್ಯಾಕ್ಸಿ, ರಿಕ್ಷಾ ಮತ್ತು ಬಸ್ಸುಗಳ ಮೇಲೆ ನಿಷೇಧ ಹೇರಲಾಗಿದೆ.
