ದೆಹಲಿಯಲ್ಲಿ ನಡೆಯುವ 74ನೇ ಗಣರಾಜ್ಯೋತ್ಸವ ಪರೇಡ್‌ ನೋಡಬೇಕೆ : ಈ ರೀತಿ ಟಿಕೆಟ್‌ ಬುಕ್‌ ಮಾಡಿ..!

Republic Day 2023 : ಪ್ರತಿವರ್ಷದಂತೆ ಈ ವರ್ಷವೂ ಜನವರಿ 26 ರಂದು ದೆಹಲಿಯ ಕರ್ತವ್ಯ ಪಥದಲ್ಲಿ 74ನೇ ಗಣರಾಜ್ಯವನ್ನು ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಈಗಾಗಲೇ ಸಶಸ್ತ್ರ ಪಡೆಗಳು, ದೆಹಲಿ ಪೊಲೀಸರು ಮತ್ತು ಇತರರು ದೆಹಲಿಯ ಕರ್ತವ್ಯ ಪಥದಲ್ಲಿ ಪರೇಡ್‌ಗಾಗಿ ತಾಲೀಮು ನಡೆಸುತ್ತಿದ್ದಾರೆ. ಈ ವರ್ಷದ ಗಣರಾಜ್ಯೋತ್ಸವ ಆಚರಣೆಗಳು ಪ್ರಧಾನಮಂತ್ರಿಯವರ ‘ಜನ ಭಗೀತರಿ’ ಥೀಮ್ ಅನ್ನು ಪ್ರತಿಬಿಂಬಿಸುತ್ತಿದೆ ಎಂದು ರಕ್ಷಣಾ ಕಾರ್ಯದರ್ಶಿ ಕೃತರ್ ಅರಮನೆ ತಿಳಿಸಿದ್ದಾರೆ.

ಜನವರಿ 26 ರಂದು ನಡೆಯುವ ಗ್ರ್ಯಾಂಡ್ ಪೆರೇಡ್ ಮತ್ತು ಇತರ ಕಾರ್ಯಕ್ರಮಗಳನ್ನು ವೀಕ್ಷಿಸಲು ಜನರು ಈಗ ಆನ್‌ಲೈನ್‌ನಲ್ಲಿ ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ಕೇಂದ್ರ ಸರ್ಕಾರ ಟಿಕೆಟ್ ಬುಕ್ಕಿಂಗ್ ಗೆ ಆನ್ ಲೈನ್ ಪೋರ್ಟಲ್ ಆರಂಭಿಸಿದೆ. www.aamantran.mod.gov.in. ಜನರು ಪೋರ್ಟಲ್‌ನಲ್ಲಿ ನೀವು ಸಹ ಟಿಕೆಟ್‌ ಬುಕ್‌ ಮಾಡಬಹುದು.

ಇದನ್ನೂ ಓದಿ: Periods Leave: ವಿದ್ಯಾರ್ಥಿನಿಯರಿಗೆ ಋತುಚಕ್ರದ ರಜೆ ನೀಡಿ ಕೇರಳ ಸರ್ಕಾರದ ಆದೇಶ

ಪ್ರತಿದಿನ ಬೆಳಗ್ಗೆ 9 ಗಂಟೆಯಿಂದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಬುಕ್ ಮಾಡಬಹುದು. ಟಿಕೆಟ್‌ಗಳನ್ನು ಬುಕ್‌ ಮಾಡುವಾಗ ಉಂಟಾಗುವ ಸಮಸ್ಯೆಗಳನ್ನು ಪರಿಹರಿಸಲು ಸಹಾಯವಾಣಿಯನ್ನು ಸಹ ಆಯೋಜನೆ ಮಾಡಲಾಗಿದೆ. ಟಿಕೆಟ್ ದರಗಳು ಈವೆಂಟ್ ಮತ್ತು ಟಿಕೆಟ್ ಪ್ರಕಾರವನ್ನು ಅವಲಂಬಿಸಿ ರೂ.20 ರಿಂದ ರೂ.500 ವರೆಗೆ ಇರುತ್ತದೆ. ಟಿಕೆಟ್ ಬುಕ್‌ ಮಾಡುವ ವಿಧಾನ ಈ ಕೆಳಗಿನಂತಿದೆ.

ಗಣರಾಜ್ಯೋತ್ಸವ ಪರೇಡ್ 2023 ಟಿಕೆಟ್‌ಗಳು: ಆನ್‌ಲೈನ್‌ನಲ್ಲಿ ಹೇಗೆ ಪಡೆಯುವುದು

• www.aamantran.mod.gov.in ಗೆ ಹೋಗಿ ಮತ್ತು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನೋಂದಾಯಿಸಿ.
• ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿ ಮತ್ತು ಈವೆಂಟ್‌ಗೆ ಹಾಜರಾಗುವ ಜನರ ಸಂಖ್ಯ ಮತ್ತು ಅಗತ್ಯ ವೈಯಕ್ತಿಕ ವಿವರಗಳನ್ನು ಭರ್ತಿ ಮಾಡಿ.
• ಫೋಟೋ ಮತ್ತು ಗುರುತಿನ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ
• ಎಲ್ಲಾ ವಿವರಗಳನ್ನು ಭರ್ತಿ ಮಾಡಿದ ನಂತರ OTP ಅನ್ನು ನಮೂದಿಸಿ.
• ನಿಮ್ಮ ಆದ್ಯತೆಯ ಟಿಕೆಟ್ ಆಯ್ಕೆಮಾಡಿ.
• ಆನ್‌ಲೈನ್‌ನಲ್ಲಿ ಹಣ ಪಾವತಿಸಿ.
• ಪಾವತಿ ಪ್ರಕ್ರಿಯೆಯನ್ನು ಮುಂದುವರಿಸಿ ಮತ್ತು ನೀವು QR ಕೋಡ್ ಅನ್ನು ಸ್ವೀಕರಿಸುತ್ತೀರಿ.
• 2023 ರಿಪಬ್ಲಿಕ್ ಡೇ ಪರೇಡ್ ಈವೆಂಟ್‌ನಲ್ಲಿ QR ಕೋಡ್ ಅನ್ನು ಪ್ರದರ್ಶಿಸಬೇಕು.

ಕೆಳಗಿನ ಸ್ಥಳಗಳಲ್ಲಿ ಟಿಕೆಟಿಂಗ್ ಬೂತ್‌ಗಳು/ಕೌಂಟರ್‌ಗಳನ್ನು ಸ್ಥಾಪಿಸಲಾಗುವುದು

• ಸೇನಾ ಭವನ (ಗೇಟ್ ಸಂಖ್ಯೆ 2)
• ಶಾಸ್ತ್ರಿ ಭವನ (ಗೇಟ್ ಸಂಖ್ಯೆ 3)
• ಜಂದರ್ ಮಂತರ್ (ಮುಖ್ಯ ಗೇಟ್ ಹತ್ತಿರ)
• ಪ್ರಗತಿ ಮೈದಾನ (ಗೇಟ್ ಸಂಖ್ಯೆ 1)
• ಸಂಸತ್ತು (ಸ್ವಾಗತ ಕಚೇರಿ)
• ಸಮಯ: 10 AM ನಿಂದ 12:30 PM ಮತ್ತು ಮಧ್ಯಾಹ್ನ 2 ರಿಂದ 4:30 PM.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.