ಪಿಎಂ ಜನ ಧನ್ ಯೋಜನೆ: ಖಾಸಗಿ ಬ್ಯಾಂಕುಗಳಲ್ಲಿಯೂ ಖಾತೆ ತೆರೆದು ಪಡೆಯಿರಿ ಈ ಲಾಭ

ನವದೆಹಲಿ: ಪ್ರಧಾನ್ ಮಂತ್ರಿ ಜನ ಧನ್ ಯೋಜನೆ ಅಡಿಯಲ್ಲಿ ಸಾರ್ವಜನಿಕ ವಲಯದ ಬ್ಯಾಂಕುಗಳಲ್ಲಿ ಖಾತೆಗಳನ್ನು ಹೆಚ್ಚು ತೆರೆಯಲಾಗುತ್ತದೆ. ಆದರೆ ನೀವು ಬಯಸಿದರೆ ನಿಮ್ಮ ಜನ್ ಧನ್ (Jan Dhan) ಖಾತೆಯನ್ನು ಖಾಸಗಿ ಬ್ಯಾಂಕಿನಲ್ಲಿಯೂ ತೆರೆಯಬಹುದು. ನೀವು ಬೇರೆ ಯಾವುದೇ ಉಳಿತಾಯ ಖಾತೆಯನ್ನು ಹೊಂದಿದ್ದರೆ, ನೀವು ಅದನ್ನು ಜನ ಧನ್ ಖಾತೆಗೆ ಪರಿವರ್ತಿಸಬಹುದು. ಜನ ಧನ್ ಖಾತೆಯನ್ನು ಹೇಗೆ ತೆರೆಯುವುದು ಮತ್ತು ಉಳಿತಾಯ ಖಾತೆಯನ್ನು ಜನ ಧನ್ ಖಾತೆಗೆ ಪರಿವರ್ತಿಸುವುದು ಹೇಗೆ ಎಂಬುದು ಸುಲಭವಾದ ಪ್ರಕ್ರಿಯೆ. ನಾಗರಿಕರು ಬಯಸಿದರೆ, ಸರ್ಕಾರಿ ಬ್ಯಾಂಕಿನ ಜೊತೆಗೆ ಖಾಸಗಿ ಬ್ಯಾಂಕಿನಲ್ಲಿ ಜನ ಧನ್ ಖಾತೆಯನ್ನು ತೆರೆಯಬಹುದು ಎಂದು ಸರ್ಕಾರ ಸ್ಪಷ್ಟಪಡಿಸಿದೆ.

ಜನ ಧನ್ ಖಾತೆ ತೆರೆಯಬಹುದಾದ ಸಾರ್ವಜನಿಕ ಬ್ಯಾಂಕುಗಳು:

• ಧನಲಕ್ಷ್ಮಿ ಬ್ಯಾಂಕ್
• Yes ಬ್ಯಾಂಕ್
• ಎಚ್‌ಡಿಎಫ್‌ಸಿ ಬ್ಯಾಂಕ್
• ಐಸಿಐಸಿಐ ಬ್ಯಾಂಕ್
• ಆಕ್ಸಿಸ್ ಬ್ಯಾಂಕ್
• ಫೆಡರಲ್ ಬ್ಯಾಂಕ್
• ಐಎನ್‌ಜಿ ವೈಶ್ಯ
• ಕೋಟಕ್ ಮಹೀಂದ್ರಾ
• ಕರ್ನಾಟಕ ಬ್ಯಾಂಕ್
• ಇಂಡಸ್ಇಂಡ್ ಬ್ಯಾಂಕ್

ಜನ ಧನ್ ಖಾತೆಯನ್ನು ಯಾರು ತೆರೆಯಬಹುದು?
ಭಾರತದಲ್ಲಿ ವಾಸಿಸುವ ಯಾವುದೇ ನಾಗರಿಕ, ಅವರ ವಯಸ್ಸು 10 ವರ್ಷ ಅಥವಾ ಅದಕ್ಕಿಂತ ಮೇಲ್ಪಟ್ಟವರು ಜನ ಧನ್ ಖಾತೆಯನ್ನು ತೆರೆಯಬಹುದು.

ಅಗತ್ಯ ದಾಖಲೆಗಳು:

• ಜನ ಧನ್ ಖಾತೆ ತೆರೆಯಲು ಕೆವೈಸಿ ಅಡಿಯಲ್ಲಿ ದಾಖಲೆಗಳ ಪರಿಶೀಲನೆ ಅಗತ್ಯ. ಈ ದಾಖಲೆಗಳನ್ನು ಬಳಸಿಕೊಂಡು ಜನ ಧನ್ ಖಾತೆಯನ್ನು ತೆರೆಯಬಹುದು.
• ಆಧಾರ್ ಕಾರ್ಡ್
• ಪ್ಯಾನ್ ಕಾರ್ಡ್
• ಚಾಲನಾ ಪರವಾನಿಗೆ
• ಮತದಾರರ ಗುರುತಿನ ಚೀಟಿ
• ಪಾಸ್ಪೋರ್ಟ್
• MNREGA ಜಾಬ್ ಕಾರ್ಡ್

ಉಳಿತಾಯ ಖಾತೆಯನ್ನು ಜನ ಧನ್ ಖಾತೆಗೆ ಬದಲಾಯಿಸಿ:
ಯಾವುದೇ ಹಳೆಯ ಉಳಿತಾಯ ಬ್ಯಾಂಕ್ ಖಾತೆಯನ್ನು ಜನ ಧನ್ ಖಾತೆಗೆ ಪರಿವರ್ತಿಸುವುದು ತುಂಬಾ ಸುಲಭ. ಇದಕ್ಕಾಗಿ ನೀವು ಈ ಹಂತಗಳನ್ನು ಅನುಸರಿಸುತ್ತೀರಿ….
ಹಂತ 1: ಮೊದಲು ಬ್ಯಾಂಕ್ ಶಾಖೆಗೆ ಹೋಗಿ.
ಹಂತ 2: ಅಲ್ಲಿ ಒಂದು ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ನಿಮ್ಮ ಖಾತೆಗೆ ಬದಲಾಗಿ ರುಪೇ ಕಾರ್ಡ್‌ಗೆ ಅರ್ಜಿ ಸಲ್ಲಿಸಿ.
ಹಂತ 3: ಫಾರ್ಮ್ ಅನ್ನು ಭರ್ತಿ ಮಾಡಿದ ನಂತರ ಅದನ್ನು ಬ್ಯಾಂಕಿಗೆ ಸಲ್ಲಿಸಿ.
ಹಂತ 4: ಇದರ ನಂತರ ನಿಮ್ಮ ಖಾತೆಯನ್ನು ಜನ ಧನ್ ಖಾತೆಗೆ ಪರಿವರ್ತಿಸಲಾಗುತ್ತದೆ.

ಜನ ಧನ್ ಖಾತೆಯ ಲಾಭಗಳು:
ಪ್ರಧಾನಿ ಜನ ಧನ್ ಖಾತೆಯಲ್ಲಿ ಅನೇಕ ಸೌಲಭ್ಯಗಳು ಲಭ್ಯವಿದೆ... 
1. ಜನ ಧನ್ ಖಾತೆಯಲ್ಲಿ ಜಮಾ ಮಾಡಿದ ಮೊತ್ತಕ್ಕೆ ಬಡ್ಡಿ ಪಡೆಯಲಾಗುತ್ತದೆ.
2. ಖಾತೆದಾರರಿಗೆ ಉಚಿತ ಮೊಬೈಲ್ ಬ್ಯಾಂಕಿಂಗ್ ಸೌಲಭ್ಯ ಸಿಗುತ್ತದೆ.
3. ಜನ ಧನ್ ಖಾತೆದಾರ ನಿಮ್ಮ ಖಾತೆಯಿಂದ 10 ಸಾವಿರ ರೂಪಾಯಿಗಳನ್ನು ಓವರ್‌ಡ್ರಾಫ್ಟ್ ಮಾಡಬಹುದು. ಅಂದರೆ ಖಾತೆಯಲ್ಲಿ ಹಣವಿಲ್ಲದಿದ್ದರೂ, ಅವನು 10 ಸಾವಿರ ರೂಪಾಯಿಗಳನ್ನು ಹಿಂಪಡೆಯಬಹುದು. ಆದಾಗ್ಯೂ ಖಾತೆಯನ್ನು ತೆರೆದ ಕೆಲವು ತಿಂಗಳ ನಂತರ ಈ ಸೌಲಭ್ಯ ಲಭ್ಯವಿದೆ.
4. ಈ ಖಾತೆಯೊಂದಿಗೆ ಎರಡು ಲಕ್ಷ ರೂಪಾಯಿಗಳ ಅಪಘಾತ ವಿಮೆ ಇದೆ.
5. 30 ಸಾವಿರ ವಿಮೆಯೂ ಇದೆ. ಖಾತೆದಾರನ ಮರಣದ ನಂತರ ನಾಮ ನಿರ್ದೇಶಿತ ವ್ಯಕ್ತಿಯು ಅದನ್ನು ಪಡೆಯುತ್ತಾನೆ.
6. ಖಾತೆದಾರರು ಈ ಖಾತೆಯ ಮೂಲಕ ವಿಮೆ ಮತ್ತು ಪಿಂಚಣಿ ಯೋಜನೆಯನ್ನು ಸುಲಭವಾಗಿ ಪಡೆಯಬಹುದು.
7. ಈ ಖಾತೆಯಲ್ಲಿ ಕನಿಷ್ಠ ಬಾಕಿ ಅಗತ್ಯವಿಲ್ಲ. ನೀವು ಚೆಕ್ ಬುಕ್ ಸೌಲಭ್ಯವನ್ನು ತೆಗೆದುಕೊಳ್ಳುತ್ತಿದ್ದರೆ ಆಗ ಮಾತ್ರವೇ ಕನಿಷ್ಟ ಬ್ಯಾಲೆನ್ಸ್ ಕಾಯ್ದುಕೊಳ್ಳಬೇಕು.