ಅಸ್ಸಾಂ: ಬಾಂಗ್ಲಾದೇಶಕ್ಕೆ ಜಾನುವಾರುಗಳನ್ನು ಕಳ್ಳಸಾಗಣೆ ಮಾಡಲು ಯತ್ನಿಸುತ್ತಿದ್ದ 9 ಮಂದಿಯನ್ನು ಬಂಧಿಸಲಾಗಿದೆ ಎಂದು ಅಸ್ಸಾಂ ಪೊಲೀಸರು ತಿಳಿಸಿದ್ದಾರೆ.
ಭಾರತ-ಬಾಂಗ್ಲಾದೇಶದ ಗಡಿಯಲ್ಲಿ ಜಾನುವಾರುಗಳನ್ನು ಅಕ್ರಮವಾಗಿ ಸಾಗಿಸಲು ಪ್ರಯತ್ನಿಸುತ್ತಿದ್ದ ಅಖಿರುಲ್ ಇಸ್ಲಾಂ, ಅಬ್ದುಲ್ ಆಜಾದ್, ಹಬೆಝುದ್ದೀನ್, ಶಾಹಿದೂರ್ ರೆಹಮಾನ್, ಮಿಜಾನೂರು ರೆಹಮಾನ್ ಮತ್ತು ಚಾಂದ್ ಮಿಯಾನ್ ಎಂಬ 9 ಆರೋಪಿಗಳನ್ನು ಬಂಧಿಸಿದ್ದು, ಜಾನುವಾರುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸ್ ಅಧೀಕ್ಷಕರಾದ ಕಂಕನ್ ಜ್ಯೋತಿ ಸೈಕಿಯಾ ತಿಳಿಸಿದ್ದಾರೆ.
"ಬಂಧಿತರಿಂದ ಕಬ್ಬಿಣದ ಕಟ್ಟರ್(Iron Cutters)ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇವರು ಗಡಿಯಲ್ಲಿ ಬೇಲಿಗಳನ್ನು ಕತ್ತರಿಸಿ ಜಾನುವಾರುಗಳನ್ನು ಕಳ್ಳಸಾಗಣೆ ಮಾಡುತ್ತಿದ್ದರು ಎಂಬ ಮಾಹಿತಿ ದೊರೆತಿದೆ. ಬಂಧಿತರಿಂದ 9 ಜಾನುವಾರುಗಳನ್ನೂ ರಕ್ಷಣೆ ಮಾಡಲಾಗಿದೆ" ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
