ಜೈಪುರ: 2019 ನೂತನ ವರ್ಷ ಸನಿಹವಾಗುತ್ತಿದೆ. ಹೊಸ ವರ್ಷದ ಸಂಭ್ರಮಾಚರಣೆಗಾಗಿ ಜನರು ಕಾತುರದಿಂದ ಕಾಯುತ್ತಿದ್ದಾರೆ. ದೇಶದ ಪ್ರಸಿದ್ಧ ಪ್ರವಾಸಿ ತಾಣಗಳಲ್ಲಿ ರೆಸಾರ್ಟ್ ಬೆಲೆ ಈಗಾಗಲೇ ಗಗನಕ್ಕೇರಿದೆ. ರಾಜಸ್ಥಾನದ ಜೋಧ್ಪುರ್ ಮತ್ತು ಉದಯಪುರದಲ್ಲಿ ಹೊಸ ವರ್ಷದ ಆಚರಣೆಯು ಅತ್ಯಂತ ದುಬಾರಿಯಾಗುತ್ತದೆ. ಜೋಧಪುರದಲ್ಲಿ ಉಮೇದ್ ಭವನ್ ಪ್ಯಾಲೇಸ್ ಮತ್ತು ಉದಯಪುರದ ತಾಜ್ ಲೇಕ್ ಪ್ಲೇಸ್ ನಲ್ಲಿ ಒಂದು ರಾತ್ರಿಗೆ ತಗುಲುವ ವೆಚ್ಚ ಕೇಳಿದರೆ ಶಾಕ್ ಆಗ್ತೀರ. ಹೌದು, ಇಲ್ಲಿ ಒಂದು ರಾತ್ರಿ ತಂಗಲು ತಗಲುವ ವೆಚ್ಚ 11 ಲಕ್ಷ ರೂ. ಎನ್ನಲಾಗಿದೆ. ದಿ ಟೈಮ್ಸ್ ಆಫ್ ಇಂಡಿಯಾದಲ್ಲಿ ಪ್ರಕಟವಾದ ವರದಿಯಲ್ಲಿ ಈ ಮಾಹಿತಿಯನ್ನು ನೀಡಲಾಗಿದೆ.
ಸುದ್ದಿ ಪ್ರಕಾರ, ಡಿಸೆಂಬರ್ 31 ರಂದು ರಾಜಸ್ಥಾನ್ನಲ್ಲಿ ಎಲ್ಲಾ ಹೋಟೆಲುಗಳು ಮತ್ತು ರೆಸಾರ್ಟ್ಗಳ ಬುಕಿಂಗ್ ಬಹುತೇಕ ಪೂರ್ಣಗೊಂಡಿದ್ದು, ಹೋಟೆಲ್ ಸುಂಕಗಳು ದಾಖಲೆಯ ಮಟ್ಟದಲ್ಲಿವೆ.
ಜೈಪುರದಲ್ಲಿನ ರಾಂಬಾಗ್ ಪ್ಯಾಲೇಸ್ಗೆ ಸಂಬಂಧಿಸಿದಂತೆ ಹೇಳುವುದಾದರೆ, ವಿಶೇಷ ದಿನಗಳಿಗೆ ಹೋಲಿಸಿದರೆ ಡಿಸೆಂಬರ್ 31 ರವರೆಗೆ ಈ ಎಕ್ಸ್ಕ್ಲೂಸಿವ್ ಸೂಟ್ ಗಳ ದರಗಳು ಸಾಮಾನ್ಯವಾಗಿ ಅಧಿಕವಾಗಿರುತ್ತದೆ. ಈ ವರ್ಷದ ನವೆಂಬರ್ ಗೆ ಹೋಲಿಸಿದರೆ ದರ 40 ರಷ್ಟು ಹೆಚ್ಚಾಗಿದೆ. ಇಲ್ಲಿ ಒಂದು ರಾತ್ರಿ ತಂಗಲು 8.50 ಲಕ್ಷ ರೂ. ವೆಚ್ಚ ಭರಿಸಬೇಕಾಗುತ್ತದೆ. ಇದರಲ್ಲಿ ಯಾವುದೇ ತೆರಿಗೆ ಸೇರಿಲ್ಲ.
ಐಟಿಸಿ ರಜಪೂತ ಜನರಲ್ ಮ್ಯಾನೇಜರ್ ಶೇಖರ್ ಸಾವಂತ್ ಅವರು ಹೊಸ ವರ್ಷಕ್ಕೆ ಜನರು ರೆಸಾರ್ಟ್ ಮತ್ತು ಐಷಾರಾಮಿ ಪಾರಂಪರಿಕ ಸ್ಥಳಗಳಲ್ಲಿ ಕಾಲ ಕಳೆಯಲು ಬಯಸುತ್ತಾರೆ. ಈ ವಿಶೇಷ ಜನರಿಗೆ ಹಣ ಎರಡನೆಯದಾಗಿರುತ್ತದೆ ಎಂದು ಹೇಳಿದರು.
Pic: @HeritageHotelIndia
ಅದೇ ಸಮಯದಲ್ಲಿ, ಮಾರಾಟ ಮತ್ತು ಮಾರ್ಕೆಟಿಂಗ್ ನಿರ್ದೇಶಕ ವರುಣ್ ಮೆಹ್ರೋತ್ರ, ಫರ್ಮಾಂಟ್ ಜೈಪುರ, ಡಿಸೆಂಬರ್ 31 ರಂದು ಇಲ್ಲಿ ಬುಕಿಂಗ್ ಪೂರ್ಣಗೊಂಡಿದೆ ಎಂದು ಹೇಳಿದರು.
ರಾಜಸ್ತಾನದಲ್ಲಿ, ಡಿಸೆಂಬರ್ 31 ರಂತಹ ಸಂದರ್ಭಗಳಲ್ಲಿ, ಹೊಟೇಲ್ಗಳು ಬಹುಮಟ್ಟಿಗೆ ಪೂರ್ಣವಾಗಿರುತ್ತವೆ. ಒಂದೆರಡು ಪ್ರತಿಶತದಷ್ಟು ಕೊಠಡಿಯನ್ನು ಖಾಲಿ ಇರಿಸಲಾಗಿರುತ್ತದೆ. ನಂತರ ಆ ಕೊಠಡಿಗಳಿಗೆ ದುಪ್ಪಟ್ಟು ಚಾರ್ಜ್ ಮಾಡಲಾಗುವುದು ಎಂದು ಹೇಳಲಾಗಿದೆ.
ರಾಡಿಸನ್ ಜೈಪುರ್ ಸಿಟಿ ಸೆಂಟರ್ನ ಜನರಲ್ ಮ್ಯಾನೇಜರ್ ರಾಜೇಶ್ ರಾಜ್ ಪುರೋಹಿತ್ ಯಾವುದೇ ಹೋಟೆಲ್ ಸಂಪೂರ್ಣ ಸೈನ್ ಬೋರ್ಡ್ ಸ್ಥಾಪಿಸಬೇಕೆಂದು ಬಯಸುವುದಿಲ್ಲ. ಏಕೆಂದರೆ ಇದು ಅವರನ್ನು ಆನ್ಲೈನ್ ಶ್ರೇಯಾಂಕದಿಂದ ಹೊರಹಾಕುತ್ತದೆ. ಸಾಮಾನ್ಯವಾಗಿ, ಹೋಟೆಲ್ಗಳು ಉತ್ತಮ ಪ್ರೀಮಿಯಂಗಳಿಗಾಗಿ ಕೆಲವು ಕೊಠಡಿಗಳನ್ನು ಹಿಡಿದಿರುತ್ತವೆ. ಈ ಕಾರಣದಿಂದಾಗಿ, ಡಿಸೆಂಬರ್ 31 ರವರೆಗೆ ಕೊಠಡಿಗಳ ಬೆಲೆಗಳು ಏರಿಕೆಯನ್ನುಂಟು ಮಾಡುತ್ತವೆ ಎಂದು ಹೇಳಿದರು.
