ನವದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತವು 508 ಹೊಸ ಕೊರೊನಾವೈರಸ್ ಪ್ರಕರಣಗಳನ್ನು ದಾಖಲಿಸಿದೆ ಎಂದು ಸರ್ಕಾರ ಮಂಗಳವಾರ ತಿಳಿಸಿದೆ. ಒಟ್ಟು 4,789 ಕ್ಕೆ ತಲುಪಿದ್ದರೆ, 13 ಹೊಸ ಪ್ರಕರಣಗಳೊಂದಿಗೆ ಸಾವಿನ ಸಂಖ್ಯೆ 124 ಕ್ಕೆ ಏರಿದೆ.
ಅಮೆರಿಕಾದಂತಹ ಕೆಲವು ದೇಶಗಳಿಗಿಂತ ಈ ಸಂಖ್ಯೆ ತುಲನಾತ್ಮಕವಾಗಿ ಕಡಿಮೆಯಾಗಿದೆ, ಅಲ್ಲಿ ಕಾಯಿಲೆಯಿಂದ 10,000 ಜನರು ಸಾವನ್ನಪ್ಪಿದ್ದಾರೆ. ಕಳೆದ ತಿಂಗಳು ಪ್ರಧಾನಿ ನರೇಂದ್ರ ಮೋದಿ ಅವರು ವಿಶ್ವದ ಅತಿದೊಡ್ಡ ಲಾಕ್ ಡೌನ್ ಘೋಷಿಸಿದ ನಂತರ ಭಾರತವು ಪ್ರಕರಣಗಳಲ್ಲಿ ದೊಡ್ಡ ಉಲ್ಬಣದಿಂದ ಪಾರಾಗಿದೆ.
ಆದರೆ ಲಾಕ್‌ಡೌನ್‌ಗೆ ಕೇವಲ ನಾಲ್ಕು ಗಂಟೆಗಳ ಸೂಚನೆಯೊಂದಿಗೆ ಆದೇಶಿಸಿದ್ದಕ್ಕಾಗಿ ಅವರು ಟೀಕೆಗಳನ್ನು ಎದುರಿಸಿದ್ದಾರೆ ಮತ್ತು ಅದನ್ನು ವಿಸ್ತರಿಸಬೇಕೆ ಎಂಬ ಬಗ್ಗೆ ಇನ್ನು ಚರ್ಚೆ ಮುಂದುವರೆದಿದೆ. 2.9 ಟ್ರಿಲಿಯನ್ ಆರ್ಥಿಕತೆಯನ್ನು ಸ್ಥಗಿತಗೊಳಿಸುವುದರಿಂದ ಲಕ್ಷಾಂತರ ಜನರು ಕೆಲಸವಿಲ್ಲದೆ ಉಳಿದಿದ್ದಾರೆ ಮತ್ತು ದೈನಂದಿನ ವೇತನದಲ್ಲಿ ವಾಸಿಸುವವರು ಆಹಾರ ಮತ್ತು ಆಶ್ರಯಕ್ಕಾಗಿ ಗ್ರಾಮಾಂತರದಲ್ಲಿರುವ ತಮ್ಮ ಮನೆಗಳಿಗೆ ಪಲಾಯನ ಮಾಡುವಂತೆ ಆಗಿದೆ.
21 ದಿನಗಳ ಲಾಕ್‌ಡೌನ್ ಮುಂದಿನ ವಾರ ಕೊನೆಗೊಳ್ಳಲಿದೆ ಆದರೆ ಹಲವಾರು ರಾಜ್ಯ ನಾಯಕರು ವಿಸ್ತರಣೆ ಅಥವಾ ನಿರ್ಬಂಧಗಳನ್ನು ಭಾಗಶಃ ತೆಗೆದುಹಾಕುವಂತೆ ಕರೆ ನೀಡಿದ್ದಾರೆ, ಇದು ಕೊರೊನಾವೈರಸ್ ಸಾಂಕ್ರಾಮಿಕ ರೋಗವನ್ನು ತಪ್ಪಿಸಲು ಇರುವ ಏಕೈಕ ಮಾರ್ಗ ಇಲ್ಲದಿದ್ದರೆ ಇದನ್ನು ನಿಭಾಯಿಸಲು ಕಷ್ಟವಾಗುತ್ತದೆ ಎಂದು ಹಲವು ರಾಜ್ಯಗಳು ಅಭಿಪ್ರಾಯಪಟ್ಟಿವೆ.
ತೆಲಂಗಾಣ ಮುಖ್ಯಮಂತ್ರಿ ಕೆ ಚಂದ್ರಶೇಖರ್ ರಾವ್ ಮಾತನಾಡಿ ಲಾಕ್ ಡೌನ್ ನಿಂದಾಗಿ ದೇಶದ ಆರ್ಥಿಕತೆಗೆ ಸಮಸ್ಯೆಯಾಗಬಹುದು ಆದರೆ ಜೀವಗಳನ್ನು ಉಳಿಸುವುದು ಹೆಚ್ಚು ಮುಖ್ಯವಾಗಿದೆ ಎಂದು ಹೇಳಿದರು. "ಏಪ್ರಿಲ್ 15 ರ ನಂತರ ದೇಶದ ಲಾಕ್ ಡೌನ್ ಮುಂದೆವರೆಸುವುದರ ಪರವಾಗಿದ್ದೇನೆ. ಏಕೆಂದರೆ, ನಾವು ಆರ್ಥಿಕ ಸಮಸ್ಯೆಯಿಂದ ಚೇತರಿಸಿಕೊಳ್ಳಬಹುದು. ಆದರೆ, ನಾವು ಜೀವನವನ್ನು ಮರಳಿ ಪಡೆಯಲು ಸಾಧ್ಯವಿಲ್ಲ" ಎಂದು ಕೆಸಿಆರ್ ಸುದ್ದಿಗಾರರಿಗೆ ತಿಳಿಸಿದರು.
