ಪಂಚಕುಲ: ಡೇರಾ ಸಚ್ಚಾ ಸೌದದ ಮುಖ್ಯಸ್ಥ ಗುರ್ಮಿತ್ ರಾಮ್ ರಹೀಂ ನ ಪುತ್ರಿ ಹನಿ ಪ್ರೀತ್ ಳನ್ನು ಮತ್ತೆ ಮೂರು ದಿನಗಳ ಕಾಲ ಪೋಲೀಸ್ ವಶಕ್ಕೆ ನೀಡಲಾಗಿದೆ. ಸುದ್ದಿ ಸಂಸ್ಥೆ ಎಎನ್ಐ ಪ್ರಕಾರ, ಹನಿಪ್ರೀತ್ ಳ 5 ದಿನಗಳ ವಿಚಾರಣೆಯ ಮುಗಿದ ಬಳಿಕ ಪೊಲೀಸರು ಮಂಗಳವಾರ ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಯಿತು. ಈ ವೇಳೆಯಲ್ಲಿ ಹನಿಪ್ರೀಟ್ ವಿಚಾರಣೆಗೆ ಸಹಕರಿಸುತ್ತಿಲ್ಲ ಎಂದು ಪೊಲೀಸರು ನ್ಯಾಯಾಲಯದಲ್ಲಿ ತಿಳಿಸಿದ್ದಾರೆ. ರಾಮ್ ರಹೀಮ್ನ ಹಲವು ಸ್ಥಳಗಳನ್ನು ಪತ್ತೆಹಚ್ಚಲು ಕೆಲವು ದಿನಗಳು ವಿಚಾರಣೆಗಾಗಿ ಹನಿಪ್ರೀತ್ ಅನ್ನು ವಿಚಾರಣೆಗಾಗಿ ಪೋಲೀಸ್ ವಶಕ್ಕೆ ನೀಡಬೇಕೆಂದು ಪೊಲೀಸರು ಮನವಿ ಮಾಡಿದ್ದಾರೆ. ಪೋಲೀಸರ ಅರ್ಜಿಯನ್ನು ಸ್ವೀಕರಿಸಿದ ನ್ಯಾಯಾಲಯವು ಮತ್ತೆ ಮೂರು ದಿನಗಳವರೆಗೆ ಹನಿಪ್ರೀತ್ ಅನ್ನು ಪೋಲೀಸ್ ವಶಕ್ಕೆ ನೀಡಿದೆ.
ನ್ಯಾಯಾಲಯದ ಕಾರ್ಯವಿಧಾನದ ಸಮಯದಲ್ಲಿ, ಹನಿಪ್ರೀತ್ ತಾನು ಅಧಿಕ ರಕ್ತದೊತ್ತಡ ಮತ್ತು ತಲೆನೋವುಗಳಿಂದ ಬಳಲುತ್ತಿರುವುದಾಗಿ ನ್ಯಾಯಾಲಯಕ್ಕೆ ತಿಳಿಸಿದ್ದಾಳೆ. ನಂತರ ನ್ಯಾಯಾಧೀಶರು ವೈದ್ಯರು ಅವರನ್ನು ಪರೀಕ್ಷಿಸಲು ಅನುಮತಿಸಿದರು. ತಪಾಸಣೆಯ ನಂತರ, ಹನಿಪ್ರೀತ್ ಗೆ ಜ್ವರ ಇದ್ದು, ಆಕೆ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವುದುಕಂಡು ಬಂದಿದೆ.
