ಛತ್ತೀಸ್‌ಗಢ : ಸಾಮಾನ್ಯವಾಗಿ ಕೆಲ ಜನ ಹಾವುಗಳನ್ನು ಕಂಡರೆ ಭಯಪಡುತ್ತಾರೆ, ಇನ್ನೂ ಕೆಲವರು ಹಾವು ಎಂಬ ಪದವನ್ನು ಕೇಳಲು ಸಹ ಹೆದರುತ್ತಾರೆ. ಹಾಗೆ ಹಾವು ಬಂದು ಕಚ್ಚಿದರೆ ಏನು ಮಾಡೋದು ಅಂತ ಬಹುತೇಕ ಎಲ್ಲರೂ ನಡುಗುತ್ತಾರೆ. ಆದರೆ 12 ವರ್ಷದ ಬಾಲಕ ತನಗೆ ಕಚ್ಚಿದ ಹಾವಿನ ಮೇಲೆ ಸೇಡು ತೀರಿಸಿಕೊಂಡಿದ್ದಾನೆ. ತನಗೆ ಕಚ್ಚಿದ ಹಾವನ್ನೇ ಹಿಡಿದು ತನ್ನ ಹಲ್ಲುಗಳಿಂದ ಕಚ್ಚಿ ಸಾಯಿಸಿದ್ದಾನೆ. ಇದನ್ನ ನೋಡಿದ 12 ವರ್ಷದ ಬಾಲಕನ ಪೋಷಕರು ಗಾಬರಿಗೊಂಡು ಹಾವಿನ ಸಮೇತ ಬಾಲಕನನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ.
ಆಸ್ಪತ್ರೆಗೆ ತೆರಳಿದ ವೈದ್ಯರು ಹಾವಿನ ವಿಷಕ್ಕೆ ಪ್ರತಿವಿಷ ನೀಡಿ ಮಗುವನ್ನು ರಕ್ಷಿಸಿದ್ದಾರೆ. ಆದರೆ ಹಾವು ಸಾವನ್ನಪ್ಪಿದೆ. ಛತ್ತೀಸ್‌ಗಢದ ಜಶ್‌ಪುರ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಜಶ್‌ಪುರ ಗಾರ್ಡನ್ ಬ್ಲಾಕ್‌ನ ಪಂಡರಪತ್ ಪ್ರದೇಶದಲ್ಲಿ ವಾಸಿಸುವ ಪಹಾರಿ ಕೊರುವ ಕುಟುಂಬಕ್ಕೆ ಸೇರಿದ 12 ವರ್ಷದ ದೀಪಕ್ ಸ್ವಲ್ಪ ದೂರದಲ್ಲಿ ವಾಸಿಸುತ್ತಿದ್ದ ತನ್ನ ಸಹೋದರಿಯ ಮನೆಗೆ ಹೋಗಿದ್ದ. ಅಲ್ಲಿ ಇತರ ಮಕ್ಕಳೊಂದಿಗೆ ಆಟವಾಡುತ್ತಿದ್ದಾಗ ಹಾವು ಕಚ್ಚಿದೆ. ಇದರಿಂದ ಕೋಪಗೊಂಡ ದೀಪಕ್ ತನಗೆ ಕಚ್ಚಲು ಹೊರಟಿದ್ದ ಹಾವನ್ನು ಹಿಡಿದು ಕಚ್ಚಿದ್ದಾನೆ. ಆದರೆ ಛತ್ತೀಸ್‌ಗಢದ ಜಿಲ್ಲೆಯಲ್ಲಿ ಹಾವು ಕಚ್ಚಿದರೆ ಏನೂ ಆಗುವುದಿಲ್ಲ ಎಂಬ ನಂಬಿಕೆ ಇದೆ.
ಇದನ್ನೂ ಓದಿ: Karnataka : ಕರ್ನಾಟಕದಲ್ಲಿ ಭೇಟಿ ನೀಡಬೇಕಾದ 6 ಪ್ರಸಿದ್ಧ ಐತಿಹಾಸಿಕ ಸ್ಮಾರಕಗಳು
ಸಮಯಕ್ಕೆ ಸರಿಯಾಗಿ ಆಸ್ಪತ್ರೆಗೆ ಕರೆದೊಯ್ದ ಕಾರಣ ದೀಪಕ್ ಅಪಾಯದಿಂದ ಪಾರಾಗಿದ್ದಾರೆ. ಈ ಸಂದರ್ಭದಲ್ಲಿ ಮಾಧ್ಯಮದವರು ದೀಪಕ್ ಅವರನ್ನು ಪ್ರಶ್ನಿಸಿದಾಗ, ಆಟವಾಡುತ್ತಿದ್ದಾಗ ಹಾವೊಂದು ಬಂದು ಕಚ್ಚಿದ್ದು, ಸಿಟ್ಟಿಗೆದ್ದು ಹಾವು ಕಚ್ಚಿದೆ ಎಂದು ಹೇಳಿದ್ದಾರೆ. ಇನ್ನು ಛತ್ತೀಸ್‌ಗಢದ ಗಡಿಯಲ್ಲಿರುವ ಜಶ್‌ಪುರ್ ಜಿಲ್ಲೆಯ ಫರ್ಸ್‌ಬಹಾರ್ ತೆಹಸಿಲ್‌ನ ಪಕ್ಕದಲ್ಲಿರುವ ಪ್ರದೇಶಗಳನ್ನು ನಾಗಲೋಕಂ ಎಂದೇ ಕರೆಯಲಾಗುತ್ತದೆ.
ಕಿಂಗ್ ಕೋಬ್ರಾ ಮತ್ತು ಕರೈಟೆಯಂತಹ ಹೆಚ್ಚಿನ ವಿಷಕಾರಿ ಹಾವುಗಳು ಛತ್ತೀಸ್‌ಗಢವನ್ನು ಒಡಿಶಾ ಮತ್ತು ಅದರ ಸುತ್ತಮುತ್ತಲಿನ ಹಳ್ಳಿಗಳಿಗೆ ಸಂಪರ್ಕಿಸುವ ರಾಜ್ಯ ಹೆದ್ದಾರಿಯ ಉದ್ದಕ್ಕೂ ಕಂಡುಬರುತ್ತವೆ. ನಾಲ್ಕು ಜಾತಿಯ ನಾಗರಹಾವುಗಳು ಮತ್ತು ಮೂರು ಅತ್ಯಂತ ವಿಷಕಾರಿ ಹಾವುಗಳು ಸೇರಿದಂತೆ ಜಶ್‌ಪುರದ ಪಕ್ಕದ ಪ್ರದೇಶದಲ್ಲಿ 70 ಕ್ಕೂ ಹೆಚ್ಚು ಜಾತಿಯ ಹಾವುಗಳು ಕಂಡುಬರುತ್ತವೆ. ಛತ್ತೀಸ್‌ಗಢದಲ್ಲಿ ಕಂಡುಬರುವ ಎಲ್ಲಾ ಹಾವುಗಳಲ್ಲಿ 80% ರಷ್ಟು ಜಶ್‌ಪುರದಲ್ಲಿ ಕಂಡುಬರುತ್ತವೆ ಎಂದು ಹಾವು ರಕ್ಷಕ ಕೇಸರ್ ಹುಸೇನ್ ಬಹಿರಂಗಪಡಿಸಿದ್ದಾರೆ.
ಇದನ್ನೂ ಓದಿ: ಜ್ಯೂಸ್‌ನಲ್ಲಿ ಆಸಿಡ್‌ ಹಾಕಿ ಕುಡಿಸಿ ಲವರ್‌ ಕೊಂದ ಸುರ ಸುಂದರಿ..!
ಜಶ್‌ಪುರದಲ್ಲಿ ಒಟ್ಟು 26 ಜಾತಿಯ ಹಾವುಗಳು ಕಂಡುಬರುತ್ತವೆ ಆದರೆ ಆರು ಜಾತಿಗಳು ಮಾತ್ರ ವಿಷಕಾರಿ ಮತ್ತು ಉಳಿದ 20 ಜಾತಿಗಳು ವಿಷರಹಿತವಾಗಿವೆ ಎಂದು ಅವರು ಹೇಳಿದರು. ಜಶ್‌ಪುರದಲ್ಲಿ ಮೂರು ವರ್ಷದಲ್ಲಿ 35 ಮಂದಿಗೆ ಹಾವು ಕಚ್ಚಿದೆ. 2017ರಲ್ಲಿ ಹಾವು ಕಡಿತದಿಂದ 16 ಮಂದಿ, 2018 ರಲ್ಲಿ 6 ಮತ್ತು 2019 ರಲ್ಲಿ 12 ಜನರು ಸಾವನ್ನಪ್ಪಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
