ನವದೆಹಲಿ: ಕೊರೊನಾವೈರಸ್ ಹರಡುವುದನ್ನು ನಿಯಂತ್ರಿಸಲು ವಿನ್ಯಾಸಗೊಳಿಸಲಾದ 'ಆರೋಗ್ಯ ಸೇತು' ಆ್ಯಪ್ ಹೆಸರಿನಲ್ಲಿ ಮತ್ತೊಂದು ಸಾಧನೆಯನ್ನು ನೋಂದಾಯಿಸಲಾಗಿದೆ. 'ಆರೋಗ್ಯ ಸೇತು' (Aarogya Setu) ವಿಶ್ವದಲ್ಲೇ ಹೆಚ್ಚು ಡೌನ್‌ಲೋಡ್ ಮಾಡಲಾದ ಸಂಪರ್ಕ-ಪತ್ತೆ ಅಪ್ಲಿಕೇಶನ್ ಆಗಿದೆ.
ಸೆನ್ಸಾರ್ ಟವರ್ ಸ್ಟೋರ್ ಇಂಟೆಲಿಜೆನ್ಸ್‌ನ ಇತ್ತೀಚಿನ ಸಂಶೋಧನೆಯ ಪ್ರಕಾರ ಮಾರ್ಚ್ 2020 ರಿಂದ, 13 ದೇಶಗಳ 173 ಮಿಲಿಯನ್ ಜನರು ವಿವಿಧ ಕೋವಿಡ್-19 (COVID-19) ಕಾಂಟ್ಯಾಕ್ಟ್-ಟ್ರೇಸಿಂಗ್ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್ ಮಾಡಿದ್ದಾರೆ ಮತ್ತು 127.6 ಮಿಲಿಯನ್ ಡೌನ್‌ಲೋಡ್‌ಗಳೊಂದಿಗೆ ಭಾರತದ ಆರೋಗ್ಯ ಸೇತು ಅಪ್ಲಿಕೇಶನ್ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
Aarogya Setu ಅಪ್ಲಿಕೇಶನ್‌ನಲ್ಲಿ ನಿಮ್ಮ ವೈಯಕ್ತಿಕ ಡೇಟಾ ಡಿಲೀಟ್ ಮಾಡಲು ಇಲ್ಲಿದೆ ಸುಲಭ ಮಾರ್ಗ
ಟರ್ಕಿಯ ಹಯಾತ್ ಈವ್ ಸೋರ್ ಅಪ್ಲಿಕೇಶನ್ ಎರಡನೇ ಸ್ಥಾನದಲ್ಲಿದ್ದರೆ, ಜರ್ಮನಿಯ ಕರೋನಾ-ವಾರ್ನ್-ಆಪ್ 11.1 ಮಿಲಿಯನ್ ಡೌನ್‌ಲೋಡ್‌ಗಳೊಂದಿಗೆ 'ಆರೋಗ್ಯ ಸೇತು' ನಂತರದ ಸ್ಥಾನದಲ್ಲಿ ಜರ್ಮನಿಯ ಕರೋನಾ-ವಾರ್ನ್-ಆಪ್ 10.4 ಮಿಲಿಯನ್ ಡೌನ್‌ಲೋಡ್‌ಗಳನ್ನು ಹೊಂದಿದೆ. 20 ದಶಲಕ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಜನಸಂಖ್ಯೆಯನ್ನು ಹೊಂದಿರುವ 13 ದೇಶಗಳಲ್ಲಿ ಸರ್ಕಾರದಿಂದ ಬೆಂಬಲಿತ ಸಂಪರ್ಕ-ಪತ್ತೆಹಚ್ಚುವ ಅಪ್ಲಿಕೇಶನ್‌ಗಳಲ್ಲಿ ಈ ಅಧ್ಯಯನವನ್ನು ನಡೆಸಲಾಯಿತು. ಇದರಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ, ಫ್ರಾನ್ಸ್, ಜರ್ಮನಿ, ಇಂಡೋನೇಷ್ಯಾ, ಇಟಲಿ, ಜಪಾನ್, ಪೆರು, ಫಿಲಿಪೈನ್ಸ್, ಸೌದಿ ಅರೇಬಿಯಾ, ಥೈಲ್ಯಾಂಡ್, ಟರ್ಕಿ ಮತ್ತು ವಿಯೆಟ್ನಾಂ ಸೇರಿವೆ.
ಬಳಕೆದಾರರ ಸ್ನೇಹಿ ಆರೋಗ್ಯ ಸೇತು ಅಪ್ಲಿಕೇಶನ್‌ನಲ್ಲಿ ಈ ಜನರಿಗೆ ಸಿಗಲಿದೆ ವಿಶೇಷ ವೈಶಿಷ್ಟ್ಯ
ಸರಿಸುಮಾರು 13 ಶತಕೋಟಿ ಜನಸಂಖ್ಯೆಯನ್ನು ಹೊಂದಿರುವ ಈ 13 ದೇಶಗಳ ಒಟ್ಟು 173 ಮಿಲಿಯನ್ ಜನರು ಸರ್ಕಾರ ಬೆಂಬಲಿತ ಸಂಪರ್ಕ-ಪತ್ತೆಹಚ್ಚುವ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್ ಮಾಡಿದ್ದಾರೆ. ಆಸ್ಟ್ರೇಲಿಯಾದ COVIDSafe ಅಪ್ಲಿಕೇಶನ್ 4.5 ದಶಲಕ್ಷ ಅನನ್ಯ ಸ್ಥಾಪನೆಗಳೊಂದಿಗೆ ಜನಸಂಖ್ಯೆಯ ದೃಷ್ಟಿಯಿಂದ ಅತಿ ಹೆಚ್ಚು ಅಡಪ್ಶನ್ ಪ್ರಮಾಣವನ್ನು ಹೊಂದಿದೆ. ಅಡಪ್ಶನ್ ದರದಲ್ಲಿ ಭಾರತ (12.5%) ನಾಲ್ಕನೇ ಸ್ಥಾನದಲ್ಲಿದೆ. ಆಪ್ ಸ್ಟೋರ್ ಮತ್ತು ಗೂಗಲ್ ಪ್ಲೇನಿಂದ ಅಂದಾಜು 80.8 ಮಿಲಿಯನ್ ಡೌನ್‌ಲೋಡ್‌ಗಳೊಂದಿಗೆ ಭಾರತದ 'ಆರೋಗ್ಯ ಸೇತು' ಅಪ್ಲಿಕೇಶನ್‌ನ ಡೌನ್‌ಲೋಡ್ ಏಪ್ರಿಲ್‌ನಲ್ಲಿ ಹೆಚ್ಚಾಗಿದೆ.
ವಿಶೇಷವೆಂದರೆ 'ಆರೋಗ್ಯ ಸೇತು' ಆ್ಯಪ್ (Aarogya Setu App) ಅನ್ನು ಏಪ್ರಿಲ್ 2 ರಂದು ಬಿಡುಗಡೆ ಮಾಡಲಾಯಿತು ಮತ್ತು ಬಿಡುಗಡೆಯಾದ 50 ದಿನಗಳಲ್ಲಿ ಅದು 50 ಮಿಲಿಯನ್ ಡೌನ್‌ಲೋಡ್ ಗಡಿ ದಾಟಿದೆ. ಇದು ಈಗ 127.6 ಮಿಲಿಯನ್ ಡೌನ್‌ಲೋಡ್‌ಗಳೊಂದಿಗೆ ವಿಶ್ವದ ಹೆಚ್ಚು ಡೌನ್‌ಲೋಡ್ ಮಾಡಲಾದ ಸಂಪರ್ಕ-ಪತ್ತೆಹಚ್ಚುವ ಅಪ್ಲಿಕೇಶನ್ ಆಗಿ ಮಾರ್ಪಟ್ಟಿದೆ.
ಭಾರತ ಹೆಚ್ಚು ಪ್ರಭಾವಕ್ಕೊಳಗಾದ ಮೂರನೇ ದೇಶ:
ಕರೋನಾವೈರಸ್ (Coronavirus) ಪೀಡಿತ ದೇಶಗಳಲ್ಲಿ ಭಾರತ ಮೂರನೇ ಸ್ಥಾನದಲ್ಲಿದೆ. ಈವರೆಗೆ 968,875 ಸೋಂಕು ಪ್ರಕರಣಗಳು ವರದಿಯಾಗಿದ್ದರೆ, 24,915 ಜನರು ಸಾವನ್ನಪ್ಪಿದ್ದಾರೆ. ಕರೋನಾ ಅಮೆರಿಕದಲ್ಲಿ ಹೆಚ್ಚು ಹಾನಿ ಉಂಟುಮಾಡಿದೆ. ಇಲ್ಲಿಯವರೆಗೆ ಇಲ್ಲಿ 34,99,398 ಪ್ರಕರಣಗಳು ದಾಖಲಾಗಿದ್ದು, 137,419 ಜನರು ಸಾವನ್ನಪ್ಪಿದ್ದಾರೆ. ಅಮೆರಿಕದ ನಂತರ ಬ್ರೆಜಿಲ್ ಎರಡನೇ ಕರೋನಾ ಪೀಡಿತ ದೇಶವಾಗಿದೆ. ಇಲ್ಲಿ ಕರೋನಾ ಸೋಂಕಿತರ ಸಂಖ್ಯೆ 19,66,748ಕ್ಕೆ ಏರಿದೆ ಮತ್ತು 75366 ಜನರು ಪ್ರಾಣ ಕಳೆದುಕೊಂಡಿದ್ದಾರೆ.
