Taming Diabetes: ಸಕ್ಕರೆ ಕಾಯಿಲೆಯನ್ನು ಹತ್ತಿರಕ್ಕೂ ಸುಳಿದಾಡಲು ಬಿಡುವುದಿಲ್ಲ ಈ ಅಕ್ಕಿಯ ಚಹಾ, ಇಲ್ಲಿದೆ ತಯಾರಿಕೆಯ ಸರಿಯಾದ ವಿಧಾನ!

ಬೆಂಗಳೂರು: ಮಧುಮೇಹದ ಅಪಾಯವನ್ನು ಕಡಿಮೆ ಮಾಡಲು, ಆಹಾರದ ಬಗ್ಗೆ ವಿಶೇಷ ಕಾಳಜಿ ವಹಿಸುವುದು ತುಂಬಾ ಮುಖ್ಯ. ಆದರೆ ಇತ್ತೀಚಿನ ದಿನಗಳಲ್ಲಿ, ಕೆಟ್ಟ ಜೀವನಶೈಲಿಯಿಂದ, ಮಧುಮೇಹದಂತಹ ಕಾಯಿಲೆಗಳು ಸಹ ಹೆಚ್ಚು ಗಂಭೀರವಾಗುತ್ತಿವೆ. ಸರಿಯಾದ ಜೀವನಶೈಲಿ ಮತ್ತು ಸರಿಯಾದ ಆಹಾರದ ನಂತರವೂ ಅನೇಕ ಬಾರಿ ಮಧುಮೇಹವನ್ನು ನಿಯಂತ್ರಿಸಲಾಗುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ, ಏರುತ್ತಿರುವ ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಸಹಾಯ ಮಾಡುವ ಕೆಲವು ಗೃಹೋಪಯೋಗಿ ವಸ್ತುಗಳು ಇವೆ. ಈ ಲೇಖನದಲ್ಲಿ, ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುವ ಅಕ್ಕಿ ಚಹಾದ ಬಗ್ಗೆ ನಾವು ನಿಮಗೆ ಮಾಹಿತಿಯನ್ನು ಕೊಡುತ್ತಿದ್ದೇವೆ. ಮಧುಮೇಹದಲ್ಲಿ ಅಕ್ಕಿಯಂತಹ ಪದಾರ್ಥಗಳನ್ನು ಸೇವಿಸುವುದನ್ನು ಸಾಮಾನ್ಯವಾಗಿ ನಿಷೇಧಿಸಲಾಗುತ್ತದೆ, ಆದರೆ ಅಕ್ಕಿಯಿಂದ ತಯಾರಿಸಿದ ಚಹಾವು ಮಧುಮೇಹಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ನೀವು ಅಥವಾ ನಿಮ್ಮ ಕುಟುಂಬದಲ್ಲಿ ಯಾರಾದರೂ ಮಧುಮೇಹ ಹೊಂದಿದ್ದರೆ, ಅಕ್ಕಿ ಚಹಾವು ತುಂಬಾ ಪ್ರಯೋಜನಕಾರಿಯಾಗಿದೆ. ಈ ಲೇಖನದಲ್ಲಿ ಮಧುಮೇಹಿಗಳಿಗೆ ಅಕ್ಕಿಯ ಪ್ರಯೋಜನಗಳು ಮತ್ತು ಅದನ್ನು ತಯಾರಿಸುವ ವಿಶೇಷ ವಿಧಾನದ ಬಗ್ಗೆ ನಾವು ನಿಮಗೆ ಮಾಹಿತಿಯನ್ನು ಹಂಚಿಕೊಳ್ಳುತ್ತಿದ್ದೇವೆ. (Health News In Kannada / Lifestyle News In Kannada)

ಮಧುಮೇಹಕ್ಕೆ ಅಕ್ಕಿ ಚಹಾ ಪ್ರಯೋಜನಕಾರಿಯಾಗಿದೆ
ಅಕ್ಕಿಯಲ್ಲಿ ಅನೇಕ ಅಂಶಗಳಿವೆ, ಈ ಕಾರಣದಿಂದಾಗಿ ರಕ್ತದಲ್ಲಿನ ಸಕ್ಕರೆ ಹೆಚ್ಚಾಗುತ್ತದೆ. ಆದರೆ ಅಕ್ಕಿಯಿಂದ ತಯಾರಿಸಿದ ಚಹಾವು ಮಧುಮೇಹವನ್ನು ನಿಯಂತ್ರಿಸಲು ಅತ್ಯುತ್ತಮ ಪರಿಹಾರವೆಂದು ಪರಿಗಣಿಸಲಾಗಿದೆ. ಅಕ್ಕಿ ಚಹಾಕ್ಕೆ ಇತರ ಕೆಲವು ಪದಾರ್ಥಗಳನ್ನು ಬೇರೆಸಲಾಗುತ್ತದೆ, ಅಕ್ಕಿಯಲ್ಲಿ ಕಬ್ಬಿಣ, ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್ ಇತ್ಯಾದಿಗಳು ಕಂಡುಬರುತ್ತವೆ. ಅಕ್ಕಿ ಚಹಾದಲ್ಲಿರುವ ಅನೇಕ ವಿಶೇಷ ಅಂಶಗಳು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತವೆ.

ಅಕ್ಕಿ ಚಹಾವನ್ನು ಹೇಗೆ ತಯಾರಿಸಬೇಕು
ಅಕ್ಕಿ ಚಹಾವನ್ನು ತಯಾರಿಸುವುದು ತುಂಬಾ ಸುಲಭ ಮತ್ತು ಇದಕ್ಕಾಗಿ ನಿಮಗೆ ಯಾವುದೇ ವಿಶೇಷ ಪದಾರ್ಥಗಳ ಅವಶ್ಯಕತೆ ಇಲ್ಲ. ಅಕ್ಕಿ ಚಹಾವನ್ನು ತಯಾರಿಸಲು, ಸಾಮಾನ್ಯವಾಗಿ ಈ ಕೆಳಗೆ ಪಟ್ಟಿ ಮಾಡಲಾದ ಪದಾರ್ಥಗಳು ಬೇಕಾಗುತ್ತವೆ. 

>> ಎರಡು ಸ್ಪೂನ್ ಕಂದು ಅಕ್ಕಿ ಅಂದರೆ ಬ್ರೌನ್ ರೈಸ್
>> ಎರಡು ಕಪ್ ನೀರು
>> ಅರ್ಧ ಟೀ ಚಮಚ ಶುಂಠಿ
>> ಒಂದು ತಮಾಲಪತ್ರದ ಎಲೆ
>> ಅರ್ಧ ಟೀ ಚಮಚ ಬೆಲ್ಲ

ಪಾಕವಿಧಾನ
ಮೊದಲಿಗೆ, ಕಂದು ಅಕ್ಕಿಯನ್ನು ಬಾಣಲೆಯಲ್ಲಿ ಹಾಕಿ ಕಡಿಮೆ ಉರಿಯಲ್ಲಿ ಹುರಿಯಿರಿ. ಅಕ್ಕಿ ಹುರಿದು ಕೆಂಪು ಬಣ್ಣಕ್ಕೆ ತಿರುಗಿದಾಗ ಅದಕ್ಕೆ ಎರಡು ಲೋಟ ನೀರು ಹಾಕಿ. ನೀರು ಸಾಕಷ್ಟು ಬಿಸಿಯಾದಾಗ, ಅದಕ್ಕೆ ಶುಂಠಿ ಮತ್ತು ಬೇ ಎಲೆಗಳನ್ನು ಸೇರಿಸಿ ಚೆನ್ನಾಗಿ ಕುದಿಯಲು ಬಿಡಿ. ಅದು ಕುದಿಯಲು ಬಂದ ನಂತರ, ಉರಿಯನ್ನು ಕಡಿಮೆ ಮಾಡಿ ಮತ್ತು ಚಹಾವನ್ನು ನಿಧಾನವಾಗಿ ಕುದಿಸಲು ಬಿಡಿ. ಅದು ಚೆನ್ನಾಗಿ ಕುದ್ದಾಗ ಅದಕ್ಕೆ ಬೆಲ್ಲ ಹಾಕಿ ಕರಗಿಸಿ ಮತ್ತು  ನಂತರ ಗ್ಯಾಸ್ ಸ್ತೋವ್ ಮೇಲಿಂದ ಅದನ್ನು ಕೆಳಕ್ಕೆ ಇಳಿಸಿ.  ಖಾಲಿ ಹೊಟ್ಟೆಯಲ್ಲಿ ಈ ಬಿಸಿ ಚಹಾವನ್ನು ಸೇವಿಸುವುದರಿಂದ ಅದು ಅನೇಕ ಪ್ರಯೋಜನಗಳನ್ನು ನೀಡುತ್ತದೆ.

ಅಕ್ಕಿ ಚಹಾದ ಇತರ ಪ್ರಯೋಜನಗಳು
ಮಧುಮೇಹದ ಹೊರತಾಗಿ, ಅಕ್ಕಿ ಚಹಾವನ್ನು ಸೇವಿಸುವುದರಿಂದ ಇತರ ಅನೇಕ ಪ್ರಯೋಜನಗಳನ್ನು ಸಹ ಪಡೆಯಬಹುದು

1. ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ
ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆಗಳಿಗೆ ಅಕ್ಕಿ ಚಹಾವು ತುಂಬಾ ಪ್ರಯೋಜನಕಾರಿಯಾಗಿದೆ. ನಿಮಗೆ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಯಾವುದೇ ರೀತಿಯ ಸಮಸ್ಯೆ ಇದ್ದರೆ, ಬ್ರೌನ್ ರೈಸ್ನಿಂದ ತಯಾರಿಸಿದ ಚಹಾವನ್ನು ಸೇವಿಸಬಹುದು.

2. ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ
ಮಾನಸಿಕ ಸಮಸ್ಯೆಗಳನ್ನು ಹೋಗಲಾಡಿಸಲು ಅಕ್ಕಿ ಚಹಾವನ್ನು ಸೇವಿಸುವುದು ಒಂದು ಉತ್ತಮ ಮಾರ್ಗವಾಗಿದೆ . ರೈಸ್ ಟೀ ಮನಸ್ಸನ್ನು ಶಾಂತಗೊಳಿಸುತ್ತದೆ, ತನ್ಮೂಲಕ ಖಿನ್ನತೆ, ಆತಂಕ ಮತ್ತು ಒತ್ತಡದಂತಹ ಸಮಸ್ಯೆಗಳನ್ನು ತಡೆಯುತ್ತದೆ.

ಇದನ್ನೂ ಓದಿ-Hair Fall Control Tips: ವೇಗವಾಗಿ ಉದುರುತ್ತಿರುವ ಕೂದಲು ತಡೆಗೆ ಈ ಹಣ್ಣಿನ ಬೀಜಗಳ ಎಣ್ಣೆ ರಾಮಬಾಣ ಉಪಾಯ!

3. ತೂಕವನ್ನು ಇಳಿಕೆ ಮಾಡಲು ಸಹಾಯ ಮಾಡುತ್ತದೆ
ಹೆಚ್ಚುತ್ತಿರುವ ತೂಕವನ್ನು ನಿಯಂತ್ರಿಸಲು ಬ್ರೌನ್ ರೈಸ್ ಟೀ ಸೇವನೆ ತುಂಬಾ ಪ್ರಯೋಜನಕಾರಿಯಾಗಿದೆ. ಈ ಚಹಾವು ನಿಮ್ಮ ಜೀರ್ಣಕ್ರಿಯೆಗೆ ಮತ್ತು ಚಯಾಪಚಯ ಕ್ರಿಯೆಗೆ ಉತ್ತಮವಾಗಿದೆ, ಇದು ನಿಮ್ಮ ದೇಹದ ತೂಕವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ-High Cholesterol ನಿಯಂತ್ರಣಕ್ಕೆ ನಿಯಮಿತವಾಗಿ ಸೇವಿಸಿ ಈ ಎರಡು ಪದಾರ್ಥಗಳಿಂದ ತಯಾರಿಸಿದ ಚಹಾ!

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಮನೆಮದ್ದು ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಖಚಿತಪಡಿಸುವುದಿಲ್ಲ. ಅನುಸರಿಸುವ ಮುನ್ನ ವಿಷಯ ತಜ್ಞರ ಸಲಹೆ ಪಡೆದುಕೊಳ್ಳಲು ಮರೆಯಬೇಡಿ)

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://t.co/lCSPNypK2U
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ