ನವದೆಹಲಿ: ಮಧುಮೇಹವು ಒಂದು ಸಂಕೀರ್ಣ ಕಾಯಿಲೆಯಾಗಿದ್ದು, ಇದು ಒಮ್ಮೆ ಬಂದರೆ ಜೀವನದುದ್ದಕ್ಕೂ ಸಮಸ್ಯೆಯನ್ನುಂಟು ಮಾಡುತ್ತದೆ. ನಿಮಗೆ ಮಧುಮೇಹ ಇದ್ದರೆ ನೀವು ಸೇವಿಸುವ ಆಹಾರ ಮತ್ತು ಪಾನೀಯಗಳ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕು. ಇಲ್ಲದಿದ್ದರೆ ನಿಮ್ಮ ಆರೋಗ್ಯವು ಹದಗೆಡಬಹುದು. ಇಂತಹ ರೋಗಿಗಳಿಗೆ ವಿಶೇಷವಾಗಿ ಅನ್ನದಿಂದ ದೂರವಿರಲು ಸಲಹೆ ನೀಡಲಾಗುತ್ತದೆ. ಇದು ಭಾರತದಲ್ಲಿ ವಾಸಿಸುವ ಜನರಿಗೆ ಸ್ವಲ್ಪ ಕಷ್ಟ. ಭಾರತೀಯ ಭಕ್ಷ್ಯಗಳಲ್ಲಿ ಅನ್ನಕ್ಕೆ ವಿಶೇಷ ಸ್ಥಾನವಿದೆ. ಆದರೂ ಮಧುಮೇಹಿಗಳು ಅನ್ನ ಸೇವಿಸಬಾರದು ಎಂದು ಹೇಳಲಾಗುತ್ತದೆ. ವೈದ್ಯರ ಪ್ರಕಾರ ನೀವು ಅಕ್ಕಿಯನ್ನು ಸಂಪೂರ್ಣವಾಗಿ ತ್ಯಜಿಸುವ ಅಗತ್ಯವಿಲ್ಲ, ಬದಲಿಗೆ ಅದನ್ನು ಬೇಯಿಸುವ ವಿಶೇಷ ವಿಧಾನವನ್ನು ನೀವು ತಿಳಿದಿರಬೇಕು.
ಮಧುಮೇಹಿಗಳು ಅನ್ನವನ್ನು ಹೇಗೆ ಸೇವಿಸಬೇಕು?
ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ಬಗ್ಗೆ ವಿಡಿಯೋ ಹಂಚಿಕೊಂಡಿರುವ ಡಾ.ಮನನ್ ವೋರಾ, ʼನಿಮ್ಮ ಮನೆಯಲ್ಲಿ ಯಾರಿಗಾದರೂ ಮಧುಮೇಹವಿದ್ದರೆ ಅವರಿಗೆ ಅನ್ನವನ್ನು ತಿನ್ನಬೇಡಿ ಎಂದು ಹೇಳಲಾಗುತ್ತದೆ? ಆದರೆ ಇದು ಸರಿಯಲ್ಲ. ಅನ್ನವಿಲ್ಲದೆ ಭಾರತೀಯ ಊಟ ಸಾಧ್ಯವೇ? ಮಧುಮೇಹಿ ರೋಗಿಯೂ ಅನ್ನವನ್ನು ಹೇಗೆ ತಿನ್ನಬಹುದು? ಎಂದು ನಾನು ನಿಮಗೆ ಹೇಳುತ್ತೇನೆ. ಅನ್ನವು ಅತಿಹೆಚ್ಚು ಗ್ಲೈಸೆಮಿಕ್ ಸೂಚಿಯನ್ನು ಹೊಂದಿದೆ, ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಸುಲಭವಾಗಿ ಹೆಚ್ಚಿಸಲು ಕಾರಣವಾಗುತ್ತದೆ. ಮಧುಮೇಹಿಗಳು ಅನ್ನವನ್ನು ತಿನ್ನಲು ಹಲವಾರು ಮಾರ್ಗಗಳಿವೆ. ಇವುಗಳನ್ನು ಪಾಲಿಸುವ ಮೂಲಕ ನೀವು ಯಾವುದೇ ತೊಂದರೆಯಿಲ್ಲದೆ ಅನ್ನವನ್ನು ಸೇವಿಸಬಹುದು.
ಇದನ್ನೂ ಓದಿ: Piles Management: ಮೂಲವ್ಯಾಧಿ ಸಮಸ್ಯೆ ಇರುವವರಿಗೆ ಈ ಆಹಾರಗಳು ವಿಷಕ್ಕೆ ಸಮಾನ!
ಮಧುಮೇಹಿಗಳು ಅನ್ನ ಸೇವಿಸುವ ಸರಿಯಾದ ವಿಧಾನ
- ಕುಕ್ಕರ್ ಬದಲಿಗೆ ತೆರೆದ ಪಾತ್ರೆಯಲ್ಲಿ ಅಕ್ಕಿ ಬೇಯಿಸುವುದು ಮತ್ತು ಸಾಧ್ಯವಾದಷ್ಟು ನೀರನ್ನು ಹರಿಸುವುದು ಸರಿಯಾದ ಮಾರ್ಗವಾಗಿದೆ.
- ನೀವು ಅನ್ನವನ್ನು ಫೈಬರ್ ಮತ್ತು ಪ್ರೋಟೀನ್‌ನ ಉತ್ತಮ ಮೂಲಗಳೊಂದಿಗೆ ಸಂಯೋಜಿಸಿ, ಅಂದರೆ ಮೊಟ್ಟೆ, ಪನೀರ್, ಚಿಕನ್, ಮೊಸರು ಮತ್ತು ಕೆಲವು ತಾಜಾ ತರಕಾರಿಗಳು.
- ನಿಮ್ಮ ಕುಟುಂಬದ ಸದಸ್ಯರಿಗೆ ಮಧುಮೇಹ ಇದ್ದರೆ ಅನ್ನವನ್ನು ತಿನ್ನುವುದನ್ನು ಕಡಿಮೆ ಮಾಡಿ, ಆದರೆ ಅನ್ನವನ್ನು ಸಂಪೂರ್ಣವಾಗಿ ನಿಲ್ಲಿಸುವ ಅಗತ್ಯವಿಲ್ಲ.
- ಅನ್ನವನ್ನು ತಿಂದ ನಂತರ ಸ್ವಲ್ಪ ಸಮಯ ನಡೆಯುವುದು ಮುಖ್ಯ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
- 9 ರಿಂದ 10 ಗಂಟೆಗಳ ಹಿಂದೆ ಬೇಯಿಸಿ ತಣ್ಣಗಾದ ಅನ್ನವನ್ನು ಸಹ ನೀವು ತಿನ್ನಬೇಕು.
ಇದನ್ನೂ ಓದಿ: Curd Benefits: ನಿತ್ಯ 1 ಬಟ್ಟಲು ಮೊಸರು ತಿನ್ನುವುದರಿಂದ ಈ ರೋಗಗಳಿಂದ ಮುಕ್ತಿ
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://tinyurl.com/7jmvv2nz
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.
