ನವದೆಹಲಿ: ಇತ್ತೀಚೆಗೆ ಹೊಸವರ್ಷಾಚರಣೆ ಸಂದರ್ಭದಲ್ಲಿ ಭಾರೀ ಸುದ್ದಿ ಮಾಡಿದ್ದ ಬಾಲಿವುಡ್ ನಟಿ ಸನ್ನಿ ಲಿಯೋನ್ ಇದೀಗ ತಮ್ಮ ಟ್ವಿಟರ್ ಖಾತೆಯಲ್ಲಿ 'ರೆಡಿ ಟು ಕಾಂಕ್ಯರ್' (Ready to Conquer) ಅವತಾರದಲ್ಲಿ ಫೋಟೊ ಒಂದನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಸನ್ನಿ ಬೋಹೀಮಿಯನ್ ಬ್ಯೂಟಿಯಂತೆ ಕಾಣಿಸಿಕೊಂಡಿದ್ದಾರೆ!
ಇಲ್ಲಿದೆ ನೋಡಿ ಅವರ ಟ್ವಿಟರ್ ಪೋಸ್ಟ್ !
Ready to conquer! pic.twitter.com/53J0G7ht3L
— Sunny Leone (@SunnyLeone) January 27, 2018
ಇದಕ್ಕೂ ಮುಂಚೆ 2012 ರಲ್ಲಿ ಜಿಸ್ಮ್ 2 ಚಿತ್ರದೊಂದಿಗೆ ಬಾಲಿವುಡ್ ಪ್ರವೇಶ ಮಾಡಿದ್ದ ಸನ್ನಿ, 2017 ರಲ್ಲಿ ರೋಮ್ಯಾಂಟಿಕ್ ಮ್ಯೂಸಿಕ್ ಹೊಂದಿದ್ದ ಚಿತ್ರ ತೇರಾ ಇಂತಜಾರ್ ನಲ್ಲಿ ನಟ ಅರ್ಬಾಜ್ ಖಾನ್ ಜೊತೆಯಲ್ಲಿ ಕೊನೆಯಬಾರಿ ತೆರೆಯಲ್ಲಿ ಕಾಣಿಸಿಕೊಂಡಿದ್ದರು. ಕಳೆದ ವರ್ಷ ಜುಲೈನಲ್ಲಿ ಪತಿ ಡೇನಿಯಲ್ ವೆಬರ್ ಜೊತೆ ನಿಶಾ ಎಂಬ ಹೆಣ್ಣು ಮಗುವನ್ನು ಸನ್ನಿ ದತ್ತು ಪಡೆದಿದ್ದರು.
ಇದಲ್ಲದೆ, ಸನ್ನಿ ಲಿಯೋನ್ ನ ಮೇಣದ ಪ್ರತಿಮೆಯನ್ನು ದೆಹಲಿಯ ಮ್ಯಾಡಮ್ ಟುಸ್ಸಾಡ್ಸ್ ಮ್ಯೂಸಿಯಂನಲ್ಲಿ ಇರಿಸಲಾಗುತ್ತಿದೆ. ಇದು ಇತರ ಪ್ರಮುಖ ವ್ಯಕ್ತಿಗಳ ಪ್ರತಿಮೆಗಳೊಂದಿಗೆ ಪ್ರದರ್ಶನಗೊಳ್ಳಲಿದೆ ಎಂದು ವರದಿಗಳು ತಿಳಿಸಿವೆ.
ಮೇಣದ ಪ್ರತಿಮೆ ನಿರ್ಮಾಣಕ್ಕಾಗಿ ಲಂಡನ್ ನಿಂದ ಬಂದಿದ್ದ ಪರಿಣಿತ ಕಲಾವಿದರು ಮುಂಬೈನಲ್ಲಿ ಸನ್ನಿಯನ್ನು ಭೇಟಿ ಮಾಡಿದ್ದು, ಆಕೆಯ ನಿರ್ದಿಷ್ಟ ಆಕೃತಿಯನ್ನು ರಚಿಸಲು 200ಕ್ಕೂ ಹೆಚ್ಚಿನ ಅಳತೆಯನ್ನು ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ.
ತಮ್ಮ ಪ್ರತಿಮೆ ಮ್ಯೂಸಿಯಂನ್ನಲ್ಲಿ ಪ್ರದರ್ಶನಗೊಳ್ಳುತ್ತಿರುವ ಕುರಿತು ಮಾತನಾಡಿರುವ ಸನ್ನಿ, "ನನ್ನ ಆಕೃತಿಯನ್ನು ರಚಿಸುತ್ತಿರುವ ಮೇಡಮ್ ಟುಸ್ಸಾಡ್ಸ್ ಗೆ ನಾನು ಕೃತಜ್ಞಳಾಗಿದ್ದೇನೆ. ಹಾಗೆಯೇ ಈ ಕುರಿತು ನಾನು ಬಹಳ ಥ್ರಿಲ್ ಆಗಿದ್ದೇನೆ. ನನ್ನ ಮೇಣದ ಆಕೃತಿ ರಚನೆಗಾಗಿ ಇದೇ ಮೊದಲ ಬಾರಿಗೆ ಲಂಡನ್ ತಂಡದೊಂದಿಗೆ ಕುಳಿತುಕೊಂಡಿದ್ದೆ. ಆ ಅನುಭವ ನಿಜಕ್ಕೂ ಅನನ್ಯ ಮತ್ತು ಅವಿಸ್ಮರಣೀಯ. ನನ್ನದೇ ಪ್ರತಿಕೃತಿಯನ್ನು ನೋಡಲು ನಾನು ನನ್ನ ಅಭಿಮಾನಿಗಳಿಗಿಂತ ಕಾತುರಳಾಗಿದ್ದೇನೆ" ಎಂದಿದ್ದಾರೆ.
