ನವದೆಹಲಿ: ರಾಮಾನಂದ್ ಸಾಗರ್ ಅವರ ಟಿವಿ ಶೋ 'ರಾಮಾಯಣ' ದಲ್ಲಿ ಸೀತಾ ಪಾತ್ರದಲ್ಲಿ ಜನಪ್ರಿಯರಾದ ನಟಿ ದೀಪಿಕಾ ಚಿಖಾಲಿಯಾ ಮತ್ತೊಮ್ಮೆ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸ್ವಾತಂತ್ರ್ಯ ಹೋರಾಟಗಾರ್ತಿ ಸರೋಜಿನಿ ನಾಯ್ಡು ಅವರ ಜೀವನಚರಿತ್ರೆ ಆಧಾರಿತ ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರ ನಿರ್ವಹಿಸಲಿದ್ದಾರೆ.
ಚಿತ್ರದ ಮೊದಲ ಪೋಸ್ಟರ್ ಅನ್ನು ದೀಪಿಕಾ ಗುರುವಾರ ಹಂಚಿಕೊಂಡಿದ್ದು ನಟಿ ಚಿಂತನಾಶೀಲರಾಗಿರುವ ಸೈಡ್ ಪ್ರೊಫೈಲ್ ಪೋಸ್ಟರ್ನಲ್ಲಿ ಕಂಡುಬರುತ್ತದೆ. ಪೋಸ್ಟರ್‌ನ ಟ್ಯಾಗ್‌ಲೈನ್ ಸ್ವಾತಂತ್ರ್ಯದ ಹೋರಾಟಗಾರ್ತಿ ನಾಯಕಿಯ ಗೊತ್ತಿರದ ಕಥೆ ಎಂದು ಬರೆಯಲಾಗಿದೆ.
ಚಿತ್ರದ ಫಸ್ಟ್ ಲುಕ್ ವೈರಲ್ :
ಶೀರ್ಷಿಕೆಯಲ್ಲಿ "ಸರೋಜಿನಿ ನಾಯ್ಡು .. ಫಸ್ಟ್ ಲುಕ್ .. ಪೋಸ್ಟರ್" ಎಂದು ಬರೆದಿದ್ದಾರೆ. ಚಿತ್ರವನ್ನು ಆಕಾಶ್ ನಾಯಕ್ ಮತ್ತು ಧೀರಜ್ ಮಿಶ್ರಾ ನಿರ್ದೇಶಿಸಿದ್ದಾರೆ. ಸರೋಜಿನಿ ನಾಯ್ಡು ಅವರ ಜೀವನದ ಮೇಲೆ ಚಿತ್ರ ನಿರ್ಮಾಣವಾಗುತ್ತಿರುವುದು ಇದೇ ಮೊದಲು. ಅವರು ಭಾರತೀಯ ಸ್ವಾತಂತ್ರ್ಯ ಚಳವಳಿಯ ಪ್ರಮುಖ ನಾಯಕಿ. ಚಿತ್ರದ ಪೋಸ್ಟರ್ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ರಾಮಾಯಣದ ಮರು ಪ್ರಸಾರದ ಯಶಸ್ಸಿನ ಬಗ್ಗೆ ಕೇಳಲಾದ ಪ್ರಶ್ನೆಗೆ ಪ್ರತಿಕ್ರಿಯಿಸಿರುವ ನಟಿ ನಾನು ವಿಶ್ಲೇಷಕಿ ಅಲ್ಲ. ನಾನು ಕುಳಿತು ವಿಶ್ಲೇಷಿಸುವ ವ್ಯಕ್ತಿಯಲ್ಲ. ನಾನು ಯೋಚಿಸುವುದು ತಕ್ಷಣದ ವಿಷಯಗಳನ್ನು ಮಾತ್ರ ಎಂದಿದ್ದಾರೆ.
