ನವ ದೆಹಲಿ : ದೇಶಾದ್ಯಂತ ಬಹು ವಿವಾದ ಉಂಟುಮಾಡಿದ್ದ ಸಂಜಯ್‌ ಬನ್ಸಾಲಿ ನಿರ್ದೇಶನದ 'ಪದ್ಮಾವತ್' (ಪದ್ಮಾವತಿ) ಸಿನಿಮಾ ಜ.25ರಂದು ಬಿಡುಗಡೆಯಾಗಲಿದೆ. ಅಲ್ಲದೆ, ಖ್ಯಾತ ನಟ ಅಕ್ಷಯ್ ಕುಮಾರ್ ಅವರ `ಪದ್ಮನ್' ಸಿನಿಮಾ ಕೂಡ ಅಂದೇ ರಿಲೀಸ್ ಆಗಲಿದ್ದು ಎರಡೂ ಚಿತ್ರಗಳ ನಡುವೆ ಕ್ಲಾಶ್ ಆಗಲಿದೆ.
ಈ ಹಿಂದೆ ಈ ಎರಡೂ ಚಿತ್ರಗಳ ನಡುವಿನ ಕ್ಲಾಶ್ ಕುರಿತು ಹಲವಾರು ವದಂತಿಗಳು ಕೇಳಿಬಂದಿದ್ದವು. ಆದರೆ ಇದೀಗ ಚಿತ್ರ ವಿಮರ್ಶಕ ಮತ್ತು ಟ್ರೇಡ್ ಅನಾಲಿಸ್ಟ್ ತರಣ್ ಆದರ್ಶ್ ಟ್ವೀಟ್ ಮಾಡುವ ಮೂಲಕ ಚಿತ್ರ ರಿಲೀಸ್ ಡೇಟ್ ಖಚಿತಪಡಿಸಿದ್ದಾರೆ.
#Padmavat to release on 25 Jan 2018... #RepublicDayWeekend
— taran adarsh (@taran_adarsh) January 8, 2018
ಬಹಳ ದಿನಗಳ ನಂತರ ಇತ್ತೀಚಿಗೆ `ಪದ್ಮಾವತಿ' ಚಿತ್ರ ಬಿಡುಗಡೆಗೆ ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಯು/ಎ ಪ್ರಮಾಣಪತ್ರ ನೀಡಿ, ಚಿತ್ರದ ಹೆಸರನ್ನು `ಪದ್ಮಾವತಿ'ಗೆ ಬದಲಾಗಿ `ಪದ್ಮಾವತ್' ಎಂದು ಬದಲಾಯಿಸುವಂತೆ ಸಲಹೆ ನೀಡಿತ್ತು.
ದೀಪಿಕಾ ಪಡುಕೋಣೆ, ರಣವೀರ್‌ ಸಿಂಗ್‌, ಶಾಹಿದ್‌ ಕಪೂರ್‌ ಮುಂತಾದವರು ನಟಿಸಿರುವ ಈ ಸಿನಿಮಾ ಡಿಸೆಂಬರ್ 1, 2017 ರಂದು ಆರಂಭದ ಬಿಡುಗಡೆ ದಿನಾಂಕವನ್ನು ಹೊಂದಿತ್ತು. ಆದರೆ ಸಿಬಿಎಫ್ಸಿಯಿಂದ ಕ್ಲಿಯರೆನ್ಸ್ ಪಡೆಯಲು ವಿಫಲವಾದ ಕಾರಣ ಬಿಡುಗಡೆ ವಿಳಂಬವಾಗಿತ್ತು.
