ಬೆಂಗಳೂರು : ಒಂದು ಕಡೆ ಜೇಮ್ಸ್‌ ಸಿನಿಮಾ (James film) ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಸುನಾಮಿಯಂತೆ ಸಿನಿ ಮಂದಿರಕ್ಕೆ ಎಂಟ್ರಿ ಕೊಡುತ್ತಿದ್ದರೆ, ಮತ್ತೊಂದು ಕಡೆ ಅಪ್ಪು ಸಿನಿಮಾ ಬಾಕ್ಸ್‌ ಆಫಿಸ್‌ನಲ್ಲಿ ಹೊಸ ದಾಖಲೆ ಬರೆದಿದೆ (James Record). ಅದರ ಕಂಪ್ಲೀಟ್‌ ರಿಪೋರ್ಟ್‌ ಮುಂದೆ ಓದಿ.
ನಮ್ಮ ಅಪ್ಪು ಸಿನಿಮಾಗಳು ಅಂದ್ರೆ ಸುಮ್ಮನೇನಾ. ಎಲ್ಲಾ ಕಡೆಯೂ ದಾಖಲೆಗಳನ್ನ ಬರೆಯೋದು ಪವರ್‌ ಸ್ಟಾರ್‌ ಕೆಪಾಸಿಟಿ (Power star). ಹೀಗೆ ಕನ್ನಡಕ್ಕೆ ಹತ್ತಾರು ಹಿಟ್‌ ಚಿತ್ರಗಳನ್ನ ನೀಡಿ, ಸ್ಯಾಂಡಲ್‌ವುಡ್‌ನ ಜಗತ್ತಿನಾದ್ಯಂತ ಮಿಂಚುವಂತೆ ಮಾಡಿದ್ದ ಡಾ.ಪುನೀತ್‌ ರಾಜ್‌ಕುಮಾರ್‌ (Puneeth Rajkumar) ಅವರು, ತಮ್ಮ ಕೊನೆಯ ಸಿನಿಮಾ ಮೂಲಕ ಮತ್ತೊಂದು ದಾಖಲೆ ಮಾಡಿದ್ದಾರೆ. 'ಜೇಮ್ಸ್‌' ಅಬ್ಬರಕ್ಕೆ ಬಾಕ್ಸ್‌ ಆಫಿಸ್‌ ಉಡೀಸ್‌ ಆಗಿದೆ (James).
ಇದನ್ನೂ ಓದಿ : The Kashmir Files Collection: ಎಂಟನೇ ದಿನ ಕೂಡ ಬಂಪರ್ ಗಳಿಕೆ ಮಾಡಿ 100 ಕೋಟಿ ರೂ. ಕ್ಲಬ್ ಗೆ ಲಗ್ಗೆ ಇಟ್ಟ 'ದಿ ಕಾಶ್ಮೀರ ಫೈಲ್ಸ್'
ದಾಖಲೆಗಳು ಧೂಳ್ :
ಜೇಮ್ಸ್‌ ಸಿನಿಮಾ ರಿಲೀಸ್‌ ಆದ ದಿನದಿಂದ ಇಲ್ಲಿಯವರೆಗೆ ಕ್ಷಣಕ್ಕೊಂದು ದಾಖಲೆ ಮಾಡುತ್ತಿದೆ (James record). ಅದರಲ್ಲೂ ಬಾಕ್ಸ್‌ ಆಫಿಸ್‌ನಲ್ಲಿ ದೊಡ್ಡ ಮೊತ್ತದ ಹಣ ಗಳಿಸುವ ಮೂಲಕ 'ಜೇಮ್ಸ್‌' ಹಲವು ದಾಖಲೆಗಳನ್ನ ಪುಡಿ ಪುಡಿಗಟ್ಟಿದೆ (James Box office records). ಕೇವಲ ಕರ್ನಾಟಕದಲ್ಲೇ ಮೊದಲ ದಿನ 30 ಕೋಟಿಗೂ ಹೆಚ್ಚು ಹಣ ಗಳಿಸಿ ದಾಖಲೆ ಮಾಡಿದ್ದ 'ಜೇಮ್ಸ್‌' ಸಿನಿಮಾ 2ನೇ ದಿನವೂ ಅಂತಹದ್ದೇ ವಿಶಿಷ್ಟವಾದ ದಾಖಲೆಗೆ ಸಾಕ್ಷಿಯಾಗಿತ್ತು. ಇದೀಗ ನಿರಾಯಾಸವಾಗಿ 'ಜೇಮ್ಸ್‌' ಚಿತ್ರ 100 ಕೋಟಿ ಕ್ಲಬ್‌ಗೆ ಸೇರ್ಪಡೆಯಾಗಿದೆ.
100 ಕೋಟಿ ಕ್ಲಬ್ :
ಅಂದಹಾಗೆ ವಿಶ್ವದಾದ್ಯಂತ 'ಜೇಮ್ಸ್‌' 50 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ್ದು, ಕರ್ನಾಟಕದಲ್ಲೇ ಭಾರಿ ಮೊತ್ತದ ಕಲೆಕ್ಷನ್ ಆಗಿದೆ. ಇದರ ಜೊತೆಗೆ ಸ್ಯಾಟಲೈಟ್‌ ರೈಟ್ಸ್‌ ಹಾಗೂ ಒಟಿಟಿ ರೈಟ್ಸ್‌ ಎಲ್ಲಾ ಸೇರಿದ್ರೆ ಈಗಾಗಲೇ 'ಜೇಮ್ಸ್‌' 100 ಕ್ರೋರ್‌ ಕ್ಲಬ್ ಸೇರಿರೋದು ಪಕ್ಕಾ ಆಗಿದೆ. ಈ ಮೂಲಕ ನಮ್ಮ ಅಪ್ಪು ಸಿನಿಮಾ 100 ಕ್ರೋರ್‌ ಕ್ಲಬ್ ಸೇರುವ ಮೂಲಕ ಹೊಸದೊಂದು ದಾಖಲೆ ಬರೆದಿದೆ.
ಇದನ್ನೂ ಓದಿ : RRR Ticket Price Hike! RRR ಬಿಡುಗಡೆಗೂ ಮುನ್ನ ಟಿಕೆಟ್ ದರದಲ್ಲಿ ಭಾರಿ ಏರಿಕೆ, ಏನಿದು ಹೊಸ ಸುದ್ದಿ!
ಭರ್ಜರಿ ಕಲೆಕ್ಷನ್..!
ಹೀಗೆ ದಾಖಲೆ ಮೇಲೆ ದಾಖಲೆ ಬರೆಯುತ್ತಿರುವ 'ಜೇಮ್ಸ್‌' ಸಿನಿಮಾ ಮೇಲಿನ ಹವಾ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ಫ್ಯಾನ್ಸ್‌ ಕ್ರೇಜ್‌ ಈ ಕ್ಷಣಕ್ಕೂ ಒಂದು ಚೂರು ಕೂಡ ಕಡಿಮೆ ಆಗಿಲ್ಲ ಅಂದ್ರೆ ಹೇಗಿರಬಹುದು ಹೇಳಿ ಅಪ್ಪು ಸಿನಿಮಾ ಖದರ್ (Appu Fans). ಹೀಗೆ ಗಲ್ಲಾಪೆಟ್ಟಿಗೆಯಲ್ಲಿ ಹೊಸ ದಾಖಲೆ ಬರೆದಿರುವ ಜೇಮ್ಸ್‌, ಮೊದಲ ದಿನ ಕರ್ನಾಟಕದಲ್ಲಿ 30 ಕೋಟಿಗೂ ಹೆಚ್ಚು ಗಳಿಸಿದ್ದರೆ, 2ನೇ ದಿನ 18 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿತ್ತು. ಇನ್ನೂ ಕೇವಲ 3 ದಿನದ ಒಳಗಾಗಿ 100 ಕ್ರೋರ್‌ ಕ್ಲಬ್‌ಗೂ ಸೇರಿದೆ.
ಒಟ್ಟಾರೆ ಹೇಳೋದಾದ್ರೆ ಅಪ್ಪು ಸಿನಿಮಾ ದಾಖಲೆಗಳ ಮೇಲೆ ದಾಖಲೆ ಬರೆಯುತ್ತಿದ್ದು, ಕನ್ನಡ ಚಿತ್ರರಂಗಕ್ಕೆ ಹೊಸದೊಂದು ಹುರುಪನ್ನು ನೀಡಿದೆ (Puneeth Rajkumar Films). ಅಪ್ಪು ಅಭಿಮಾನಿಗಳು ಕೂಡ ಸಂಭ್ರಮದಿಂದಲೇ ಪವರ್‌ ಸ್ಟಾರ್‌ ಸಿನಿಮಾ ಕಣ್ತುಂಬಿಕೊಳ್ಳುತ್ತಿದ್ದು, ಮತ್ತಷ್ಟು ದಾಖಲೆಗಳನ್ನು 'ಜೇಮ್ಸ್‌' ಪುಡಿ ಪುಡಿ ಮಾಡೋದು ಪಕ್ಕಾ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
