DBoss Darshan : ನಟ, ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ಅವರ ಮೇಲೆ ಕಿಡಿಗೇಡಿಯೊಬ್ಬರು ಚಪ್ಪಲಿ ಎಸೆದ ಘಟನೆ ವಿಜಯನಗರ ಜಿಲ್ಲೆಯ ಹೊಸಪೇಟೆಯಲ್ಲಿ ನಡೆದಿದೆ. ಘಟನೆಯ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ. ಅಲ್ಲದೆ, ಇದೇ ಸಮಯವನ್ನು ದುರುದ್ದೇಶಕ್ಕಾಗಿ ಬಳಸಿಕೊಳ್ಳುತ್ತಿರುವ ಕಿಡಿಗೇಡಿಗಳು ಖ್ಯಾತ ನಿರ್ದೇಶಕ ತರುಣ್‌ ಸುಧೀರ್‌ ಹೆಸರಲ್ಲಿ ದರ್ಶನ್‌ ವಿರುದ್ಧ ಟ್ಟೀಟ್‌ ಮಾಡಿದ್ದಾರೆ.
ಹೌದು.. ಪುನೀತ್‌ ರಾಜಕುಮಾರ್‌ ಅಭಿಮಾನಿಗಳು ಮತ್ತು ದರ್ಶನ್‌ ಅಭಿಮಾನಿಗಳ ಗಲಾಟೆಯ ನಡುವೆ ಕೆಲವು ಕೆಟ್ಟ ಜನರು ಕಿಡಿಗೇಡಿತನದ ಕೃತ್ಯ ಎಸಗುತ್ತಿದ್ದಾರೆ. ನಿನ್ನೆ ಕ್ರಾಂತಿ ಸಿನಿಮಾದ ಹಾಡು ಬಿಡುಗಡೆ ಮಾಡಲು ಹೋಗಿದ್ದ ದರ್ಶನ್‌ ಅವರ ಮೇಲೆ ಚಪ್ಪಲಿ ಎಸೆಯಲಾಗಿದೆ. ಇದರ ಬೆನ್ನಲ್ಲೆ, ಸೋಷಿಯಲ್‌ ಮೀಡಿಯಾದಲ್ಲಿ ಸೆಲೆಬ್ರೇಟಿಗಳ ಹೆಸರಿನಲ್ಲಿ ಫೇಕ್‌ ಅಕೌಂಟ್‌ ಕ್ರಿಯೇಟ್‌ ಮಾಡಿ ಕೆಟ್ಟದಾಗಿ ಕಾಮೆಂಟ್‌ ಮಾಡುತ್ತಿದ್ದಾರೆ. ಇದನ್ನು ತಿಳಿಯದ ಜನರು ರೀ ಟ್ಟೀಟ್‌ ಮಾಡುತ್ತಿದ್ದಾರೆ.
ಇದನ್ನೂ ಓದಿ: DBoss ಮೇಲೆ ಚಪ್ಪಲಿ ಎಸೆತ : ನುಗುತ್ತಲೇ ʼಪರವಾಗಿಲ್ಲ ಬಿಡು ಚಿನ್ನʼ ಎಂದ ಯಜಮಾನ..!
ಒಳ್ಳೆಯವರಾಗಿ ಆಗ್ರಿ ತೀರ ಒಳ್ಳೆಯವರು ಆಗ್ಬೆಡ್ರಿ ಕಣ್ರಪ್ಪ, ಒಂದು ಘಟನೆ ಆಗಿರೋದು ತಪ್ಪು ಅಂತ ಅತೀ ಕರುಣೆ ತೋರಿಸೋರಿಗೆ ಒಂದು ಪ್ರಶ್ನೆ .ಅವರ ನೌಟಂಕಿ ಆಟಗಳನ್ನು ಒಮ್ಮೆ ನೆನೆಯಿರಿ
ನಮ್ಮ VR , Pailwan, etc ಟೈಂ ನಲ್ಲಿ ಎನು ಕಮ್ಮಿ ಆಡಿದ್ರ ..ಮತ್ತೆ ಇದನ್ನೇ ಅವರು ಜಗ್ಗೇಶ್ ಮೇಲೆ ಮಾಡಿಸಿದಾಗ ಎಲ್ಲಿತ್ತು ನಿಮ್ಮ ಕರುಣೆ!#KicchaSudeep— Tarun Sudhir (@TarunSudhir) December 19, 2022
ಇನ್ನು ದರ್ಶನ್‌ ಅವರಿಗೆ ಚಪ್ಪಲಿ ಎಸೆದ ಘಟನೆಯಿಂದ ದಚ್ಚು ಅಭಿಮಾನಿಗಳು ಕೆಂಡಾಮಂಡಲರಾಗಿದ್ದಾರೆ. ಅಲ್ಲದೆ, ಈ ಸಂಗತಿ ದಚ್ಚು ಅಭಿಮಾನಿಗಳ ಮನಸ್ಸಿಗೆ ಘಾಸಿಯುಂಟು ಮಾಡಿದೆ. ಅಲ್ಲದೆ ಕೆಲ ಸ್ಯಾಂಡಲ್‌ವುಡ್‌ ಮಂದಿ ಈ ರೀತಿಯಾಗಿ ಒಬ್ಬ ನಟನಿಗೆ ಅವಮಾನ ಮಾಡುವುದು ಸರಿಯಲ್ಲ ಅಂತ ಅಸಮಾಧಾನ ಹೊರಹಾಕಿದ್ದಾರೆ. ಇದೀಗ ತುರುಣ್‌ ಸುಧೀರ್‌ ಅವರ ಹೆಸರಲ್ಲಿ ಮಾಡಿರುವ ಟ್ವೀಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.
ಇನ್ನು ದರ್ಶನ್‌ ಹಲವಾರುಸ ಸಿನಿಮಾಗಳಿಗೆ ತರುಣ್‌ ಸುಧೀರ್‌ ಅವರು ನಿರ್ದೇಶನ ಮಾಡಿದ್ದಾರೆ. ಡಿಬಾಸ್‌ ಜೊತೆ ಉತ್ತಮ ಸಂಬಂಧವನ್ನು ಹೊಂದಿದ್ದಾರೆ. ಈ ನಡುವೆ ಯಾರೋ ಕಿಡಿಗೇಡಿಗಳು ದರ್ಶನ್‌ಗೆ ವಿರುದ್ಧವಾಗಿ ಹಾಕಿರುವ ಪೋಸ್ಟ್‌ ನಿಂದಾಗಿ ದಚ್ಚು ಅಭಿಮಾನಿಗಳು ತರುಣ್‌ ಸುಧೀರ್‌ ವಿರೋಧ ಅನುಭವಿಸಬೇಕಾಗಿದೆ. ಈ ಕುರಿತು ಅವರು ತಕ್ಷಣ ಪ್ರತಿಕ್ರಿಯೆ ನೀಡಿದ್ರೆ ಉತ್ತಮ ಎಂದು ನೆಟ್ಟಿಗರು ಹೇಳುತ್ತಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
