ನವದೆಹಲಿ: PPF vs NPS: ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್) ಮತ್ತು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್‌ಪಿಎಸ್) ದೀರ್ಘಾವಧಿಯ ಹೂಡಿಕೆಗಳಾಗಿವೆ. ಆದಾಗ್ಯೂ, ಎರಡೂ ಹೂಡಿಕೆ ಆಯ್ಕೆಗಳ ಉದ್ದೇಶಗಳು ವಿಭಿನ್ನವಾಗಿರಬಹುದು. ಎನ್‌ಪಿಎಸ್ ಕೇವಲ ನಿವೃತ್ತಿ ಯೋಜನೆಯಾಗಿದೆ. ಅದರಲ್ಲಿ ಹೂಡಿಕೆ ಮಾಡುವುದರಿಂದ 60 ವರ್ಷದ ನಂತರವೂ ಪಿಂಚಣಿ ಮುಂದುವರಿಯುತ್ತದೆ. ಪಿಪಿಎಫ್ ಮೂಲಕ ಪಿಂಚಣಿ ಪಡೆಯಲು, ನೀವು ಮುಕ್ತಾಯಗೊಂಡ ನಂತರವೂ ಅದನ್ನು ಚಾಲನೆಯಲ್ಲಿರಿಸಿಕೊಳ್ಳಬೇಕು.
ಪಿಪಿಎಫ್ ಮತ್ತು ಎನ್‌ಪಿಎಸ್ ನಡುವಿನ ವ್ಯತ್ಯಾಸವೇನು?
ಪಿಪಿಎಫ್ (PPF) 100 ಪ್ರತಿಶತ ಡೇಟ್ ಇನ್ಸ್ಟ್ರೋಮೆಂಟ್ ಆಗಿದೆ, ಅಂದರೆ, ಅದರ ಎಲ್ಲಾ ಹಣವನ್ನು ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಆದರೆ ಎನ್‌ಪಿಎಸ್ ಸಾಲ ಮತ್ತು ಇಕ್ವಿಟಿ ಎರಡನ್ನೂ ಹೊಂದಿದೆ. ಎನ್‌ಪಿಎಸ್‌ನಲ್ಲಿ, ಹೂಡಿಕೆದಾರನು ಅದರಲ್ಲಿ ಈಕ್ವಿಟಿ ಪಾಲನ್ನು 75% ವರೆಗೆ ಇಟ್ಟುಕೊಳ್ಳುವ ಆಯ್ಕೆಯನ್ನು ಹೊಂದಿರುತ್ತಾರೆ. ಹೂಡಿಕೆದಾರರು ಹೆಚ್ಚು ಅಪಾಯವನ್ನು ತೆಗೆದುಕೊಳ್ಳುವ ಶಕ್ತಿ ಹೊಂದಿದ್ದರೆ ಅವರು 50:50 ರ ಸಾಲ-ಇಕ್ವಿಟಿ ಅನುಪಾತವನ್ನು ಉಳಿಸಿಕೊಳ್ಳಬಹುದು ಎಂದು ತಜ್ಞರು ಹೇಳುತ್ತಾರೆ, ಇದು ಅವರಿಗೆ ದೀರ್ಘಾವಧಿಯಲ್ಲಿ 10% ನಷ್ಟು ಲಾಭವನ್ನು ನೀಡುತ್ತದೆ, ಇದು ಪಿಪಿಎಫ್‌ನ ಸುಮಾರು 3 ರಿಂದ 7.1% ಎನ್ನಲಾಗಿದೆ.
ಎನ್‌ಪಿಎಸ್‌ನಲ್ಲಿ ಮುಕ್ತಾಯಗೊಂಡ ನಂತರ, ಕನಿಷ್ಠ 40 ಪ್ರತಿಶತವನ್ನು ಕಡ್ಡಾಯವಾಗಿ ವರ್ಷಾಶನದಲ್ಲಿ ಇರಿಸಲಾಗುತ್ತದೆ, ಇಲ್ಲಿ ವರ್ಷಾಶನ ಎಂದರೆ ಪಿಂಚಣಿ. ಇದರಿಂದ ನೀವು ನಿವೃತ್ತಿಯ ನಂತರ ಪಿಂಚಣಿ ಪಡೆಯಬಹುದು.
ಇದನ್ನೂ ಓದಿ - Mutual Funds Vs PPF: 10,000 ರೂಪಾಯಿಗಳನ್ನು 2 ಕೋಟಿ ಮಾಡುವುದು ಹೇಗೆ! PPF-ಮ್ಯೂಚುಯಲ್ ಫಂಡ್‌ಗಳಲ್ಲಿ ಯಾವುದು ಉತ್ತಮ
ತೆರಿಗೆ ರಿಯಾಯಿತಿ ಸಹ ಪಡೆಯಿರಿ:
ಪಿಪಿಎಫ್, ಎನ್‌ಪಿಎಸ್ ಎರಡೂ ಹೂಡಿಕೆಯ ಮೇಲಿನ ತೆರಿಗೆ ವಿನಾಯಿತಿಯ ಲಾಭವನ್ನು ಹೊಂದಿವೆ. ಈ ಎರಡರಲ್ಲೂ ವಾರ್ಷಿಕವಾಗಿ 1.5 ಲಕ್ಷ ರೂ.ಗಳ ಹೂಡಿಕೆಯ ಮೇಲೆ ಆದಾಯ ತೆರಿಗೆ ವಿನಾಯಿತಿ ಲಭ್ಯವಿದೆ. ಎನ್‌ಪಿಎಸ್‌ನಲ್ಲಿ ಸ್ಥಿರ ಮೆಚ್ಯೂರಿಟಿ ಮಿತಿಯಿಲ್ಲ, ಆದರೆ ಪಿಪಿಎಫ್ 15 ವರ್ಷಗಳಲ್ಲಿ ಪಕ್ವವಾಗುತ್ತದೆ, ಆದ್ದರಿಂದ ಪಿಪಿಎಫ್‌ನಲ್ಲಿ ದೀರ್ಘಾವಧಿಯವರೆಗೆ ಹೂಡಿಕೆ ಮುಂದುವರಿಸಲು ಬಯಸುವವರಿಗೆ, 15 ವರ್ಷಗಳ ಬಳಿಕ ಪ್ರತಿ 5–5 ವರ್ಷಗಳಿಗೊಮ್ಮೆ ಅದನ್ನು ವಿಸ್ತರಿಸಬಹುದು.
ಹೂಡಿಕೆಯನ್ನು ಒಂದು ಅವಧಿಯನ್ನು ವಿಸ್ತರಿಸಬೇಕಾದರೆ, ಅಂದರೆ, ಯಾರಾದರೂ 30 ಅಥವಾ 35 ವರ್ಷಗಳವರೆಗೆ ಪಿಪಿಎಫ್ ಅನ್ನು ಮುಂದುವರಿಸಲು ಬಯಸಿದರೆ, ಅವನು ಅದನ್ನು 5-5 ವರ್ಷಗಳ ಬ್ಲಾಕ್ನಲ್ಲಿ ಮುಂದುವರಿಸಬಹುದು. ವಾಸ್ತವವಾಗಿ ಹೂಡಿಕೆದಾರರು ಪಿಪಿಎಫ್ ವಿಸ್ತರಣೆಯನ್ನು ಆರಿಸಿಕೊಳ್ಳಬೇಕೆಂದು ತಜ್ಞರು ಶಿಫಾರಸು ಮಾಡುತ್ತಾರೆ. ಏಕೆಂದರೆ ಇದರಿಂದ ಹೂಡಿಕೆದಾರರಿಗೆ ಹೆಚ್ಚಿನ ಬಡ್ಡಿ ಲಭ್ಯವಾಗುತ್ತದೆ.
ಪಿಪಿಎಫ್ vs ಎನ್‌ಪಿಎಸ್‌ನಲ್ಲಿ ನಿವೃತ್ತಿ ನಂತರ ಯಾವುದು ಉತ್ತಮ ಲಾಭ ನೀಡಲಿದೆ?
ಪಿಪಿಎಫ್ ಮತ್ತು ಎನ್‌ಪಿಎಸ್‌ನಲ್ಲಿ (PPF vs NPS) ಯಾವ ಆಯ್ಕೆಯು ನಿವೃತ್ತಿಯ ಬಳಿಕ ನಿಮಗೆ ಹೆಚ್ಚಿನ ಲಾಭ ಅಥವಾ ಮೊತ್ತವನ್ನು ನೀಡುತ್ತದೆ ಎಂಬುದನ್ನು ತಿಳಿಯುವುದು ಕೂಡ ಮುಖ್ಯವಾಗಿದೆ. ನಿಮಗೆ 30 ವರ್ಷ ವಯಸ್ಸಾಗಿದೆ ಎಂದು ಭಾವಿಸೋಣ, ಮುಂದಿನ 30 ವರ್ಷಗಳವರೆಗೆ ನೀವು ಹೂಡಿಕೆ ಮಾಡಲು ಬಯಸುತ್ತೀರಿ ಎಂದಾದರೆ 60 ವರ್ಷ ವಯಸ್ಸಾದಾಗ ಒಂದು ದೊಡ್ಡ ಮೊತ್ತ ನಿಮ್ಮ ಕೈ ಸೇರುತ್ತದೆ. ಇದರಿಂದ ನಿಮ್ಮ ವೃದ್ಧಾಪ್ಯ ಸುಖ ಮಯವಾಗಿರುತ್ತದೆ.
| ವಯಸ್ಸು | 30 ವರ್ಷ |
| ಹೂಡಿಕೆ ಅವಧಿ | 30 ವರ್ಷಗಳು |
| ಪ್ರತಿ ತಿಂಗಳ ಹೂಡಿಕೆ | 3000 ರೂಪಾಯಿ |
| ವಾರ್ಷಿಕ ಆದಾಯ | 7.1% ನಷ್ಟು |
| ಒಟ್ಟು ಹೂಡಿಕೆ | 10.80 ಲಕ್ಷ |
| ಮುಕ್ತಾಯ ಮೌಲ್ಯ | 37.08 ಲಕ್ಷ |
ನೀವು ಮಾಸಿಕ ಪಿಪಿಎಫ್‌ನಲ್ಲಿ 3000 ರೂಪಾಯಿಗಳನ್ನು ಹಾಕಿದರೆ, ಅಂದರೆ ವರ್ಷಕ್ಕೆ 36000 ರೂಪಾಯಿಗಳನ್ನು ಹೂಡಿಕೆ ಮಾಡುತ್ತೀರಿ ಎಂದು ಭಾವಿಸೋಣ. ನೀವು ಈ ಹೂಡಿಕೆಯನ್ನು 30 ವರ್ಷಗಳವರೆಗೆ ಮುಂದುವರಿಸಿದರೆ, ಪ್ರಸ್ತುತ 7.1 ಶೇಕಡಾ ಬಡ್ಡಿದರದಲ್ಲಿ 30 ವರ್ಷಗಳ ನಂತರ 37,08,219 ರೂ. ನಿಮ್ಮ ಕೈ ಸೇರಲಿದೆ.
ಇದನ್ನೂ ಓದಿ - PPF, Sukanya Samridhi, NSC ಮೇಲಿನ ಬಡ್ಡಿಯಲ್ಲಿ ಕಡಿತ ; ಜುಲೈ ಒಂದರಿಂದ ಜಾರಿಯಾಗಲಿದೆ ಹೊಸದರ
| ವಯಸ್ಸು | 30 ವರ್ಷ |
| ಹೂಡಿಕೆ ಅವಧಿ | 30 ವರ್ಷಗಳು |
| ಮಾಸಿಕ ಹೂಡಿಕೆ | 3000 ರೂಪಾಯಿ |
| ಅಂದಾಜು ಆದಾಯ | 8.0% |
| ಒಟ್ಟು ಹೂಡಿಕೆ | 10.80 ಲಕ್ಷ |
| ಮುಕ್ತಾಯ ಮೌಲ್ಯ | 44.52 ಲಕ್ಷ |
ಈ ಮೆಚ್ಯೂರಿಟಿ ಮೌಲ್ಯದ 40% ಅನ್ನು ನೀವು ವರ್ಷಾಶನದಲ್ಲಿ ಇಟ್ಟರೆ, ಅಂದರೆ, ನೀವು 17.81 ಲಕ್ಷವನ್ನು ವರ್ಷಾಶನದಲ್ಲಿ ಇಟ್ಟರೆ, ನಿಮ್ಮ ಒಟ್ಟು ಮೊತ್ತವು 26.71 ಲಕ್ಷ ರೂ. ಮತ್ತು ಮಾಸಿಕ ಪಿಂಚಣಿ 11,874 ರೂ. ಇದರಲ್ಲಿ ಹೂಡಿಕೆದಾರರು ವರ್ಷಾಶನದ ಮೇಲೆ 8% ಅಂದಾಜು ಲಾಭವನ್ನು ಪಡೆದುಕೊಳ್ಳುತ್ತಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
