ನವದೆಹಲಿ: LPG Booking- ಎಲ್‌ಪಿಜಿ ಸಿಲಿಂಡರ್‌ಗಳ ಬುಕಿಂಗ್‌ಗೆ ಸಂಬಂಧಿಸಿದಂತೆ ಶೀಘ್ರದಲ್ಲೇ ಹೊಸ ನಿಯಮ ಜಾರಿಗೆ ಬರುವ ನಿರೀಕ್ಷೆಯಿದೆ. ಈಗ ನೀವು ನಿಮ್ಮ ಸ್ವಂತ ಅನಿಲ ಏಜೆನ್ಸಿಯಿಂದಲೇ ಅನಿಲವನ್ನು ಕಾಯ್ದಿರಿಸುವ ಅಗತ್ಯವಿಲ್ಲ. ಅಂದರೆ ಅಗತ್ಯವಿದ್ದಾಗ ನೀವು ಇತರ ಅನಿಲ ಏಜೆನ್ಸಿಯಿಂದ ಗ್ಯಾಸ್ ಬುಕ್ ಮಾಡಲು ಸಹ ಸಾಧ್ಯವಾಗುತ್ತದೆ. ವಾಸ್ತವವಾಗಿ ಕಳೆದ ವರ್ಷ, 1 ನವೆಂಬರ್ 2020 ರಿಂದ ಎಲ್‌ಪಿಜಿ ಸಿಲಿಂಡರ್‌ಗಳ ಬುಕಿಂಗ್‌ಗೆ ಸಂಬಂಧಿಸಿದಂತೆ ಕೆಲವು ಬದಲಾವಣೆಗಳನ್ನು ಜಾರಿಗೆ ತರಲಾಯಿತು. ಇದರಲ್ಲಿ ಗ್ಯಾಸ್ ಸಿಲಿಂಡರ್ ಬುಕಿಂಗ್ ಒಟಿಪಿ ಆಧಾರಿತವಾಗಿದೆ, ಇದರಿಂದಾಗಿ ಬುಕಿಂಗ್ ವ್ಯವಸ್ಥೆಯು ಹೆಚ್ಚು ಸುರಕ್ಷಿತ ಮತ್ತು ಉತ್ತಮವಾಗಿರುತ್ತದೆ. ಈಗ ಮತ್ತೊಮ್ಮೆ, ಎಲ್‌ಪಿಜಿ ಬುಕಿಂಗ್ ಮತ್ತು ವಿತರಣಾ ವ್ಯವಸ್ಥೆಯನ್ನು ಹೆಚ್ಚು ಸುಲಭಗೊಳಿಸಲು ಸಿದ್ಧತೆಗಳನ್ನು ಮಾಡಲಾಗುತ್ತಿದೆ.
ಎಲ್‌ಪಿಜಿ ಬುಕಿಂಗ್ ನಿಯಮಗಳನ್ನು ಬದಲಾಯಿಸಲು ಸಿದ್ಧತೆ:
ಎಲ್‌ಪಿಜಿ ಸಿಲಿಂಡರ್ (LPG Cylinder) ಬುಕಿಂಗ್‌ನ ಸಂಪೂರ್ಣ ಪ್ರಕ್ರಿಯೆಯನ್ನು ಸುಲಭ ಮತ್ತು ವೇಗವಾಗಿ ಮಾಡುವ ನಿಟ್ಟಿನಲ್ಲಿ ಸರ್ಕಾರ ಚಿಂತನೆ ನಡೆಸಿದೆ. ಎಲ್‌ಪಿಜಿ ರೀಫಿಲ್ ಗಾಗಿ ಗ್ರಾಹಕರು ತಮ್ಮದೇ ಆದ ಅನಿಲ ಏಜೆನ್ಸಿಯನ್ನು ಅವಲಂಬಿಸಬಾರದು ಎಂಬ ವಿಷಯವನ್ನು ಸರ್ಕಾರ ಮತ್ತು ತೈಲ ಕಂಪನಿಗಳು ಗಂಭೀರವಾಗಿ ಪರಿಗಣಿಸುತ್ತಿವೆ. ಅರ್ಥಾತ್ ಗ್ರಾಹಕರು ಗ್ಯಾಸ್ ರೀಫಿಲ್ ಗಾಗಿ ತಮ್ಮ ಎಜೆನ್ಸಿಯನ್ನೇ ಅವಲಂಬಿಸದೆ ಹತ್ತಿರದ ಬೇರೆ ಏಜೆನ್ಸಿ ಮೂಲಕವೂ ಎಲ್‌ಪಿಜಿ ಸಿಲಿಂಡರ್ ಅನ್ನು ರೀಫಿಲ್ ಮಾಡಲು ಅನುಕೂಲವಾಗುವಂತೆ ಕ್ರಮ ಕೈಗೊಳ್ಳಲಾಗುತ್ತಿದೆ.
ಇದನ್ನೂ ಓದಿ- Free LPG Cylinder: ಯಾವುದೇ ಪುರಾವೆಯಿಲ್ಲದೆ ಎಲ್‌ಪಿಜಿ ಸಿಲಿಂಡರ್‌ಗಳನ್ನು ಫ್ರೀ ಆಗಿ ಪಡೆಯಲು ಇದು ಸುಲಭ ಮಾರ್ಗ
ಯಾವುದೇ ಏಜೆನ್ಸಿಯಿಂದ ಎಲ್‌ಪಿಜಿ ರೀಫಿಲ್ ಪಡೆಯಲು ಸಾಧ್ಯವಾಗುತ್ತದೆಯೇ?
ವಾಸ್ತವವಾಗಿ ಹಲವು ವೇಳೆ ಗ್ರಾಹಕರು ತಮ್ಮ ಸ್ವಂತ ಅನಿಲ ಏಜೆನ್ಸಿಯಿಂದ ಗ್ಯಾಸ್ ಬುಕಿಂಗ್ (Gas Booking) ಮಾಡಿದ ನಂತರ ರೀಫಿಲ್ ಗಾಗಿ ಬಹಳ ಸಮಯ ಕಾಯಬೇಕಾಗುತ್ತದೆ. ಅನಿಲ ಸಂಸ್ಥೆಯು ಗ್ರಾಹಕರ ಮನೆಯಿಂದ ದೂರವಿರುವುದು ಅಥವಾ ಇದಕ್ಕೆ ಬೇರೆ ಯಾವುದೇ ಕಾರಣದಿಂದ ಅನಿಲ ವಿತರಣೆಯಲ್ಲಿ ವಿಳಂಬವಾಗಬಹುದು. ಇಂತಹ ಸಂದರ್ಭದಲ್ಲಿ ಯಾವುದೇ ಅನಿಲ ಏಜೆನ್ಸಿಯಿಂದ ಸಿಲಿಂಡರ್ ಪಡೆಯಲು ಸಾಧ್ಯವಾಗುವಂತೆ ವ್ಯವಸ್ಥೆ ಮಾಡಲು ಸಿದ್ಧತೆ ನಡೆಸಲಾಗಿದೆ.
ಇದನ್ನೂ ಓದಿ- LPG Subsidy ಬರುತ್ತಿಲ್ಲವೇ? ಸಬ್ಸಿಡಿ ಪಡೆಯಲು ಇದು ಸುಲಭ ಮಾರ್ಗ
ಅಂದರೆ, ಗ್ರಾಹಕನು ಐಒಸಿ ಸಿಲಿಂಡರ್ ಹೊಂದಿದ್ದರೆ, ಅವನು ಅದನ್ನು ಬಿಪಿಸಿಎಲ್‌ನೊಂದಿಗೆ ಪುನಃ ತುಂಬಿಸಬಹುದು. ಇಂಡಿಯನ್ ಆಯಿಲ್ (ಐಒಸಿ), ಭಾರತ್ ಪೆಟ್ರೋಲಿಯಂ (ಬಿಪಿಸಿಎಲ್) ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ (ಎಚ್‌ಪಿಸಿಎಲ್) ಈ ಮೂರು ಕಂಪನಿಗಳು ಇದಕ್ಕಾಗಿ ವಿಶೇಷ ವೇದಿಕೆಯನ್ನು ರೂಪಿಸುತ್ತಿವೆ. ಈ ನಿಟ್ಟಿನಲ್ಲಿ ತೈಲ ಕಂಪನಿಗಳಿಗೆ ಸರ್ಕಾರ ಸೂಚನೆಗಳನ್ನು ಸಹ ನೀಡಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
