7th Pay commission: ಸರ್ಕಾರಿ ನೌಕರರಿಗೆ ಭರ್ಜರಿ ಗಿಫ್ಟ್ ! ಡಿಎಯಲ್ಲಿ ಶೇ.13ರಷ್ಟು ಹೆಚ್ಚಳ, ಖಾತೆಗೆ ಬಿತ್ತು 3 ತಿಂಗಳ ಬಾಕಿ ಹಣ

ಬೆಂಗಳೂರು : 7th Pay commission : ಕೇಂದ್ರ ಸರ್ಕಾರಿ ನೌಕರರಿಗೆ ಸರ್ಕಾರ ಬಂಪರ್ ಗಿಫ್ಟ್ ನೀಡಿದೆ. 7ನೇ ವೇತನ ಆಯೋಗದ ಅಡಿಯಲ್ಲಿ ತುಟ್ಟಿಭತ್ಯೆಯನ್ನು ಶೇ.3ರಷ್ಟು ಹೆಚ್ಚಿಸಿದ್ದು, 5 ಮತ್ತು 6ನೇ ವೇತನ ಆಯೋಗದ ನೌಕರರಿಗೂ ಸರಕಾರ ಉಡುಗೊರೆ ನೀಡಿದೆ. 

 ಈ ನೌಕರರ ಡಿಎಯನ್ನು ಶೇ.13ರಷ್ಟು ಹೆಚ್ಚಿಸಲಾಗಿದೆ. ಅಂದರೆ ಈಗ ಈ ನೌಕರರಿಗೂ ಉಳಿದ ಕೇಂದ್ರ ನೌಕರರಿಗೆ ನೀಡುವಂತೆ ತುಟ್ಟಿಭತ್ಯೆ ನೀಡಲಾಗುತ್ತಿದೆ. ವಾಸ್ತವವಾಗಿ, ಕೇಂದ್ರ ನೌಕರರಲ್ಲಿ ಇಂತಹ ಅನೇಕ ಉದ್ಯೋಗಿಗಳು ಇಲ್ಲಿಯವರೆಗೆ 7 ನೇ ವೇತನ ಆಯೋಗದ ಪ್ರಯೋಜನವನ್ನು ಪಡೆಯುತ್ತಿಲ್ಲ. ಅಂತಹ ನೌಕರರ ವೇತನವನ್ನು ಹೆಚ್ಚಿಸಲು ಸರ್ಕಾರ ಈ ಕ್ರಮ ಕೈಗೊಂಡಿದೆ. ಈ ತಿಂಗಳ ನೌಕರರ ಖಾತೆಯಲ್ಲಿ ಹೊಸ ತುಟ್ಟಿಭತ್ಯೆ ಕ್ರೆಡಿಟ್ ಕೂಡ ಪ್ರಾರಂಭವಾಗಿದೆ.

ಇದನ್ನೂ ಓದಿ : PM Kisan Update: ಪಿಎಂ ಕಿಸಾನ್ ಯೋಜನೆಯ 11 ನೇ ಕಂತು ಬಿಡುಗಡೆ ಮಾಡಿದ ಪ್ರಧಾನಿ ಮೋದಿ

ನಿರ್ಧಾರ ಕೈಗೊಂಡಿರುವ ಸಚಿವಾಲಯ : 
ಹಣಕಾಸು ಸಚಿವಾಲಯದ ಪ್ರಕಾರ, '5 ನೇ ವೇತನ ಆಯೋಗದ ಅಡಿಯಲ್ಲಿ ವೇತನ ಪಡೆಯುವ ನೌಕರರ ಡಿಎ 381 ಪ್ರತಿಶತಕ್ಕೆ  ಏರುತ್ತದೆ. ಆದರೆ 6 ನೇ ವೇತನ ಆಯೋಗದ ಅಡಿಯಲ್ಲಿ ಕೆಲಸ ಮಾಡುವ ನೌಕರರ ಡಿಎಯನ್ನು 196 ರಿಂದ ಶೇಕಡಾ 203 ಕ್ಕೆ ಹೆಚ್ಚಿಸಲಾಗಿದೆ. ಅಂದರೆ ಶೇ.7ರಷ್ಟು ಏರಿಕೆಯಾಗಿದೆ. ಈ ಉದ್ಯೋಗಿಗಳಿಗೆ ಹೆಚ್ಚಿದ ಡಿಎ ಪ್ರಯೋಜನವನ್ನು ಜನವರಿ 2022 ರಿಂದ ಜಾರಿಗೆ ತರಲಾಗಿದೆ. ಈ ನೌಕರರಿಗೂ 3 ತಿಂಗಳ ಬಾಕಿ ವೇತನ ನೀಡಲಾಗುತ್ತಿದೆ.

ನೌಕರರಿಗೆ 7ನೇ ವೇತನದ ಪ್ರಯೋಜನ ಸಿಗುತ್ತಿಲ್ಲ  : 
ಇಲ್ಲಿಯವರೆಗೆ ಈ ಉದ್ಯೋಗಿಗಳು 7 ನೇ ವೇತನ ಆಯೋಗದ ಪ್ರಯೋಜನವನ್ನು ಪಡೆಯುತ್ತಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ. ಕೇಂದ್ರ ಇಲಾಖೆಗಳಲ್ಲಿ ಅಥವಾ ಸ್ವಾಯತ್ತ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಕೆಲವು ನೌಕರರನ್ನು ಇನ್ನೂ 7ನೇ ವೇತನ ಆಯೋಗಕ್ಕೆ ಸೇರಿಸಿಲ್ಲ. ಆದರೆ ಹಣಕಾಸು ಸಚಿವಾಲಯದ ಈ ಘೋಷಣೆಯ ನಂತರ, 5 ಮತ್ತು 6 ನೇ ವೇತನ ಆಯೋಗಗಳ ಶಿಫಾರಸುಗಳ ಅಡಿಯಲ್ಲಿ ಕೆಲಸ ಮಾಡುವ ಈ ನೌಕರರು 7 ರಿಂದ 13 ರಷ್ಟು ಡಿಎ ಲಾಭವನ್ನು ಏಕರೂಪದಲ್ಲಿ ಪಡೆಯಲು ಪ್ರಾರಂಭಿಸಿದ್ದಾರೆ. ಈ ಘೋಷಣೆಯೊಂದಿಗೆ ಉದ್ಯೋಗಿಗಳ ಸಂಬಳದಲ್ಲೂ ಬಂಪರ್ ಹೆಚ್ಚಳವಾಗಿದೆ.

 ಇದನ್ನೂ ಓದಿ : Banking: ಜೂನ್ ತಿಂಗಳಿನಲ್ಲಿ ಒಂದು ವಾರಕ್ಕೂ ಹೆಚ್ಚು ಕಾಲ ಬ್ಯಾಂಕ್ ಗಳು ಬಂದ್ ಇರಲಿವೆ

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.