Mrityu Panchak: ଫେବୃଆରୀରେ ପଡ଼ୁଛି ମୃତ୍ୟୁ ପଞ୍ଚକ: ସତର୍କ ରୁହନ୍ତୁ, ନହେଲେ ହୋଇପାରେ ବଡ଼ କ୍ଷତି

Mrityu Panchak: ନୂଆଦିଲ୍ଲୀ: ହିନ୍ଦୁ କ୍ୟାଲେଣ୍ଡର ଅନୁଯାୟୀ, ବର୍ଷର ୧୨ ମାସରେ ପାଞ୍ଚ ଦିନ ଅଛି, ଯାହା ଅପ୍ରାକୃତିକ ବୋଲି ବିବେଚନା କରାଯାଏ। ସେହି ପାଞ୍ଚ ଦିନ ମଧ୍ୟରେ କୌଣସି ଶୁଭ କାର୍ଯ୍ୟ କରିବା ନିଷେଧ ବୋଲି ଧରାଯାଏ। ମାସର ସେହି ପାଞ୍ଚ ଦିନକୁ ପଞ୍ଚକ କୁହାଯାଏ। ଧାର୍ମିକ ବିଶ୍ୱାସ ଅନୁଯାୟୀ, ପଞ୍ଚକ ସମୟରେ ସମସ୍ତ ପ୍ରକାର ଶୁଭ କାମ କରିବା ନିଷେଧ। ଜ୍ୟୋତିଷ ଶାସ୍ତ୍ର ଅନୁଯାୟୀ ପଞ୍ଚକ ଅତ୍ୟନ୍ତ ବିପଜ୍ଜନକ ବୋଲି ବିବେଚନା କରାଯାଏ। ଶାସ୍ତ୍ରରେ ଏହା ମୃତ୍ୟୁ ପଞ୍ଚକ ନାମରେ ମଧ୍ୟ ଜଣାଯାଇଥାଏ। ଫେବୃଆର ମାସରେ ମୃତ୍ୟୁ ପଞ୍ଚକ କେବେ ପଡ଼ୁଛି ଏହି ରିପୋର୍ଟରେ ଜାଣିବା।

କେବେଠାରୁ ଆରମ୍ଭ ହେଉଛି ପଞ୍ଚକ
ହିନ୍ଦୁ ପଞ୍ଚକ ଅନୁସାରେ ବର୍ଷ ୨୦୨୪ରେ ୧୦ ଫେବୃଆରୀ ଶନିବାର ଠାରୁ ଆରମ୍ଭ ହେବ। ୧୦ ଫେବୃଆରୀ ସକାଳ ୧୦ଟା ବାଜି ୨ମିନିଟରୁ ଆରମ୍ଭ ହେବ। ୧୪ ଫେବୃଆରୀ ବୁଧବରା ସକାଳ ୧୦.୪୩ ମିନିଟରେ ଏହି ମୃତ୍ୟୁ ପଞ୍ଚକ ଶେଷ ହେବ। 

ପଞ୍ଚ ସମୟରେ ରୁହନ୍ତୁ ସତର୍କ
ବୈଦିକ ଜ୍ୟୋତିଷ ଶାସ୍ତ୍ର ଅନୁଯାୟୀ ଏହି ସମୟରେ ଘର ନିର୍ମାଣ କରିବା ଘାତକ ସାଜିପାରେ। ଏପରିକି କୌଣସି ଆସବାବପତ୍ର ମଧ୍ୟ ନିର୍ବାଣ କରିବାକୁ ବାରଣ କରାଯାଇଛି। ଏହି ପଞ୍ଚକ ସମୟରେ ଏକ ଖଟ ନିର୍ମାଣ କରାଯିବା ଉଚିତ ନୁହେଁ। ଶାସ୍ତ୍ର ଅନୁଯାୟୀ, ପଞ୍ଚକ ସମୟରେ ଦକ୍ଷିଣ ଦିଗକୁ ଯାତ୍ରା କରିବା ନିଷେଧ। କାରଣ ଏହା କରିବା ବ୍ୟକ୍ତିଙ୍କ ଉପରେ ଖରାପ ପ୍ରଭାବ ପକାଇବା ଆରମ୍ଭ କରେ। ସେହିପରି ବ୍ୟକ୍ତିଙ୍କ ପାଇଁ ଦୁର୍ଘଟଣାର ଆଶଙ୍କା ବଢିଥାଏ।

ପଞ୍ଚକ ସମୟରେ ମୃତ୍ୟୁ ହେଲେ କଣ କରିବେ
ଜ୍ୟୋତିଷ ଶାସ୍ତ୍ରରେ ଯେତେବେଳେ ଏହି ପଞ୍ଚକ ସମୟରେ ମୃତ୍ୟୁ ହୋଇଗଲେ ଅନ୍ତିମ ସଂସ୍କାର ପୂର୍ବରୁ କିଛି କ୍ରିୟା କର୍ମ କରିବାକୁ ହେବ। କୁହାଯାଏ କି ଶବ ସହିତ ଅଟାରେ ୫ଟି କଣ୍ଢେଇ ପ୍ରସ୍ତୁତ କରି ବିଧିବିଧାନରେ ପୂଜା କରିବାର ଆବଶ୍ୟକ ରହିଛି। ଏହା ପରେ ଅନ୍ତିମ ସଂସ୍କାର ସମୟରେ ଏଭଳି ପୂଜାର୍ଚ୍ଚନା କରିବା ଆବଶ୍ୟକ ବୋଲି ଶାସ୍ତ୍ରରେ ଲେଖାଯାଇଛି। ମାନ୍ୟତା ଅନୁସାରେ ଯଦି କେହି ଏଭଳି ନ କରନ୍ତି, ତେବେ ପରିବାର ଉପରେ ବିପଦ ଦେଖାଦେଇପାରେ। ଏପରିକି ଦୁର୍ଘଟଣା ସମୟରେ କାହାର ମୃତ୍ୟୁ ହେବା ଭଳି ବିପଦ ମଧ୍ୟ ଆସିପାରେ ବୋଲି ଶାସ୍ତ୍ରରେ ଲେଖାଯାଇଛି। 

Disclaimer: ଏଠାରେ ଦିଆଯାଇଥିବା ସୂଚନା ଜ୍ୟୋତିଷ ଶାସ୍ତ୍ର ଉପରେ ଆଧାରିତ ଏବଂ କେବଳ ସୂଚନା ପାଇଁ ଦିଆଯାଉଛି। ZEE Odisha News ଏହାକୁ ନିଶ୍ଚିତ କରେ ନାହିଁ। କୌଣସି ସମାଧାନ ସମ୍ପର୍କିତ ପଦକ୍ଷେପ ଗ୍ରହଣ କରିବା ପୂର୍ବରୁ, ନିଶ୍ଚିତ ଭାବରେ ସମ୍ପୃକ୍ତ ବିଷୟର ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।