Earthquake: ନେପାଳ ଓ ଉତ୍ତର ଭାରତରେ ଭୂମିକମ୍ପ

Earthquake: ନୂଆଦିଲ୍ଲୀ: ମଙ୍ଗଳବାର ସକାଳେ ଦେଶର ଅନେକ ସ୍ଥାନରେ ଭୂମିକମ୍ପ ଅନୁଭୂତ ହୋଇଥିଲା। ଉତ୍ତରପ୍ରଦେଶ, ବିହାରରୁ ଦିଲ୍ଲୀ ପର୍ଯ୍ୟନ୍ତ ଭୂକମ୍ପ ଅନୁଭବ କରିଥିଲେ। ଏହି ଭୂକମ୍ପର କେନ୍ଦ୍ରସ୍ଥଳ ନେପାଳ ସୀମା ନିକଟରେ ତିବ୍ଦତରେ ବୋଲି କୁହାଯାଉଛି। ଯେଉଁଠାରେ ଏହାର ତୀବ୍ରତା ରିକ୍ଟର ସ୍କେଲରେ ୭.୧ ରହିଥିବା ଜଣାପଡିଛି। ନ୍ୟାସନାଲ ସେଣ୍ଟର ଫର ସିସମୋଲୋଜି ଅନୁଯାୟୀ, ଜାନୁଆରୀ ୭ ମଙ୍ଗଳବାର ସକାଳ ପ୍ରାୟ ସାଢେ ୬ଟା ସମୟରେ  ଭୂକମ୍ପ ଅନୁଭୂତ ହୋଇଥିଲା। ଏହାର କେନ୍ଦ୍ରସ୍ଥଳ ତିବ୍ଦତର ଶିଜେଙ୍ଗ ଅଞ୍ଚଳ ରହିଥିଲା। ଭୂକମ୍ପର ପ୍ରଭାବ ସମ୍ପର୍କରେ ନ୍ୟୁଜ୍ ଏଜେନ୍ସି ANI କିଛି ଭିଡିଓ ଫୁଟେଜ୍ ପ୍ରକାଶ କରିଛି। ଏହି ଅନୁଯାୟୀ, ବିହାରର ଶୋହରରେ ଭୂକମ୍ପ ଅନୁଭୂତ ହୋଇଥିଲା। ଭିଡିଓରେ କୋଠରୀରେ ଥିବା ଚାନ୍ଦିର ଲାଇଟ୍ ଏବଂ ଫ୍ୟାନ ଗୁଡିକ ହଲୁଥିବାର ଦେଖିବାକୁ ମିଳିଥିଲା। 

Wow! Check out this time clip from a Khumjung, #Nepal Live Cam moments ago as a 7.0 #Earthquake hits the area.  #NepalEarthquake (watch the pool ) pic.twitter.com/K0PHlQ1qvu

— LiveCamChaser (@LiveCamChaser) January 7, 2025

ଏହି ଭୂକମ୍ପ ଆସିବା ପରେ ଲୋକଙ୍କ ଜୀବନ ବଞ୍ଚାଇଭାକୁ ଘରୁ ବାହାରି ଆସିଛନ୍ତି। ଗଛ ଏବଂ ଏହାର ଆଖପାଖ ବସ୍ତୁଗୁଡ଼ିକ ହଲୁଥିବାର ଭିଡିଓରେ ଦେଖିବାକୁ ମିଳିଛି।  ସୋମବାର ସକାଳେ ମହାରାଷ୍ଟ୍ରର ପାଲଘର ଜିଲ୍ଲାରେ ୩.୭ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିବା ଜଣାପଡିଛି। କୌଣସି କ୍ଷୟକ୍ଷତି କିମ୍ବା ସମ୍ପତ୍ତି ନଷ୍ଟ ହେବାର ଖବର ସାମ୍ନାକୁ ଆସିନାହିଁ। ଜିଲ୍ଲା ବିପର୍ଯ୍ୟୟ ପରିଚାଳନା ସେଲ୍ ମୁଖ୍ୟ ବିବେକାନନ୍ଦ କଦାମ କହିଛନ୍ତି ଯେ ସକାଳ ୪.୩୫ରେ ଦାହାନୁ ତାଲୁକାରେ ଏହି ଭୂକମ୍ପ ଘଟିଛି। ସେ କହିଛନ୍ତି ଯେ ତାଲୁକର ବୋର୍ଡି, ଡାପଚାରି ଏବଂ ତାଲାସରୀ ଅଞ୍ଚଳର ଲୋକମାନେ ସକାଳେ ଭୂକମ୍ପର କମ୍ପନ ଅନୁଭବ କରିଥିଲେ।

Wow! Here's another look at the now Upgraded M7.1 #Earthquake from a Khumjung, #Nepal Live Cam moments ago. #NepalEarthquake pic.twitter.com/qtVklIJa8e

— LiveCamChaser (@LiveCamChaser) January 7, 2025

Visuals of earthquake in Bihar.#Earthquake pic.twitter.com/lFrfHk2XJ0

— Vani Mehrotra (@vani_mehrotra) January 7, 2025

ଜାନୁଆରୀ ୨ରେ ନେପାଳରେ ୪.୮ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ରାଜଧାନୀ କାଠମାଣ୍ଡୁ ଏବଂ ପଡୋଶୀ ଜିଲ୍ଲାରେ କମ୍ପନ ଅନୁଭୂତ ହୋଇଥିଲା। ଜାତୀୟ ଭୂକମ୍ପ ଅନୁସନ୍ଧାନ କେନ୍ଦ୍ର ଅନୁଯାୟୀ, ଅପରାହ୍ନ ଗୋଟାଏ ବେଳେ ୪.୮ ମ୍ୟାଗ୍ନିଚ୍ୟୁଡରେ ଏହି ଭୂକମ୍ପ ଘଟିଛି। ଏହାର କେନ୍ଦ୍ର କାଠମାଣ୍ଡୁର ୭୦ କିଲୋମିଟର ଉତ୍ତରରେ ଥିବା ସିନ୍ଧୁପାଲଚୋକ୍ ଜିଲ୍ଲାରେ ଅବସ୍ଥିତ। କାଠମାଣ୍ଡୁ ଏବଂ ପଡୋଶୀ ଜିଲ୍ଲାରେ ହୋଇଥିବା ଭୂକମ୍ପରେ ଲୋକମାନେ କମ୍ପନ ଅନୁଭବ କରିଥିଲେ। ତେବେ ଭୂକମ୍ପ ଯୋଗୁଁ କୌଣସି କ୍ଷୟକ୍ଷତି ସମ୍ପର୍କରେ ତୁରନ୍ତ ଖବର ମିଳିନାହିଁ। NSRC ରେକର୍ଡ ଅନୁଯାୟୀ, ନେପାଳରେ ଏହା ତିନିରୁ ଅଧିକ ମ୍ୟାଗ୍ନିଚ୍ୟୁଡର ନବମ ଭୂକମ୍ପ ଥିଲା, ଯାହା ମଧ୍ୟରୁ ଆଠଟି ପଶ୍ଚିମ ନେପାଳରେ ଗତ ୨୦ ଦିନ ମଧ୍ୟରେ ଘଟିଥିଲା।