Salary Hike: ଭଲ ଖବର! ୨୦୨୨ ତୁଳନାରେ ଆପଣଙ୍କର ଅଧିକ ବୃଦ୍ଧି ହେବାକୁ ଯାଉଛି ୨୦୨୩ ବର୍ଷର ଦରମା

Salary Hike In 2023: ଯଦିଓ ବର୍ତ୍ତମାନ ବିଶ୍ୱ ଆର୍ଥୀକ ସଙ୍କଟ ଦେଇ ଗତି କରୁଛି, ତଥାପି ୨୦୨୩ ରେ କର୍ପୋରେଟ୍ ଜଗତ ସାମ୍ନାରେ ଅନେକ ଆହ୍ୱାନ ରହିଛି । ଏସବୁ ବଡ଼ ଆହ୍ୱାନ ସତ୍ତ୍ୱେ ଭାରତୀୟ କର୍ପୋରେଟ୍ ଜଗତ ୨୦୨୨ ତୁଳନାରେ ୨୦୨୩ ମସିହାରେ କର୍ମଚାରୀଙ୍କ ବେତନ ଅଧିକ ବୃଦ୍ଧି କରିବାକୁ ପ୍ରସ୍ତୁତ ହେଉଛି । ଏକ ସର୍ଭେ ଅନୁଯାୟୀ, ଯେଉଁଠାରେ ୨୦୨୨ ରେ ହାରାହାରି ବେତନ ୯.୨ ପ୍ରତିଶତ ବୃଦ୍ଧି ପାଇଥିଲା, କିନ୍ତୁ ୨୦୨୩ ରେ ଏହା ୯.୮ ପ୍ରତିଶତ ବୃଦ୍ଧି ହେବାର ଆଶା କରାଯାଉଛି ଓ ଅଧିକ ପ୍ରତିଭାବାନ ବ୍ୟକ୍ତି ମଧ୍ୟ ସେମାନଙ୍କ ଦରମା ବୃଦ୍ଧି ଦେଖିପାରିବେ ।

କର୍ଣ୍ଣ ଫେରିର ଲଟେଷ୍ଟ ସର୍ଭେ ଅନୁଯାୟୀ, ଅଧିକ ପ୍ରତିଭାବାନ ବ୍ୟକ୍ତି କମ୍ପାନୀ ଛାଡି ଅନ୍ୟତ୍ର ଯିବା ଉଚିତ ନୁହେଁ । ଏଥିପାଇଁ କମ୍ପାନୀଗୁଡିକ ବିଭିନ୍ନ ପ୍ରକାରର ପ୍ରତିଭା ପରିଚାଳନା ପଦକ୍ଷେପ ଓ ଆନୁଷ୍ଠାନିକ ଧାରଣ ଏବଂ ଅଧିକ ବେତନ ଦେଇ ଉଚ୍ଚ ପ୍ରଦର୍ଶନକାରୀ କର୍ମଚାରୀଙ୍କୁ ଅଟକାଇବାକୁ ଚେଷ୍ଟା କରୁଛନ୍ତି । ଏହି ସର୍ଭେ ୮୧୮ କମ୍ପାନୀକୁ ନେଇ କରଯାଇଥିଲା, ଯାହାକୁ ନେଇ ବିଶ୍ୱାସ କରାଯାଉଛି ଯେ ୨୦୨୩ ମସିହାରେ ହାରାହାରି ବେତନ ୯.୮ ପ୍ରତିଶତ ବୃଦ୍ଧି ହୋଇପାରେ । ୨୦୨୦ ରେ କୋରୋନା ଅବଧିରେ, କର୍ମଚାରୀଙ୍କ ହାରାହାରି ଦରମା ମାତ୍ର ୬.୮ ପ୍ରତିଶତ ବୃଦ୍ଧି କରାଯାଇଥିଲା ।

ସର୍ଭେ ଅନୁଯାୟୀ, ଲାଇଫ ସାଇନ୍ସ ଓ ହେଲ୍ଥ ସର୍ଭିସ ୧୦.୨ ପ୍ରତିଶତ ଓ ହାଇ ଟେକ୍ନୋଲୋଜି କ୍ଷେତ୍ରରେ ୧୦.୪ ପ୍ରତିଶତ ହାରାହାରି ଦରମା ବୃଦ୍ଧି ଦେଖିବାକୁ ମିଳିପାରେ । ଏହା ବ୍ୟତୀତ ସର୍ଭିସରେ ହାରାହାରି ବେତନ ବୃଦ୍ଧି ୯.୮ ପ୍ରତିଶତ, ଅଟୋମୋବାଇଲରେ ୯ ପ୍ରତିଶତ, କେମିକାଲରେ ୯.୬ ପ୍ରତିଶତ, କଞ୍ଜୁମର ଗୁଡ୍ସରେ ୯.୮ ପ୍ରତିଶତ, ରିଟେଲ ଇଣ୍ଡଷ୍ଟ୍ରିରେ ୯ ପ୍ରତିଶତ ହେବ ବୋଲି ଆଶା କରାଯାଉଛି ।

କର୍ଣ୍ଣ ଫେରିର ଆଞ୍ଚଳିକ ପରିଚାଳନା ନିର୍ଦ୍ଦେଶକ ନବନୀତ ସିଂ କହିଛନ୍ତି ଯେ ସାରା ବିଶ୍ୱରେ ବିମୁଦ୍ରାକରଣ ଓ ବିଶ୍ୱ ଅର୍ଥନୈତିକ ସଙ୍କଟ ବିଷୟରେ ଆଲୋଚନା ହେଉଛି, କିନ୍ତୁ ଭାରତୀୟ ଅର୍ଥନୀତି ବିଷୟରେ ଏକ ସକାରାତ୍ମକ ଚିନ୍ତାଧାରା ରହିଛି ଯେ ଭାରତର ଜିଡିପି ୬ ପ୍ରତିଶତରୁ ଅଧିକ ହେବ ବୋଲି ଆକଳନ କରାଯାଇଛି । ସେ କହିଛନ୍ତି ଯେ ୧୫ ରୁ ୩୦ ପ୍ରତିଶତ ବେତନ ବୃଦ୍ଧି କମ୍ପାନୀଗୁଡିକର ଉଚ୍ଚ ପ୍ରତିଭା ବ୍ୟକ୍ତିଙ୍କ ବେତନରେ ଦେଖିବାକୁ ମିଳିପାରିବ ।

ସର୍ଭେ ଅନୁଯାୟୀ, ମାଇକ୍ରୋ-ଇକୋନୋମି ଦୃଷ୍ଟିକୋଣ ସକରାତ୍ମକ ରହିଛି, କିନ୍ତୁ କ୍ରମାଗତ ଭାବରେ ଗ୍ରାହକଙ୍କ ପସନ୍ଦ, ଡିଜିଟାଲ ପରିବର୍ତ୍ତନ, ଅଂଶଗ୍ରହଣ ବୃଦ୍ଧି ଯୋଗୁଁ ବ୍ୟବସାୟ ଉପରେ ନୂତନ ପ୍ରକାରର ଚାପ ବଢୁଛି । ଏହି ଚାପରେ ଆଗକୁ ବଢିବାକୁ ଓ ଚାହିଦାକୁ ସାମ୍ନା କରିବାକୁ କର୍ପୋରେଟରମାନଙ୍କୁ କର୍ମକ୍ଷେତ୍ରରେ ପରିବର୍ତ୍ତନ କରିବାକୁ ପଡିବ । ୬୦ ପ୍ରତିଶତ କମ୍ପାନୀ ସର୍ଭେରେ କହିଛନ୍ତି ଯେ ସେମାନେ ହାଇବ୍ରିଡ ମଡେଲ ଗ୍ରହଣ କରିଛନ୍ତି ।

ଏହା ବି ପଢ଼ନ୍ତୁ: Viral Old Bill: ୧୯୭୧ ମସିହାରେ ୫୦ ପଇସାରେ ମିଳୁଥିଲା ମସାଲା ଡୋସା ଓ କଫି, ତାହା ପୁଣି ଦିଲ୍ଲୀରେ! ବିଶ୍ୱାସ ନ ହେଉଥିଲେ ଦେଖନ୍ତୁ ବିଲ୍