Ravindra Jadeja: ଅଷ୍ଟ୍ରେଲିଆ ସିରିଜ୍ ପୂର୍ବରୁ ଜାଡେଜାଙ୍କ ପାଇଁ BCCI ରଖିଲା ଏହି ସର୍ତ୍ତ, କହିଲା-ଏହି କାମ କର ନଚେତ୍...

Ravindra Jadeja: ଫେବୃଆରୀରେ ବର୍ଡର-ଗାଭାସ୍କର ଟ୍ରଫି (Border Gavaskar Trophy) ପାଇଁ ଟିମ୍ ଇଣ୍ଡିଆ ଅଷ୍ଟ୍ରେଲିଆ ସହିତ ମୁହାଁମୁହିଁ (India vs Australia Test Series) ହେବ । ଏହି ସିରିଜର ଦୁଇଟି ଟେଷ୍ଟ ମ୍ୟାଚ୍ ପାଇଁ ଟିମ୍ ଇଣ୍ଡିଆ (Team India) ଘୋଷଣା ହୋଇସାରିଛି । ଫେବୃଆରୀ ୯ରେ ଭାରତ ନାଗପୁରରେ ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍ (IND vs AUS 1st Test) ଖେଳିବ । ରବିନ୍ଦ୍ର ଜାଡେଜା (Ravindra Jadeja) ମଧ୍ୟ ଦଳରେ ସ୍ଥାନ ପାଇଛନ୍ତି । ରବିନ୍ଦ୍ର ଜାଡେଜା ଏସିଆ କପ ୨୦୨୨ରେ ଆହତ ହୋଇଥିଲେ । ରବିନ୍ଦ୍ର ଜାଡେଜା ଆଣ୍ଠୁରେ ଆଘାତ ପାଇଥିଲେ । ଗତ ୫ ମାସ ଧରି ରବିନ୍ଦ୍ର ଜାଡେଜା ମଇଦାନରେ ମଧ୍ୟ ଦୃଶ୍ୟମାନ ହେଉନାହାଁନ୍ତି । 

ରବିନ୍ଦ୍ର ଜାଡେଜା (Ravindra Jadeja) ବାଂଲାଦେଶ ବିପକ୍ଷ ଟେଷ୍ଟ ସିରିଜରେ ସ୍ଥାନ ପାଇଥିଲେ । କିନ୍ତୁ ଏହାପୂର୍ବରୁ ସେ ବାହାର ହୋଇଯାଇଥିଲେ । ବର୍ତ୍ତମାନ ବର୍ଡର-ଗାଭାସ୍କର ସିରିଜର ଦୁଇଟି ଟେଷ୍ଟ ମ୍ୟାଚ୍ ପାଇଁ ତାଙ୍କୁ ଦଳରେ ସାମିଲ କରାଯାଇଛି । କିନ୍ତୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ବା ବିସିସିଆଇ (BCCI) ତାଙ୍କ ସାମ୍ନାରେ ଏକ ସର୍ତ୍ତ ରଖିଛି । ନାଗପୁର ଟେଷ୍ଟ ମ୍ୟାଚ୍ ପୂର୍ବରୁ ବିସିସିଆଇ ରବିନ୍ଦ୍ର ଜାଡେଜାଙ୍କ ସମ୍ମୁଖରେ ଏକ ସର୍ତ୍ତ ରଖିଛି ଯେ, ତାଙ୍କୁ ଅତି କମରେ ଗୋଟିଏ ଘରୋଇ ମ୍ୟାଚ୍ ଖେଳିବାକୁ ପଡ଼ିବ । 

ସୂଚନାନୁସାରେ, ବିସିସିଆଇ ରବିନ୍ଦ୍ର ଜାଡେଜା (Ravindra Jadeja) ଙ୍କୁ କହିଛି ଯେ, ତାଙ୍କୁ ଘରୋଇ ମ୍ୟାଚ୍ ଖେଳିବାକୁ ପଡ଼ିବ । ଯଦି ରବିନ୍ଦ୍ର ଜାଡେଜା (Ravindra Jadeja) ଫିଟ୍ ଅଛନ୍ତି, ତେବେ ମଧ୍ୟମ କ୍ରମରେ ବାମହାତୀ ବ୍ୟାଟ୍ସମ୍ୟାନଙ୍କ ଅଭାବ ପୂରଣ ହେବ ଓ ଭାରତୀୟ ଦଳ ୫ଟି ବୋଲରଙ୍କ ସହ ମଇଦାନକୁ ଓହ୍ଲାଇ ପାରିବେ ।

ରବିନ୍ଦ୍ର ଜାଡେଜା (Ravindra Jadeja) ଆହତ ହେବା ପରଠାରୁ ଅକ୍ସର ପଟେଲ (Axar Patel) ଭାରତ ପାଇଁ ୩ଟି ଫର୍ମାଟରେ ଖେଳୁଛନ୍ତି । ସେ କେବଳ ବଲ ନୁହେଁ ବ୍ୟାଟ୍ ସହିତ ମଧ୍ୟ ଚମତ୍କାର କାର୍ଯ୍ୟ କରୁଛନ୍ତି । ସେ ବାଂଲାଦେଶ ସିରିଜରେ ଭାରତ ପାଇଁ ସର୍ବାଧିକ ୱିକେଟ୍ ନେଇଥିଲେ । ୨ଟି ମ୍ୟାଚ୍‌ରେ ସେ ୮ ଜଣ ବ୍ୟାଟ୍ସମ୍ୟାନଙ୍କୁ ପାଭିଲିୟନର ରାସ୍ତା ଦେଖାଇଥିଲେ ।

ଅଧିକ ପଢ଼ନ୍ତୁ:-ହେଲିକପ୍ଟର ଦୁର୍ଘଟଣାରେ ଗୃହମନ୍ତ୍ରୀଙ୍କ ସମେତ ୧୬ ଜଣଙ୍କ ମୃତ୍ୟୁ, ୨୧ ଗୁରୁତର

ଅଧିକ ପଢ଼ନ୍ତୁ:-ହାର୍ଦ୍ଦିକ ପାଣ୍ଡ୍ୟା କ'ଣ ପାଇଁ ହୋଇପାରିଲେନି ଟିମ୍ ଇଣ୍ଡିଆର ସ୍ଥାୟୀ ଅଧିନାୟକ, ସାମ୍ନାକୁ ଆସିଲା ଏହି ବଡ଼ କାରଣ

ଅଧିକ ପଢ଼ନ୍ତୁ:-ଭୁବନେଶ୍ୱରରେ ୨ ନାବାଳିକାଙ୍କ ସହ ଗଣଦୁଷ୍କର୍ମ, ରାତିସାରା ଦୌଡ଼ିରେ ବାନ୍ଧି କଲେ ଏହି ଘୃଣ୍ୟ କାମ

ଏହା ବ୍ୟତୀତ ଅକ୍ସର ପଟେଲ (Axar Patel) ୩ ଇନିଂସରେ ୫୨ ରନ୍ ସଂଗ୍ରହ କରିଥିଲେ । ଦ୍ୱିତୀୟ ଟେଷ୍ଟର ଚତୁର୍ଥ ଇନିଂସରେ ସେ ୩୪ ରନର ଇନିଂସ ଖେଳିଥିଲେ । ସେ ମ୍ୟାଚରେ ଚତୁର୍ଥ ନମ୍ବରରେ ଖେଳିବାକୁ ମଇଦାନକୁ ଓହ୍ଲାଇଥିଲେ ଓ ସର୍ବାଧିକ ରନ୍ ସ୍କୋର କରିଥିବା ଦ୍ୱିତୀୟ ବ୍ୟାଟ୍ସମ୍ୟାନ୍ ଥିଲେ । କେଏଲ ରାହୁଲ, ଋଷଭ ପନ୍ତ, ଶୁଭମାନ ଗିଲ ଏବଂ ବିରାଟ କୋହଲିଙ୍କ ମଧ୍ୟରୁ କୌଣସି ବ୍ୟାଟ୍ସମ୍ୟାନ୍ ଏହି ମ୍ୟାଚରେ ୧୦ ରନର ନମ୍ୱର ଅତିକ୍ରମ କରିପାରିନଥିଲେ । ଯଦିଓ ଏହି ତଥ୍ୟ ଦୃଷ୍ଟିରୁ ରବିନ୍ଦ୍ର ଜାଡେଜାଙ୍କ ପାଇଁ କୌଣସି ଜବାବ ନାହିଁ । ସେ ଇଂଲଣ୍ଡରେ ଭାରତ ପାଇଁ ଏକ ଶତକ ହାସଲ କରିଥିଲେ । କିନ୍ତୁ ସେ କୌଣସି ୱିକେଟ୍ ପାଇପାରିନଥିଲେ । ଏହାପୂର୍ବରୁ ଘରୋଇ ସିରିଜରେ ସେ ଶ୍ରୀଲଙ୍କା ବିପକ୍ଷରେ ମୋହାଲି ଟେଷ୍ଟରେ ୧୭୫ ରନର ଅପରାଜିତ ଇନିଂସ ଖେଳି ୯ ୱିକେଟ୍ ନେଇଥିଲେ ।