IND vs AUS: ଲଢ଼େଇ କରି ହାରିଲା ହାରିଲା ଟିମ୍ ଇଣ୍ଡିଆ, ଫାଇନାଲରେ ପହଞ୍ଚିଲା କଙ୍ଗାରୁ ଦଳ

IND vs AUS Women's T20 Semifinal: ଦକ୍ଷିଣ ଆଫ୍ରିକାରେ ଖେଳାଯାଉଥିବା ଆଇସିସି ମହିଳା ଟି-୨୦ ମହିଳା ବିଶ୍ୱକପର (ICC Women's T-20 Women's World Cup) ପ୍ରଥମ ସେମିଫାଇନାଲରେ ଭାରତ ଓ ଅଷ୍ଟ୍ରେଲିଆ (India and Australia) ମଧ୍ୟରେ ଏକ ଚମତ୍କାର ଲଢେଇ ଦେଖିବାକୁ ମିଳିଥିଲା ​​। କଙ୍ଗାରୁ ଦଳ ଭାରତ ସମ୍ମୁଖରେ ୧୭୩ ରନ୍‌ର ଏକ ବଡ଼ ଲକ୍ଷ୍ୟ ସ୍ଥିର କରିଥିଲା । ଭାରତ ବିଜୟର ନିକଟତର ଥିଲା କିନ୍ତୁ ଅଧିନାୟକ ହରମାନପ୍ରୀତ କୌରଙ୍କ (Harmanpreet Kaur) ଅର୍ଦ୍ଧଶତକ ଶେଷରେ କୌଣସି ଲାଭ ଦେଇନଥିଲା । ଶେଷରେ କଙ୍ଗାରୁ ଦଳ ୫ ରନ୍‌ରେ ଜିତି ଫାଇନାଲ ପାଇଁ ନିଜ ଟିକେଟ ପକ୍କା କରିଥିଲା । କୌର ଭାରତ ପାଇଁ ସର୍ବାଧିକ ୫୨ ରନ ସ୍କୋର କରିଥିଲେ । ଜେମିମା ରୋଡ୍ରିଗୁସ୍ (Jemima Rodrigues) ମଧ୍ୟ ଭାରତ ପାଇଁ ୪୩ ରନ୍ ସଂଗ୍ରହ କରିଥିଲେ ।

ଏକ ସମୟରେ ଏହା ଲାଗୁଥିଲା ଯେ ଟିମ୍ ଇଣ୍ଡିଆ ଏହି ମ୍ୟାଚ୍ ସହଜରେ ଜିତିବ ଓ ଦ୍ୱିତୀୟ ଥର ପାଇଁ ଟି-୨୦ ବିଶ୍ୱକପ୍ ଫାଇନାଲରେ ପହଞ୍ଚିବ, କିନ୍ତୁ ଏକ ଗୁରୁତ୍ୱପୂର୍ଣ୍ଣ ଅବସରରେ ଅଧିନାୟକ ହରମାନପ୍ରୀତଙ୍କ ରନ୍ ଆଉଟ୍ ହୋଇଯିବାରୁ ଟିମ୍ ଇଣ୍ଡିଆ ଏହି ମ୍ୟାଚରେ ପଛରେ ପଡ଼ିଯାଇଥିଲା । ତାଙ୍କ ୱିକେଟ୍ ନେଇ ଅଷ୍ଟ୍ରେଲିଆ ଦଳ ପ୍ରତ୍ୟାବର୍ତ୍ତନ କରିବାର ସୁଯୋଗ ପାଇଲା ଓ ଭାରତୀୟ ଦଳର ଖେଳାଳିମାନେ ଚାପରେ ଆସି ଯାଇଥିଲେ ।

ଏହି ମ୍ୟାଚ୍ ବିଷୟରେ କଥାବାର୍ତ୍ତା କରି ଟସ୍ ଜିତିବା ପରେ ଅଷ୍ଟ୍ରେଲୀୟ ମହିଳା ଦଳ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଏହା ପରେ ବେଥ୍ ମୌନି ଏବଂ ଆଲିସା ହେଲିଙ୍କ ଓପନିଂ ଯୋଡି ଦଳର ପାଇଁ ପ୍ରଥମ ୬ ଓଭରରେ ୪୩ ରନ୍ ଯୋଡିଥିଲେ । ଏହା ପରେ ଅଷ୍ଟ୍ରେଲୀୟ ଦଳ ପାଇଁ ପ୍ରଥମ ଝଟକା ୫୨ ସ୍କୋରରେ ପାଇଥିଲା ଯେତେବେଳେ ଆଲିସା ହେଲି ୨୫ ରନର ଇନିଂସ କରିବା ପରେ ପାଭିଲିୟନକୁ ଫେରିଥିଲେ । 

ବେଥ୍ ମୌନି ୩୭ ଟି ବଲରେ ୫୪ ରନର ଚମତ୍କାର ଇନିଂସ ଖେଳିଥିଲେ । ଅଧିନାୟକ ମେଗ ଲାନିଙ୍ଗ ଗୋଟିଏ ପଟେ ଦଳର ଭରା ସମ୍ଭାଳିଥିଲେ, ଆସଲେ ଗାର୍ଡନର୍ ଅନ୍ୟ ପଟରୁ ଆସି ୧୮ ବଲରେ ୩୧ ରନ୍‌ର ଚମତ୍କାର ଇନିଂସ ଖେଳିଥିଲେ । ମେଗ ଲାନିଙ୍ଗ ୩୪ ବଲରେ ୪୯ ରନ୍ ସଂଗ୍ରହ କରିଥିଲେ ଓ ୨୦ ଓଭରରେ ୪ ୱିକେଟ୍ ହରାଇ କଙ୍ଗାରୁ ଦଳର ୧୭୩ ରେ କରିଥିଲା । ଭାରତ ତରଫରୁ ଶିଖା ପାଣ୍ଡେ ୨ଟି ୱିକେଟ୍ ନେଇଥିବାବେଳେ ରାଧା ଯାଦବ ଓ ଦୀପ୍ତି ଶର୍ମା ଗୋଟିଏ ଲେଖାଏଁ ୱିକେଟ୍ ନେଇଥିଲେ ।

୧୭୪ ରନ୍ ସ୍କୋରକୁ ପିଛାକରି ଭାରତୀୟ ଦଳ ୧୧ ସ୍କୋରରେ ଶେଫାଲୀ ଭର୍ମା ଆକାରରେ ପ୍ରଥମ ଝଟକା ପାଇଥିବାବେଳେ, ସ୍ମୃତି ମନ୍ଦନା ମଧ୍ୟ ୧୫ ରେ ପାଭିଲିୟନକୁ ଫେରିଥିଲେ । ୨୮ ସ୍କୋରରେ ଭାରତୀୟ ଦଳ ତୃତୀୟ ଝଟକା ଲାଗିଥିଲା, ଏହା ପରେ ଅଧିନାୟକ ହରମାନପ୍ରୀତ କୌର ଜେମିମାଙ୍କ ସହ କେବଳ ରନ୍ ହାରକୁ ତ୍ୱରାନ୍ୱିତ କରିନାହାଁନ୍ତି ବରଂ ପ୍ରଥମ ୬ ଓଭରରେ ସ୍କୋରକୁ ୫୯ ରନରେ ପହଂଚାଇଥିଲେ ।

ଏଠାରୁ ଜେମିମା ବ୍ୟାଟିଂ ଆକ୍ରମଣାତ୍ମକ ଭାବେ ସ୍କୋରକୁ ଆଗକୁ ବଢ଼ାଇ ଚାଲିଥିଲେ କିନ୍ତୁ ଏକ ବାଉନ୍ସର୍ ବଲ୍ ଖେଳିବାକୁ ଉଦ୍ୟମ କରି ସେ ଆଲିସା ହେଲିଙ୍କ ଦ୍ୱାରା ଧରା କ୍ୟାଚ ଆଉଟ ହୋଇଥିଲେ । ଜେମିମା ୨୪ ବଲରେ ୪୩ ରନ କରିଥିଲେ । ଏହା ପରେ ଅଧିନାୟକ ହରମାନପ୍ରୀତ କୌର ଇନିଂସକୁ ଆଗକୁ ବଢ଼ାଇଥିଲେ, କିନ୍ତୁ ଅର୍ଦ୍ଧଶତକ ପୂରଣ କରିବା ପରେ ସେ ବ୍ୟକ୍ତିଗତ ସ୍କୋର ୫୨ ରେ ରନ୍ ଆଉଟ ହୋଇଥିଲେ ।

ଏହି ମ୍ୟାଚରେ ଭାରତୀୟ ଦଳ ମାତ୍ର ୧୬୭ ରନ୍ ସ୍କୋର କରିବାରେ ସକ୍ଷମ ହୋଇଥିଲା ଓ ୫ ରନରେ ଦଳକୁ ପରାଜୟର ସାମ୍ନା କରିବାକୁ ପଡିଥିଲା । ଅଷ୍ଟ୍ରେଲିଆ ପାଇଁ ଡାର୍ସି ବ୍ରାଉନ୍ ଓ ଆସଲେ ଗାର୍ଡନର୍ ୨ଟି ଲେଖାଏଁ ୱିକେଟ୍ ନେଇଥିଲେ ।