Chicken Cooking Tips: କ'ଣ ଆପଣ ବି ଚିକେନକୁ ରୋଷେଇ କରିବା ପୂର୍ବରୁ ଧୋଉଛନ୍ତି? ଯଦି ହଁ, ତେବେ ହୋଇଯାଆନ୍ତୁ ସାବଧାନ

Hygiene Chicken Cooking Tips: କ'ଣ ଆପଣ ବି ଚିକେନକୁ ରୋଷେଇ ପୂର୍ବରୁ ଧୋଉଛନ୍ତି କି? ଯଦି ଆପଣ ଏହା କରୁଛନ୍ତି, ତେବେ ତୁରନ୍ତ ଏହାକୁ ବନ୍ଦ କରିବା ଆପଣଙ୍କ ସ୍ୱାସ୍ଥ୍ୟ ପାଇଁ ନିରାପଦ ହେବ । ଦି କନଭର୍ସେଶନରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ସାରା ଦୁନିଆର ଖାଦ୍ୟ ସୁରକ୍ଷା କର୍ତ୍ତୃପକ୍ଷ ଓ ନିୟାମକମାନେ ପରାମର୍ଶ ଦିଅନ୍ତି ଯେ ଆପଣ କଞ୍ଚା ପୋଲ୍ଚ୍ରି ବା ଚିକେନକୁ ରୋଷେଇ (Chicken Cooking) କରିବା ପୂର୍ବରୁ ଧୁଅନ୍ତୁ ନାହିଁ । ଚିକେନ୍ ଧୋଇବା (Washing Chicken) ଦ୍ୱାରା ରୋଷେଇ ଘର ଚାରିପାଖରେ ବିପଜ୍ଜନକ ଜୀବାଣୁ ବିସ୍ତାର ହୋଇପାରେ ବୋଲି କୁହାଯାଏ । ଚିକେନ (Chicken) କୁ ନ ଧୋଇ ଭଲ ଭାବରେ ରାନ୍ଧିବା ଭଲ ହୋଇଥାଏ, ତେଣୁ ଏହାକୁ ଖାଇବା ପାଇଁ ନିରାପଦ ଉପାୟ ଭାବରେ ମନେ କରାଯାଏ । କିନ୍ତୁ ପ୍ରଶ୍ନ ହେଉଛି, କେତେ ଲୋକ ଏହା ବିଷୟରେ ଅବଗତ ଅଛନ୍ତି? ନୂତନ ଅଧ୍ୟୟନରେ କିଛି ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି ।

ତଥାପି, ଏହି ତଥ୍ୟ ସତ୍ତ୍ୱେ ଚିକେନ୍ ଧୋଇବା ଏକ ସାଧାରଣ ଅଭ୍ୟାସରେ ପରିଣତ ହୋଇଛି । ଅଷ୍ଟ୍ରେଲିଆର ଖାଦ୍ୟ ନିରାପତ୍ତା ସୂଚନା ପରିଷଦ ଦ୍ୱାରା କରାଯାଇଥିବା ଏକ ସର୍ବେକ୍ଷଣରୁ ଜଣାପଡିଛି ଯେ, ପ୍ରାୟ ଅଧା ଅଷ୍ଟ୍ରେଲୀୟ ପରିବାର ରୋଷେଇ କରିବା ପୂର୍ବରୁ ଚିକେନ୍ ଧୋଇଥାନ୍ତି । ଡଚ୍ ଅନୁସନ୍ଧାନରୁ ଜଣାପଡିଛି ଯେ, ୨୫ ପ୍ରତିଶତ ଗ୍ରାହକ ନିଜର ଚିକେନକୁ ପ୍ରାୟତଃ କିମ୍ବା ପ୍ରାୟ ସବୁବେଳେ ଧୋଇଥାନ୍ତି । ତେବେ ଲୋକମାନେ ଏହା କାହିଁକି କରନ୍ତି ଓ ଚିକେନ୍ ଧୋଇବାର ବିପଦ ବିଷୟରେ ଅନୁସନ୍ଧାନ କ’ଣ କହିଥାଏ? ଆପଣଙ୍କୁ କହି ରଖୁଛୁ ଯେ, ଖାଦ୍ୟ ଜନିତ ରୋଗର ଦୁଇଟି ମୁଖ୍ୟ କାରଣ ହେଉଛି ବ୍ୟାକ୍ଟେରିଆ କ୍ୟାମ୍ପିଲୋବ୍ୟାକ୍ଟର୍ Campylobacter) ଓ ସଲମାନେଲା (Salmonella), ଯାହା ସାଧାରଣତ କଞ୍ଚା ପୋଲ୍ଟ୍ରି ଓ ଚିକେନରେ ଦେଖାଯାଏ । ଚିକେନ କଞ୍ଚା ଧୋଇଲେ ଏହା ରୋଷେଇ ଘରର ସବୁଆଡେ ବ୍ୟାପିଥାଏ, ଯେଉଁ କାରଣରୁ ରୋଗ ହେବାର ଆଶଙ୍କା ବଢ଼ିଥାଏ ।

ଅଧିକ ପଢ଼ନ୍ତୁ:-ରୋହିତ ଶର୍ମା ଏହି ଖେଳାଳିଙ୍କ ବର୍ବାଦ ହେଉଥିବା କ୍ୟାରିୟରର କାରଣ! ବର୍ତ୍ତମାନ ଅବସର ନେବାକୁ ବାଧ୍ୟ

ଅଧିକ ପଢ଼ନ୍ତୁ:-ଭାରତକୁ ମିଳିଲା ଆଉ ଏକ ସୂର୍ଯ୍ୟକୁମାର ଯାଦବ, ଗୋଟିଏ ଇଂନିସରେ ଦେଖିବାକୁ ମିଳିଲା ଭବିଷ୍ୟତର ଟ୍ରେଲର!

ଅଧିକ ପଢ଼ନ୍ତୁ:-ହକି ବିଶ୍ୱକପ ୨୦୨୩: ଭାରତ ପାଇଁ ୪୮ ବର୍ଷର ଟ୍ରଫିର ମରୁଡିକୁ ଶେଷ କରିବେ ଏସବୁ ଖେଳାଳି, ଏହି ୫ ଷ୍ଟାର ପ୍ଲେୟାରଙ୍କ ଉପରେ ରହିବ ସମସ୍ତଙ୍କ ନଜର

ଅଷ୍ଟ୍ରେଲିଆରେ ଗତ ଦୁଇ ଦଶନ୍ଧି ମଧ୍ୟରେ କ୍ୟାମ୍ପିଲୋବ୍ୟାକ୍ଟର ଓ ସଲମାନେଲା ମାମଲା ପ୍ରାୟ ଦୁଇ ଗୁଣ ବୃଦ୍ଧି ପାଇଛି । କ୍ୟାମ୍ପିଲୋବ୍ୟାକ୍ଟର ସଂକ୍ରମଣର ଆନୁମାନିକ ୨,୨୦,୦୦୦ ମାମଲା ମଧ୍ୟରୁ ୫୦,୦୦୦ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବରେ ଚିକେନ୍ ମାଂସରୁ ଆସିଥାଏ । ଧୋଇଥିବା ଚିକେନ୍ ପୃଷ୍ଠରୁ ମୁକ୍ତ ହୋଇଥିବା ଜଳ ବୁନ୍ଦା ଉପରେ ସମ୍ପ୍ରତି ଅନୁସନ୍ଧାନରୁ ଜଣାପଡିଛି ଯେ ଏହା ଏକ ବିପଦପୂର୍ଣ୍ଣ ଅଭ୍ୟାସ ଅଟେ । ଅଧ୍ୟୟନରେ ସ୍ପଷ୍ଟ ଦର୍ଶାଯାଇଛି ଯେ ଜଳ ବୁନ୍ଦା ମାଧ୍ୟମରେ ଚିକେନ୍ ପୃଷ୍ଠରୁ ଆଖପାଖ ପୃଷ୍ଠକୁ ଜୀବାଣୁ ସ୍ଥାନାନ୍ତର କରାଯାଇପାରେ ।