China Taiwan Drone Attack : ମଙ୍ଗଳବାର ଦିନ ତାଇୱାନର ସୈନ୍ୟମାନେ ଚିନର ଡ୍ରୋନ୍ ଉପରେ ଗୁଳିମାଡ଼ କରିଛନ୍ତି । ତାଇୱାନର ଜଣେ ସାମରିକ ମୁଖପାତ୍ର କହିଛନ୍ତି ଯେ ଏହା ୱାର୍ଣ୍ଣିଙ୍ଗ ସର୍ଟ୍ସ ଥିଲା । ଏହା ଯୋଗୁଁ ଚୀନ୍ ଓ ତାଇୱାନ ମଧ୍ୟରେ ତିକ୍ତତାର ସ୍ତର ଆହୁରି ବୃଦ୍ଧି ପାଇଛି ।
Trending Photos
12
12
6
12 "ପ୍ରତୀକାତ୍ମକ ଛବି")
China Taiwan Drone Attack : ତାଇୱାନର ସୈନ୍ୟମାନେ (Taiwanese soldiers) ମଙ୍ଗଳବାର ଦିନ ଚୀନର ଡ୍ରୋନ୍ (Chinese drone) ଉପରେ ଗୁଳିମାଡ଼ କରିଥିଲେ । ତାଇୱାନର (Taiwan) ଜଣେ ସାମରିକ ମୁଖପାତ୍ର କହିଛନ୍ତି ଯେ ଏହା ୱାର୍ଣ୍ଣିଙ୍ଗ ସର୍ଟ୍ସ (warning shots) ଥିଲା । ଏହା ଯୋଗୁଁ ଚୀନ୍ ଓ ତାଇୱାନ ମଧ୍ୟରେ ତିକ୍ତତାର ସ୍ତର ଆହୁରି ବୃଦ୍ଧି ପାଇଛି । ତାଇୱାନର ସେନା ପ୍ରଥମ ଥର ପାଇଁ ଏଭଳି ଆକ୍ରମଣାତ୍ମକ ପଦକ୍ଷେପ ନେଇଛି । ସାମରିକ ପ୍ରବକ୍ତାଙ୍କ କହିବାନୁସାରେ, ଚୀନ୍ ଡ୍ରୋନ୍ ତାଇୱାନ ନିୟନ୍ତ୍ରଣରେ ଥିବା ଏକ ଦ୍ୱୀପ ନିକଟରେ ଉଡୁଥିଲା । କୁହାଯାଉଛି ଯେ ତାଇୱାନ ସେନାର ଗୁଳିମାଡ଼ ପରେ ଡ୍ରୋନ୍ ଚୀନ୍ ଆଡକୁ ମୁହାଁଇଥିଲା ।
ଚୀନ୍ର ଧମକ ମଧ୍ୟରେ ଆମେରିକା ତାଇୱାନକୁ ଖୋଲାଖୋଲି ଭାବେ ସମର୍ଥନ କରୁଛି, ଯେଉଁ କାରଣରୁ ଚୀନ୍ର କ୍ରୋଧ ବଢି଼ବାରେ ଲାଗିଛି । ଅଗଷ୍ଟ ଆରମ୍ଭରେ ଆମେରିକା ସଂସଦର ବାଚସ୍ପତି ନାନସୀ ପେଲୋସିଙ୍କ ତାଇୱାନ ଗସ୍ତ ପରେ ଦୁଇ ଦେଶ ସମ୍ପର୍କରେ ନିଆଁ ଲାଗିଥିଲା । ପେଲୋସିଙ୍କ ଗସ୍ତକୁ ବିରୋଧ କରି ଚୀନ ତାଇୱାନକୁ ଚାରି ତରଫରୁ ଘେରି ଏକ ବୃହତ ସାମରିକ ଅଭ୍ୟାସ କରିଥିଲା । ସେବେଠାରୁ ତାଇୱାନର ସୈନ୍ୟମାନେ ଆଲର୍ଟରେ ରହିଛନ୍ତି । ଖବର ଅନୁଯାୟୀ ଚୀନ୍ ଗୁପ୍ତ ଆକାରରେ ଯୁଦ୍ଧ ପାଇଁ ବାତାବରଣ ସୃଷ୍ଟି କରି ତାଇୱାନ ସହିତ ଯୁଦ୍ଧ ପାଇଁ ପ୍ରସ୍ତୁତ ହେଉଛି ।
ତାଇୱାନର ରାଷ୍ଟ୍ରପତି ତାଇ ଇଙ୍ଗ-ୱେନ ମଙ୍ଗଳବାର ଦିନ ଚୀନ୍ ପଠାଉଥିବା ବିମାନ ଓ ଯୁଦ୍ଧ ଜାହାଜକୁ ନେଇ ଧୈର୍ଯ୍ୟବାନ ହେବାକୁ ସ୍ୱୟଂ ଶାସକ ଦ୍ୱୀପର ସାମରିକ ୟୁନିଟ୍କୁ କହିଛନ୍ତି । ସେ କହିଛନ୍ତି ଯେ ତାଇୱାନ ଚୀନ୍କୁ ବିବାଦ ସୃଷ୍ଟି କରିବାର ସୁଯୋଗ ଦେବ ନାହିଁ । ଚୀନ୍ର ଦୈନନ୍ଦିନ ଚାପ ସତ୍ତ୍ୱେ ତାଇୱାନ ରାଷ୍ଟ୍ରପତି ୱେନ ନିଜେ ସଂଯମତା ରକ୍ଷା କରିଛନ୍ତି । ସେ ତାଇୱାନର ପଶ୍ଚିମ ଉପକୂଳର ପେଙ୍ଗୁ ଠାରେ ଥିବା ନୌସେନା ବେସ ପରିଦର୍ଶନ କରି ସୈନିକମାନଙ୍କୁ ସମ୍ବୋଧିତ କରି କହିଛନ୍ତି ଯେ ଶତ୍ରୁ ଯେତେ ଉତ୍ତେଜନା ସୃଷ୍ଟି କରୁଛନ୍ତି, ଆମକୁ ସେହିପରି ସଂଯମତା ରକ୍ଷା କରିବା ଆବଶ୍ୟକ । ଆମେ ସେମାନଙ୍କୁ ଯୁଦ୍ଧ କରିବା ପାଇଁ ବାହାନା ଦେବୁ ନାହିଁ ।'
ତାଇୱାନ ପାର୍ଶ୍ୱ ଚେତାବନୀ ଗୁଳି ଚଳାଇବାର କିଛି ଦିନ ପୂର୍ବରୁ ଆମେରିକାର ଦୁଇଟି ଯୁଦ୍ଧ ଜାହାଜ ଅନ୍ତର୍ଜାତୀୟ ଜଳ ଦେଇ ତାଇୱାନ ଷ୍ଟ୍ରାଇଟ୍ ଦେଇ ଯାଇଥିଲା । ଆମେରିକାର ନୌସେନା ଏହି ସୂଚନା ଦେଇଛି । ତାଇୱାନ ଗସ୍ତ ପରେ ନାନସୀ ପେଲୋସିଙ୍କ ଏହା ପ୍ରଥମ ଅପରେସନ୍ ଥିଲା ଯାହା ତାଇୱାନ ଓ ଚୀନ୍ ମଧ୍ୟରେ ତିକ୍ତତା ବଢ଼ାଇ ଦେଇଥିଲା । ୱାଶିଂଟନ୍ କହିଛି ଯେ ଦୁଇଟି ଗାଇଡ୍-ମିସାଇଲ୍ କ୍ରୁଜର୍, ୟୁଏସ୍ଏସ୍ ଆଣ୍ଟିଟାମ ଓ ୟୁଏସ୍ଏସ୍ ଚାନ୍ସେଲର୍ସଭିଲ୍ ଅନ୍ତର୍ଜାତୀୟ ଜଳ କ୍ଷେତ୍ର ଦେଇ ନାଭିଗେସନ୍ ସ୍ୱାଧୀନତା ପ୍ରଦର୍ଶନ କରୁଛନ୍ତି ।
ଏହା ବି ପଢ଼ନ୍ତୁ: Biggest Bank Scam: ସବୁଠୁ ବଡ ବ୍ୟାଙ୍କ ଘୋଟଲା! ୪୬୪ କୋଟି ଟଙ୍କାର ସ୍କାମ, ୨୩୪ ଗିରଫ
