IPL 2023: ରୋମାଞ୍ଚକର ମୁକାବିଲାରେ ଶେଷ ବଲରେ ମ୍ୟାଚ ଜିତିଲା ପଞ୍ଜାବ, ୪ ୱିକେଟରେ ପରାସ୍ତ ହେଲା ଚେନ୍ନାଇ

CSK vs PBKS Match Result: ଅପ୍ରେଲ ୩୦ ତାରିଖ ରବିବାର ଚେନ୍ନାଇ ଚେପକ୍ ଷ୍ଟାଡିୟମ ଠାରେ ମୁହାଁମୁହିଁ ହୋଇଥିଲେ ପଞ୍ଜାବ-ଚେନ୍ନାଇ। ରବିବାର ଅନୁଷ୍ଠିତ ହୋଇଥିବା ମୁକାବିଲାରେ ପଞ୍ଜାବ କିଙ୍ଗ୍ସ ପାଖରୁ ୪ ୱିକେଟ ବ୍ୟବଧାନରେ ପରାସ୍ତ ହୋଇଛି ଚେନ୍ନାଇ ସୁପର କିଙ୍ଗ୍ସ। ଏହି ରୋମାଞ୍ଚକର ମୁକାବିଲାରେ ପଞ୍ଜାବ ଶେଷ ବଲରେ ମ୍ୟାଚ ଜିତିଥିବା ବେଳେ ୪ ୱିକେଟରେ ପରାସ୍ତ ହୋଇଛି ଚେନ୍ନାଇ।    

ଚଳିତ ଆଇପିଏଲ ସଂସ୍କରଣରେ ଅପ୍ରେଲ ୩୦ ତାରିଖ ରବିବାର ଅନୁଷ୍ଠିତ ହୋଇଥିଲା ଅନୁଷ୍ଠିତ ହୋଇଥିଲା ଡବଲ୍ ହେଡର୍ ମ୍ୟାଚ୍। ଚେନ୍ନାଇ ଚେପକ୍ ଷ୍ଟାଡିୟମ ଠାରେ ଖେଳାଯାଇଥିବା ପ୍ରଥମ ମ୍ୟାଚ୍‌ରେ ପଞ୍ଜାବ କିଙ୍ଗସ୍  ପାଖରୁ ପରାସ୍ତ ହୋଇଛି ଚେନ୍ନାଇ ସୁପର କିଙ୍ଗ୍ସ। ଏହି ମ୍ୟାଚ୍‌ରେ ଚେନ୍ନାଇ ସୁପର କିଙ୍ଗ୍ସ ଅଧିନାୟକ ମହେନ୍ଦ୍ର ସିଂ ଧୋନି ଟସ୍ ଜିତି ପ୍ରଥମେ ପଞ୍ଜାବ ଦଳକୁ ପ୍ରଥମେ ବୋଲିଂ କରିବାକୁ ଆମନ୍ତ୍ରଣ କରିଥିଲେ। ପ୍ରଥମେ ବ୍ୟାଟିଂ କରି ଚେନ୍ନାଇ ଧାର୍ଯ୍ୟ ୨୦ ଓଭରରେ ୪ ୱିକେଟ୍ ପାଇଁ ୨୦୦ ରନ୍ ସଂଗ୍ରହ କରିଥିଲା। ଏହାର ଜବାବରେ ପଞ୍ଜାବ କିଙ୍ଗ୍ସ ବ୍ୟାଟ୍ସମ୍ୟାନ୍ ନିର୍ଦ୍ଧାରିତ ୨୦ ଓଭରରେ  ୬ ୱିକେଟ୍ ପାଇଁ ୨୦୧ ରନ୍ ସ୍କୋର କରି ମ୍ୟାଚ୍ ଜିତି ନେଇଥିଲା।

ଶେଷ ବଲର ମ୍ୟାଚ ଜିତିଲା ପଞ୍ଜାବ 
ଶେଷ ଓଭରରେ ପଞ୍ଜାବ କିଙ୍ଗ୍ସ ଦଳ ବିଜୟ ଲାଗି ୬ ବଲରେ ୯ ରନ୍ ଆବଶ୍ୟକ କରୁଥିଲା। ସିକନ୍ଦର ରଜା ଏବଂ ଶାହରୁଖ ଖାନ ପଡ଼ିଆରେ ଉପସ୍ଥିତ ଥିଲେ। ରଜା ପ୍ରଥମ ବଲରେ ଗୋଟିଏ ରନ୍ ନେଇଥିଲେ। ଏହା ପରେ ବଲ୍ ଦ୍ୱିତୀୟ ବଲର ଶାହାରୁଖଙ୍କ ବ୍ୟାଟ୍ ସ୍ପର୍ଶ କରିନଥିଲା। ହେଲେ ତଥାପି ଉଭୟ ଦୌଡ଼ି ପଳାଇଥିଲେ। ତୃତୀୟ ବଲରେ କୌଣସି ରନ୍ ହୋଇନଥିଲା। ଏହା ପରେ ପରବର୍ତ୍ତୀ ଦୁଇଟି ବଲରେ କ୍ରମାଗତ ଦୁଇଟି ରନ୍ ସ୍କୋର କରାଯାଇଥିଲା। ଶେଷ ବଲରେ ପଞ୍ଜାବକୁ ୩ ରନ୍ ଆବଶ୍ୟକ ଥିଲା। ସିକନ୍ଦର ରଜା ସଟ୍ ମାରିଥିଲେ ଏବଂ ଉଭୟ ବ୍ୟାଟ୍ସମ୍ୟାନ୍ ତିନି ରନ୍ ନେଇ ଯାଇଥିଲେ। ସିକନ୍ଦର ରଜା (୧୩) ଏବଂ ଶାହାରୁଖ ଖାନ୍ ୨ ରନ୍ ସ୍କୋର କରିବା ପରେ ଅପରାଜିତ ଫେରିଥିଲେ।

ମ୍ୟାଜିକ୍ ଦେଖାଇଲେ ଡେଭୋନ୍ କନୱେ
ପଞ୍ଜାବ କିଙ୍ଗସ ବିପକ୍ଷରେ ୯୨ ରନ୍ ସ୍କୋର କରିବା ପରେ ଅପରାଜିତ ଫେରିଥିଲେ ଡେଭୋନ୍ କନୱେ। ଚଳିତ ଆଇପିଏଲ ସଂସ୍କରଣରେ ଡେଭୋନ୍ କନୱେ ନିଜ ବ୍ୟାଟ୍ ସହିତ ଦ୍ରୁତ ଗତିରେ ବୋଲରଙ୍କୁ ନିର୍ଘାତ ପ୍ରହାର କରିବାରେ ଲାଗିଛନ୍ତି। ରବିବାର କନୱେ ପୁରୁଷ ଟି-୨୦ କ୍ରିକେଟ ରେ ୫୦୦୦ ରନ ସ୍କୋର କରିବାରେ ଦ୍ରୁତତମ ନ୍ୟୁଜିଲ୍ୟାଣ୍ଡ ବ୍ୟାଟ୍ସମ୍ୟାନ୍ ଭାବରେ ଉଭା ହୋଇ ସାରିଛନ୍ତି। ସେମାନଙ୍କ ବ୍ୟତୀତ ଋତୁରାଜ ଗାଇକୱାଡ (୩୭), ଶିବମ ଦୁବେ (୨୮), ମୋଇନ ଅଲି (୧୦), ରବୀନ୍ଦ୍ର ଜାଡେଜା (୧୨) ଏବଂ ଚେନ୍ନାଇ ଅଧିନାୟକ ମହେନ୍ଦ୍ର ସିଂହ ଧୋନୀ ଅପରାଜିତ ୧୩ ରନ ସ୍କୋର କରିଥିଲେ। ପଞ୍ଜାବ ଦଳରୁ ବୋଲର  କିଛି ବିଶେଷ ପ୍ରଦର୍ଶନ କରିପାରିନଥିଲେ। ପଞ୍ଜାବ ପାଇଁ ଅର୍ଶଦୀପ ସିଂହ, ରାହୁଲ ଚହର ଏବଂ ସାମ କରେନ ଗୋଟିଏ ଲେଖାଁଏ ୱିକେଟ୍ ନେଇଥିଲେ।
 
ଲିଭିଙ୍ଗଷ୍ଟୋନ୍-ପ୍ରଭାସମରିନ ଖେଳିଲେ ଜବରଦସ୍ତ ଇନିଂସ
ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ୨୦୧ ରନ ବିଜୟ ଲକ୍ଷ୍ୟକୁ ପିଛା କରି ପଞ୍ଜାବ କିଙ୍ଗସ୍ ବ୍ୟାଟ୍ସମ୍ୟାନ୍ ଦଳର ଏକ ଭଲ ପାଳି ଆରମ୍ଭ କରିଥିଲେ। ପ୍ରଭାସମରନ ସିଂହ ଏବଂ ଶିଖର ଧାୱନ ପ୍ରଥମ ୱିକେଟ୍ ପାଇଁ ୫୦ ରନ୍ ଭାଗିଦାରୀ କରିଥିଲା। ପ୍ରଥମ ୱିକେଟ୍ ଶିଖର ଧାୱନଙ୍କ (୨୮) ରୂପରେ ପଡିଥିଲା। ଏହା ପରେ ପ୍ରଭାସିମରନ୍ ମଧ୍ୟ ୪୨ ରନ୍ ସ୍କୋର କରିଥିଲେ। ଲିଆମ୍ ଲିଭିଙ୍ଗଷ୍ଟୋନ୍ ମଧ୍ୟଭାଗରେ ଆଖିଦୃଶିଆ ପ୍ରଦର୍ଶନ କରି ଦଳକୁ ବିଜୟ ନିକଟତର କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ହେଲେ ସେ ମଧ୍ୟ ୪୦ ରନ୍ ସ୍କୋର କରିବା ପରେ ଆଉଟ୍ ହୋଇ ଯାଇଥିଲେ। ସେମାନଙ୍କ ବ୍ୟତୀତ ସାମ କରେନ ୨୯ ରନ କରିଥିବା ବେଳେ ଜିତେଶ ଶର୍ମା ୨୧ ରନ ସ୍କୋର କରିଥିଲେ। ଯଦି ଚେନ୍ନାଇ ଦଳର ବୋଲିଂ କଥା କୁହାଯାଏ ତାହେଲେ  ତୁଷାର ଦେଶପାଣ୍ଡେ ସର୍ବାଧିକ ୩ ୱିକେଟ୍ ନେଇଥିଲେ। ତାଙ୍କ ବ୍ୟତୀତ ମାଥିଶା ପଥିରାନା ଗୋଟିଏ ଏବଂ ରବୀନ୍ଦ୍ର ଜାଡେଜା ଦୁଇଟି ୱିକେଟ୍ ନେଇଥିଲେ।

କମାଲ କରିଥିଲେ ମହେନ୍ଦ୍ର ସିଂହ ଧୋନି 
୨୦ ତମ ଓଭରର ଶେଷ ଦୁଇଟି ବଲରେ ଧୋନି ନିଜ ଶୈଳୀରେ ଦୁଇଟି ବଡ ଛକା ମାରିଥିଲେ। ଯାହାକୁ ଦେଖିବା ପରେ ଉପସ୍ଥିତ ସମସ୍ତ ଦର୍ଶକ ଆନନ୍ଦରେ ନାଚି ଉଠୁଥିବାର ଦେଖାଯାଇଥିଲା। ଧୋନୀଙ୍କ ଏହି ଦୁଇଟି ଛକା ସହିତ ଚେନ୍ନାଇ ୨୦୦ ରନ୍ ସ୍କୋର କରିଥିଲା। କ୍ରିକେଟ ଦୁନିଆରେ ମ୍ୟାଚ ଫିନିଶର ଭାବରେ ଜଣାଶୁଣା ହେଉଛନ୍ତି ଚେନ୍ନାଇ ଅଧିନାୟକ ଧୋନୀ। ଆଇପିଏଲ ଇତିହାସରେ ଶେଷ ଓଭରରେ ବ୍ୟାଟିଂ କରୁଥିବା ବେଳେ ସେ ସର୍ବାଧିକ ୫୯ ଛକା ମାରିଛନ୍ତି। ଏହି ପରିପ୍ରେକ୍ଷୀରେ କୌଣସି ଖେଳାଳି ମଧ୍ୟ ତାଙ୍କ ନିକଟରେ ନାହାଁନ୍ତି। କେବଳ ଏତିକି ନୁହେଁ ଧୋନି ଆଇପିଏଲ ଇତିହାସରେ ୨୦ ତମ ଓଭରରେ ୧୫ ଥରରୁ ଅଧିକ ଛକା ମାରିଛନ୍ତି।

ସାମଗ୍ରିକ ତାଲିକାରେ ଡେଭୋନ କନୱେ ତୃତୀୟ ସ୍ଥାନରେ ଅଛି। କ୍ରିସ୍ ଗେଲ୍ ଏହି ତାଲିକାର ଶୀର୍ଷରେ ଅଛନ୍ତି, ଯିଏ ୧୩୨ ପାଳିରେ ଏହି ସଫଳତା ହାସଲ କରିଛନ୍ତି। କେଏଲ ରାହୁଲ (୧୪୩ ଇନିଂସ) ଦ୍ୱିତୀୟ ନମ୍ବର ଏବଂ ଡେଭୋନ୍ କନୱେ (୧୪୪ ଇନିଂସ) ତୃତୀୟ ସ୍ଥାନରେ ଅଛନ୍ତି। ଶନ୍ ମାର୍ଶ ମଧ୍ୟ ୧୪୪ ପାଳିରେ ଟି-୨୦ କ୍ରିକେଟ ରେ ୫୦୦୦ ରନ ସ୍କୋର କରିଥିଲେ। ଏହା ସହିତ ପାକିସ୍ତାନ ଅଧିନାୟକ ବାବର ଆଜାମ ୧୪୫ ପାଳିରେ ୫୦୦୦, ଟି-୨୦ ରନ୍ ପୂରଣ କରିଛନ୍ତି।