AC ସାମ୍ନାରେ ଅଧିକ ସମୟ ବିତାଉଥିଲେ ହୋଇପାରନ୍ତି ଭୟଙ୍କର ରୋଗର ଶିକାର

ପ୍ରଚଣ୍ଡ ଗରମ ସମୟରେ ଲୋକମାନେ ଦିନର ଅଧିକାଂଶ ସମୟ ଏୟାର କଣ୍ଡିସନର ସାମ୍ନାରେ ବିତାଉଛନ୍ତି । ଏସିର ଥଣ୍ଡା ପବନ ଶରୀରକୁ ଆରାମ ଦେଇଥାଏ ନିଶ୍ଚୟ । କିନ୍ତୁ ଏକଥା ମଧ୍ୟ ଜାଣି ରଖିବା ଆବଶ୍ୟକ ଯେ ଏହି ଥଣ୍ଡା ପବନ ଶରୀରକୁ ଶୀତଳ କରିବା ସହ ଶରୀରକୁ ଭିତରୁ ଦୁର୍ବଳ କରିଦେଇଥାଏ । ଅଧିକାଂଶ ସମୟ ଏସିରେ ବିତାଉଥିଲେ ଅନେକ ସମ୍ଭୀର ସମସ୍ୟା ଦେଖାଦେଇପାରେ । ଏହି ରଚନାରେ ଆପଣଙ୍କୁ ଏପରି କିଛି ଶାରୀରିକ ସମସ୍ୟା ବିଷୟରେ ଜଣାଉଛୁ । ଯାହାକୁ ଆପଣ ଶୀତତାପ ନିୟନ୍ତ୍ରଣକାରୀ ଯନ୍ତ୍ରର ପାର୍ଶ୍ୱ ପ୍ରତିକ୍ରିୟା(AC Side Effects) କହିପାରିବେ ।

AC ଯୋଗୁ ହେଉଥିବା ପ୍ରଥମ ସମସ୍ୟା

ଯେତେବେଳେ ଆମେ ଅଧିକ ସମୟ ଧରି ଏସି ଆଗରେ ବିତାଇଥାନ୍ତି, ସେହି ସମୟରେ ଆମରୁ ସୁଦ୍ଧ ବାୟୁ ମିଳିପାରିନଥାଏ । ଏପରି ହେବାର କାରଣ ଏସି ଅନ ରହିବା ସମୟରେ ଆମେ କୋଠରୀକୁ ପ୍ରବେଶ କରୁଥିବା ବାହ୍ୟ ବାୟୁ ପଥକୁ ବନ୍ଦ କରିଦେଇଥାନ୍ତି । ଏଥିପାଇଁ ଘର ଭିତରେ ମୁକ୍ତ ବାୟୁ ପ୍ରବେଶ କରିପାରିନଥାଏ। ଏସିରେ ଥିବା ସମୟରେ ଆମ ଶରୀରରେ ଧୀରେଧୀରେ ଅମ୍ଳଜାନର ଅଭାବ ଦେଖା ଦେଇଥାଏ । ନିୟମିତ ଏସିରେ ରହିବା ଅଭ୍ୟାସ ପରେ ଶରୀର ବିକାଶ ପ୍ରକ୍ରିୟାରେ ଶିଥିଳତା ଆସିଥାଏ ।

AC ଯୋଗୁ ହେଉଥିବା ଦ୍ୱିତୀୟ ସମସ୍ୟା

ଦୀର୍ଘ ସମୟ ଧରି ଏସି ସାମ୍ନାରେ ବସିଲେ ଚର୍ମ କୁଞ୍ଚନ ସମସ୍ୟା ଦେଖାଦେଇଥାଏ ।  ଏହାର କାରଣ ହେଉଛି ଏସିର ଥଣ୍ଡା ପବନ ଝାଳକୁ ଶୋଷିଥାଏ । କିନ୍ତୁ ଏହାସହିତ ଶରୀରର ଆର୍ଦ୍ରତା ମଧ୍ୟ ଶୋଷି ହୋଇଯାଇଥାଏ । ଏଥିପାଇଁ ଶରୀରରେ ଜଳର ଅଭାବ ଦେଖାଦେବା ସହ ଚର୍ମର ଚମକ ହଜିଯାଏ ।

AC ଯୋଗୁ ହେଉଥିବା ତୃତୀୟ ସମସ୍ୟା

ଯେତେବେଳେ ଆମେ ଦୀର୍ଘ ସମୟ ଧରି ଏସି ସାମ୍ନାରେ ବସିଥାଉ, ଏହାର ପ୍ରଭାବରେ ଆମ ଶରୀର ଅତ୍ୟଧିକ ଥଣ୍ଡା ହୋଇଯାଏ ଏବଂ ଏହାର ନକାରାତ୍ମକ ପ୍ରଭାବ ମଧ୍ୟ ଆମର ହାଡ ଉପରେ ପଡେ । ଯଦି ଆପଣଙ୍କର ଗଣ୍ଠି ଓ ହାଡ଼ ଜନିତ ସମସ୍ୟା ରହିଛି, ତେବେ ଏସିରେ ଦୀର୍ଘ ସମୟ ବସିବା ଦ୍ୱାରା ସମସ୍ୟା ବୃଦ୍ଧି ପାଇଥାଏ ।

AC ଯୋଗୁ ହେଉଥିବା ଚତୁର୍ଥ ସମସ୍ୟା

ଏୟାର କଣ୍ଡିସନରରେ ବସିବା ଦ୍ୱାରା ନିମ୍ନ ରକ୍ତଚାପର ଲକ୍ଷଣ ବୃଦ୍ଧି ପାଇଥାଏ । ଏପରି ପରିସ୍ଥିତିରେ, ନିମ୍ନ ରକ୍ତଚାପର ଶିକାର ହୋଇଥିବା ବ୍ୟକ୍ତି କେବଳ ସୀମିତ ସମୟ ପାଇଁ ଏସି ସାମ୍ନାରେ ବସିବା ଉଚିତ୍ ।  ଦୀର୍ଘ ସମୟ ଧରି ବସିବା ଦ୍ୱାରା ଆପଣଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ ଏସି ।