Daler Mehndi: ଦଲେର ମେହେନ୍ଦୀଙ୍କ ପୁଣି ବଢ଼ିଲା ଅସୁବିଧା, ଗୁରୁଗ୍ରାମ ସ୍ଥିତ ଫାର୍ମହାଉସ ସିଲ୍; ଜାଣନ୍ତୁ ପୂରା ମାମଲା

Daler Mehndi Farmhouse Sealed: ପ୍ରସିଦ୍ଧ ପଞ୍ଜାବୀ ଗାୟକ (Punjabi Singer) ଦଲେର ମେହେନ୍ଦୀ (Daler Mehndi) ପୁଣି ଥରେ ଚର୍ଚ୍ଚାରେ ଅଛନ୍ତି । ଏଥର ଚର୍ଚ୍ଚାର କାରଣ ତାଙ୍କ ଗୀତ ନୁହେଁ, ବରଂ ତାଙ୍କ ଉପରେ ହୋଇଥିବା କାର୍ଯ୍ୟାନୁଷ୍ଠାନ । ହରିୟାଣାର ଗୁରୁଗ୍ରାମରେ ଦଲେର ମେହେନ୍ଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ପ୍ରକୃତିରେ ଗୁରୁଗ୍ରାମ ଜିଲ୍ଲା ପ୍ରଶାସନର ଅଧିକାରୀମାନେ ସୋହନାରେ ଦମଦମା ହ୍ରଦ ନିକଟରେ ଗାୟକ ଦଲେର ମେହେନ୍ଦୀଙ୍କ ସମେତ ତିନି ଜଣଙ୍କ ଫାର୍ମ ହାଉସକୁ ସିଲ୍ କରିଛନ୍ତି । ନଗର ଯୋଜନା ବିଭାଗର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ।

ଜିଲ୍ଲା ଟାଉନ୍ ପ୍ଲାନର୍ (ଡିଟିପି) ଅମିତ ମାଧୋଲିଆ କହିଛନ୍ତି ଯେ, 'ଏଗୁଡ଼ିକ ହ୍ରଦର ଜଳ ଗ୍ରହଣ ଅଞ୍ଚଳରେ ନିର୍ମିତ ଅନଧିକୃତ ଫାର୍ମହାଉସ୍ ଥିଲା । ଏହି ତିନୋଟି ଫାର୍ମହାଉସକୁ ସିଲ୍ କରାଯାଇଛି । ବିନା ଅନୁମତିରେ ଏଗୁଡିକ ଅରବାଲି ରେଞ୍ଜରେ ନିର୍ମାଣ କରାଯାଇଥିଲା । ଏଠାରେ କହି ରଖୁଛୁ ଯେ, ସୋନ୍ୟା ଘୋଷ ବନାମ ହରିୟାଣା ରାଜ୍ୟରେ ନ୍ୟାସନାଲ ଗ୍ରୀନ୍ ଟ୍ରିବ୍ୟୁନାଲ (ଏନଜିଟି) ର ଆଦେଶ ଅନୁଯାୟୀ ପୋଲିସ ସହାୟତାରେ ଏହି ତିନୋଟି ଫାର୍ମହାଉସ ବିରୋଧରେ ଏହି କାର୍ଯ୍ୟାନୁଷ୍ଠାନ ଆରମ୍ଭ କରାଯାଇଛି । କାର୍ଯ୍ୟାନୁଷ୍ଠାନ ସମୟରେ ସଦର ସୋହାନାର ଷ୍ଟେସନ ହାଉସ ଅଫିସରଙ୍କ ନେତୃତ୍ୱରେ ସେଠାରେ ଏକ ପୋଲିସ ଟିମ୍ ନିୟୋଜିତ ହୋଇଥିଲା। ନାମ ଗୋପନ ରଖିବା ସର୍ତ୍ତରେ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ସିଲ୍ ହୋଇଥିବା ତିନିଟି ଫାର୍ମହାଉସ ମଧ୍ୟରୁ ଗୋଟିଏ ପଞ୍ଜାବୀ ଗାୟକ ଦଲେର ମେହେନ୍ଦୀଙ୍କର ରହିଛି । ଏହି ଫାର୍ମହାଉସ୍ ପ୍ରାୟ ଦେଢ଼ ଏକର ଅଞ୍ଚଳରେ ନିର୍ମିତ ହୋଇଛି ।

ଅଧିକ ପଢ଼ନ୍ତୁ:-ବଡ଼ ଝଟକା, ବୁଡ଼ିଯିବ LIC ଟଙ୍କା!

ଅଧିକ ପଢ଼ନ୍ତୁ:-ଫିଫା ବିଶ୍ୱକପ ୨୦୨୨ ପାଇଁ ୪୦୦ରୁ ୫୦୦ ଶ୍ରମିକଙ୍କ ମୃତ୍ୟୁ, କାତାର ଅଧିକାରୀ କଲେ ଖୁଲାସା

ଅଧିକ ପଢ଼ନ୍ତୁ:-ସଞ୍ଜୁ ସାମସନଙ୍କୁ ଟିମ୍ ଇଣ୍ଡିଆରେ ସ୍ଥାନ ନ ମିଳିବାରୁ ରାଗିଗଲେ ଶଶି ଥରୁର, ଏହି ଖେଳାଳିଙ୍କୁ କଲେ ଟାର୍ଗେଟ

ଏଠାରେ କହି ରଖୁଛୁ ଯେ, ଦଲେର ମେହେନ୍ଦୀ ପୂର୍ବରୁ ଅନେକ ଥର ବିବାଦରେ ଆସିଛନ୍ତି । ୨୦୦୩ ମସିହାରେ ଏକ ମାମଲାରେ ତାଙ୍କ ବିରୋଧରେ ମାମଲା ରୁଜୁ ହୋଇଥିଲା । ଦଲେର ମେହେନ୍ଦୀଙ୍କ ଉପରେ ଅଭିଯୋଗ ଥିଲା କି ସେ ଭାଇ ଶ୍ୟାମଶେରଙ୍କ ସହ ମିଶି ଏକ ବେଆଇନ ଇମିଗ୍ରେସନ ଗୋଷ୍ଠୀ ଚଳାଇଥିଲେ । ଏହା ମାଧ୍ୟମରେ ସେ ୧୯୯୮ରୁ ୧୯୯୯ ମଧ୍ୟରେ ୧୦ ଜଣଙ୍କୁ ବିଦେଶକୁ ନେଇ ସେଠାରେ ଛାଡିଥିଲେ । ପଟିଆଲାର ଟ୍ରାଏଲ କୋର୍ଟ ମଧ୍ୟ ୧୯ ବର୍ଷ ପୁରୁଣା ମାନବ ଚାଲାଣ ମାମଲାରେ ଦଲେର ମେହେନ୍ଦୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ଏହା ପରେ ମାର୍ଚ୍ଚ ୧୬, ୨୦୧୮ରେ ତାଙ୍କୁ ଦୁଇ ବର୍ଷ ଦଣ୍ଡିତ କରାଯାଇଥିଲା । ମାନବ ଚାଲାଣ ମାମଲାରେ ପଞ୍ଜାବୀ ଗାୟକ ଦଲେର ମେହେନ୍ଦୀଙ୍କୁ ଦୁଇ ବର୍ଷ ଦଣ୍ଡିତ କରାଯାଇଥିଲା । ପଟିଆଲାର ଅତିରିକ୍ତ ସେସନ ଜଜ୍ ପଞ୍ଜାବୀ ଗାୟକ ଦଲେର ମେହେନ୍ଦୀଙ୍କ ଆବେଦନକୁ ଖାରଜ କରିଦେଇଥିଲେ । ପଞ୍ଜାବୀ ଗାୟକ ଦଲେର ମେହେନ୍ଦୀଙ୍କୁ ପଟିଆଲା ପୋଲିସ ଗିରଫ କରିଥିଲେ । ୨୦୧୮ ମସିହାରେ ଟ୍ରାଏଲ କୋର୍ଟ ଦ୍ୱାରା ମାନବ ଚାଲାଣ ମାମଲାରେ ଦଲେର ମେହେନ୍ଦୀଙ୍କୁ ୨ ବର୍ଷ ଦଣ୍ଡିତ କରାଯାଇଥିଲା । ଯାହା ପରେ ଦଲେର ମେହେନ୍ଦୀ ଜାମିନ ପାଇଥିଲେ ।