અમેરિકાના રાષ્ટ્રપતિ ડોનાલ્ડ ટ્રમ્પે આપી ચીનને સંબંધો ખતમ કરવાની ધમકી, મળ્યા આ બે જવાબ

બેઇજિંગ: અમેરિકી રાષ્ટ્રપતિ ટ્રમ્પ દ્વારા કોરોના વાયરસ સંકટની વચ્ચે ચીનની સાથે સંબંધને ખતમ કરવાની ધમકી આપ્યાના એક દિવસ પછી, વિદેશ મંત્રાલયે કહ્યું કે, ચીન અને અમેરિકાને મહામારી સામે  સહયોગ વધુ મજબૂત બનાવવો જોઇએ, મહામારીને વહેલી તકે હરાવી જોઇએ, દર્દીઓની સારવાર કરવી અને અર્થવ્યવસ્થાના ઉત્પાદનને પુનર્સ્થાપિત કરવું જોઈએ."

આ પણ વાંચો:- International Day of Families 2020: જાણો કેમ ઉજવાય છે આંતરરાષ્ટ્રીય પરિવાર દિવસ, તેની થીમ

ચીનના વિદેશ મંત્રાલયના પ્રવક્તા ઝાઓ લિજિયાને કહ્યું, "પરંતુ આ માટે અમેરિકાએ ચીન સાથે અધવચ્ચે જ મળવાની જરૂર છે." વિદેશ મંત્રાલયના પ્રવક્તાએ કહ્યું, "ચીન-યુએસ સંબંધોના સતત વિકાસને જાળવવું એ બંને દેશોના લોકોના મૂળભૂત હિતમાં છે, તેમ જ વિશ્વ શાંતિ અને સ્થિરતા માટે પણ તે અનુકૂળ છે."

આ પણ વાંચો:- કોરોના: અમેરિકા-ચીન વચ્ચે ઘર્ષણ ચરમસીમાએ, ટ્રમ્પની ધમકીથી આંતરરાષ્ટ્રીય સમુદાયમાં ખળભળાટ

આપને જણાવી દઈએ કે, રાષ્ટ્રપતિ ટ્રમ્પે ગુરુવારે કહ્યું હતું કે તેઓ ચીન સાથે "સંપૂર્ણ રીતે સંબંધો સમાપ્ત કરી શકે છે". ચીનના સંદર્ભમાં અમેરિકન ટેલિવિઝન ન્યૂઝ ચેનલ ફોક્સ બિઝનેસ ન્યૂઝને ટ્રમ્પે કહ્યું, "જો તમે સંબંધ કાપી નાખશો તો તમે 500 અબજ ડોલરની બચત કરી શકો છો." તે જ સમયે, રાષ્ટ્રપતિ શી જિનપિંગ માટે, તેમણે કહ્યું કે તેઓ હજી તેમની સાથે વાત કરવા માંગતા નથી.

આ પણ વાંચો:- Coronavirus Lockdown ખુલ્યુ, અડધી રાત્રે વાળ કપાવવા દોડ્યા લોકો

ટ્રમ્પ વહીવટીતંત્રે કોરોના વાયરસની ઉત્પત્તિ અંગે ચીન પર વારંવાર હુમલો કર્યો છે. આ વાયરસે સંયુક્ત રાજ્ય અમેરિકામાં 80,000થી વધુ લોકોના જીવ લીધો છે અને 1.3 મિલિયન એટલે કે 13 લાખથી વધુ લોકોને સંક્રમિત થયા છે.

આ પણ વાંચો:- બ્રિટન હાઈકોર્ટે વિજય માલ્યાનો આપ્યો મોટો ઝટકો, અરજી કરી રદ્દ

અમેરિકન રાષ્ટ્રપતિએ અગાઉ કહ્યું હતું કે વુહાનની પ્રયોગશાળામાંથી વાયરસ બહાર આવ્યો છે, પરંતુ ચીને આ આરોપોને ફગાવી દીધા છે. ટ્રમ્પે ડબ્લ્યુએચઓને મદદ કરવાનું બંધ કરી દીધું હતું અને તેના પર "ચીન તરફનો પક્ષપાતી" હોવાનો આરોપ લગાવ્યો હતો. અગાઉના એક ટ્વિટમાં, તેણે વાયરસને "ચાઇનાનો પ્લેગ" પણ ગણાવ્યો છે, ચિની અધિકારીઓ પર વાયરસનું મૂળ જાહેર કરવા દબાણ કર્યું છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube