રાજ્યભરમાં કાતિલ ઠંડી (Coldwave) પડી રહી છે. સૌથી ઓછું તાપમાન કચ્છના નલિયા (Naliya) માં 3.6 ડિગ્રી નોંધાયું છે. બનાસકાંઠાના ડીસામાં 6.8 ડિગ્રી તાપમાન નોંધાયું છે. રાજકોટમાં ઠંડીનો પારો 9.3 ડિગ્રી પર પહોંચી ગયો છે. તો અમદાવાદમાં લઘુત્તમ તાપમાન 10.2 ડિગ્રી પર પહોંચી ગયું છે. શીત લહેરથી આખુ ગુજરાત થર થર ધ્રુજી રહ્યું છે. શહેરોમાં સવારે વાહનચાલકોને ધુમ્મસનો સામનો કરી રહ્યા છે, તો ગામડાંમાં ઝાકળ પડતાં જમીન ઠરીને બરફ બની ગઈ છે. આજે રવિવાર હોવાથી સ્કૂલોમાં બાળકોને રાહત છે પરંતુ ઘરમાં પણ ઠંડી હાડ થીજાવી રહી છે.