રાજ્યમાં કમોસમી વરસાદે જગતના તાત(Farmers)ની કમર તોડી નાખી છે. અનેક પાક નિષ્ફળ ગયા છે. ખેડૂતોને પારાવાર નુકસાન સહન કરવું પડ્યું છે. જેને લઈને રાજ્ય સરકારે અગાઉ 700 કરોડનું પેકેજ(Relief Package) જાહેર કર્યું હતું. પરંતુ હવે જે પ્રમાણમાં નુકસાન થયું છે તેને જોતા સરકારે પણ સ્વીકાર્યું કે નુકસાનના પ્રમાણમાં પેકેજ ઓછુ છે. રાજ્ય સરકાર દ્વારા કમોસમી વરસાદનો ભોગ બનેલા ખેડૂતો માટે નવું પેકેજ મંગળવાર સુધીમાં જાહેર થવાની સંભાવના વ્યક્ત કરાઈ છે.