6 એરબેગની સેફ્ટીથી લેસ છે આ 5 SUV,સૌથી સસ્તીની કિંમત માત્ર 6.13 લાખ, અહીં જુઓ લિસ્ટ

નવી દિલ્હીઃ જો તમે નજીકના ભવિષ્યમાં કાર ખરીદવા જઈ રહ્યાં છો અને તમારા પરિવારની સુરક્ષાનો ખ્યાલ રાખો છો તો આ સમાચાર તમારા માટે છે. કંપનીઓ કારમાં ગ્રાહકોની સુરક્ષા માટે એરબેગ આપે છે. ઘણી કંપનીઓ પોતાની કારોમાં સેફ્ટી માટે 6 એરબેગ પણ ઓફર કરી રહી છે. કારમાં અપાતી એરબેગ ગ્રાહકોને અચાનક થતી ટક્કરથી બચાવે છે. આ કંપનીઓમાં હ્યુન્ડઈ ઈન્ડિયા, કિયા ઈન્ડિયા અને ટાટા મોટર્સ પણ સામેલ છે. આવો જાણીએ આવી 5 SUV વિશે જેમાં ગ્રાહકોને ફેમેલી સેફ્ટી માટે 6 એરબેગ મળી રહી છે. 

1. Hyundai Exter
હ્યુન્ડઈ ઈન્ડિયાએ પોતાની પોપુલર મોસ્ટ અફોર્ટેબલ એક્સટરને 6 એરબેગની સેફ્ટીથી લેસ કરી છે. હ્યુન્ડઈ એક્સ્ટરની માર્કેટમાં શરૂઆતી એક્સ-શોરૂમ કિંમત 6.13 લાખ રૂપિયા છે. 

2. Hyundai Venue
હ્યુન્ડઈ ઈન્ડિયાએ પોતાની પોપુલર એસયુવી વેન્યૂમાં પણ 6-એરબેગની સેફ્ટી આપી છે. નોંધનીય છે કે માર્કેટમાં હ્યુન્ડઈ વેન્યૂની શરૂઆતી કિંમત 7.94 લાખ રૂપિયા છે. 

આ પણ વાંચોઃ Jio ના 2 પ્રીપેડ પ્લાન પર બમ્પર ઓફર! મળશે 6GB એક્સ્ટ્રા ડેટા અને અન્ય બેનિફિટ્સ...

3. Kia Sonet 
કિયા ઈન્ડિયાએ ભારતમાં પોતાની બેસ્ટ સેલિંગ એસયુવી સોનેટના દરેક વેરિએન્ટમાં 6-એરબેગની સેફ્ટી આપી છે. નોંધનીય છે કે કિયા સોનેટની ભારતમાં શરૂઆતી એક્સ-શોરૂમ કિંમત 7.99 લાખ રૂપિયા છે. 

4. Tata Nexon
ભારતીય દિગ્ગજ કાર નિર્માતા કંપની ટાટા મોટર્સ પોતાની બેસ્ટ સેલિંગ એસયુવી ટાટા નેક્સોનના દરેક વેરિએન્ટમાં 6-એરબેગ સેફ્ટી ઓફર કરે છે. નોંધનીય છે કે ટાટા નેક્સનની શરૂઆતી એક્સ-શોરૂમ કિંમત 8.15 લાખ રૂપિયા છે. 

5. Kia Seltos
કિયા ઈન્ડિયા પોતાની બેસ્ટ સેલિંગ એસયુવીમાં એક સેલ્ટોસના દરેક વેરિએન્ટમાં સેફ્ટી માટે 6 એરબેગ ઓફર કરે છે. નોંધનીય છે કે કિયા સેલ્ટોસની ભારતમાં શરૂઆતી એક્સ-શોરૂમ કિંમત 10.90 લાખ રૂપિયા છે.