29 એપ્રિલના સમાચાર

29 એપ્રિલના સમાચાર News

અમદાવાદના પોલીસ જવાનો પર કોરોનાનો કહેર, 105 કર્મચારી ઝપેટમાં
Coronavirus
અમદાવાદના પોલીસ જવાનો પર કોરોનાનો કહેર, 105 કર્મચારી ઝપેટમાં
અમદાવાદમાં ફ્રન્ટ વોરિયર્સ તરીકે કામ કરતા પોલીસ જવાનો પર કોરોનાનો કહેર વરસી પડ્યો છે. જનતા કરફ્યૂના દિવસથી પોલીસ જવાનો ખડેપગે સતત ફરજ બજાવી રહ્યાં છે. સૌથી વધુ અમદાવાદ પોલીસના જવાનો કોરોનાના ઝપેટમાં આવી રહ્યાં છે. જેને કારણે પોલીસ બેડામાં સન્નાટો વ્યાપી ગયો છે. આજે વધુ 8 પોલીસકર્મીઓ કોરોના રિપોર્ટ પોઝિટિવ આવ્યા છે. અમદાવાદમાં જમાલપુર, દરિયાપુર, ખાડિયા, કાલુપુર અને શાહપુર જેવા કન્ટેનમેન્ટ ઝોનમાં ફરજ બજાવતા પોલીસકર્મીઓને વાયરસનો ચેપ લાગી રહ્યો છે. પોલીસ તંત્રમાં કોરોના વાઇરસના કેસો વધી રહ્યા છે. કુલ 105 પોલીસ કર્મચારીઓ પોઝિટિવ નોંધાયા છે. અમદાવાદ પોલીસમાં 41 સ્થાનિક પોલીસ જવાનોને ચેપ લાગ્યો છે. બાકીના SRP અને TRB જવાન સહિતના કર્મચારીઓ પણ કોરોનાના ઝપેટમાં આવી ગયા છે. 
Apr 29,2020, 23:55 PM IST
રાજકોટમાં ટીખળખોરોનું કારસ્તાન, દુકાનના શટરને તલવારના ઘા માર્યા
Coronavirus
રાજકોટમાં ટીખળખોરોનું કારસ્તાન, દુકાનના શટરને તલવારના ઘા માર્યા
રાજકોટમાં નાનામવા વિસ્તારમાં લોકડાઉનમાં ગઈકાલે મારામારીની ઘટના બની છે. ગઈકાલે મોડી રાત્રે પાન-માવા મુદ્દે હથિયારો સાથે ધિંગાણું થયું હતું. વામ્બે આવાસ યોજના પાસે દુકાનના શટરમાં તલવારના ઘા મારતા સીસીટીવી આવ્યા સામે આવ્યા છે. આ ઘટના કોઈએ સીસીટીવીમાં કેદ કરી હતી. વાયરલ સીસીટીવી મુદ્દે પોલીસે તપાસ શરૂ કરી હતી. લોકડાઉનના ખુલ્લેઆમ ધજાગરા રાજકોટનો આ વીડિયો વાયરલ થયો હતો. તલવાર લઈને નીકળેલા બંન્ને શખ્સો આખરે ઝડપાયા હતા. નિલેશ પરમાર અને લલિત પરમાર નામના બે શખ્સોને પોલીસે પકડી પાડ્યા હતા. તાલુકા પોલીસે બંન્ને શખ્સોની ધરપકડ કરી છે.
Apr 29,2020, 23:26 PM IST
વડોદરાનું આજનું કોરોના રિપોર્ટ કાર્ડ: 22 નવા કેસનો ઉમેરો, 9 દર્દીઓ રિકવર થયા
Coronavirus
વડોદરાનું આજનું કોરોના રિપોર્ટ કાર્ડ: 22 નવા કેસનો ઉમેરો, 9 દર્દીઓ રિકવર થયા
વડોદરામાં પણ કોરોનાના કેસોમાં સતત વધારો થઈ રહ્યો છે. ત્યારે આજે વડોદરામાં કુલ 22 કેસનો વધારો થયો છે. આ સાથે વડોદરામાં કુલ કેસનો આંકડો 270 પર પહોંચી ગયો છે. આજે એક જ દિવસમાં કોરોનાના નવા 22 કેસનો ઉમેરો તો થયો જ છે, પરંતુ બીજી તરફ વડોદરામાં કોરોનાને લઈ રાહતના સમાચાર પણ આવ્યા છે. આજે કોરોનાને વધુ 9 દર્દીઓએ મ્હાત આપી છે. ગોત્રી કોવિડ હોસ્પિટલમાંથી 4 દર્દીઓ સાજા થયા. તો અન્ય 3 દર્દી કોરોના કેર સેન્ટરમાંથી  અને 1 દર્દી પારૂલ હોસ્પિટલમાંથી સાજો થયો છે. 10 વર્ષની કિશોરી અને 81 વર્ષના વૃદ્ધ પણ કોરોનાથી સાજા થયા છે. આમ, વડોદરામાં અત્યાર સુધી કોરોનાથી 99 દર્દીઓ સાજા થયા છે. 
Apr 29,2020, 22:38 PM IST
લોકડાઉન : હનિમૂન કરવા ગયેલુ વાપીનું તબીબ દંપતી ઓસ્ટ્રેલિયાના એક ટાપુ પર ફસાયુ
Coronavirus
લોકડાઉન : હનિમૂન કરવા ગયેલુ વાપીનું તબીબ દંપતી ઓસ્ટ્રેલિયાના એક ટાપુ પર ફસાયુ
કોરોના વાયરસ (Coronavirus) નું સંક્રમણ વિશ્વના અનેક દેશોમાં ફેલાઈ ચૂક્યું છે. આ કારણે અનેક લોકો કોઈને કોઈ દેશોમાં ફસાયા છે. કોઈ વિદ્યાર્થી છે, તો કોઈ મીટિંગ માટે, તો કોઈ ફરવા ગયા હતા, જેઓ લોકડાઉનને કારણે અટવાયા છે. ત્યારે વાપી શહેરનું એક નવપરણીત કપલ હાલ ઓસ્ટ્રેલિયામાં ફસાયુ છે. આ તબીબ કપલ હનિમૂન માટે ઓસ્ટ્રેલિયા ગયું હતું, અને લોકડાઉનને કારણે ગત એક મહિનાથી ફસાયું છે. 
Apr 29,2020, 21:22 PM IST
આખું ગુજરાત ફેરવાયું અગનગોળામાં, 5 શહેરોનું તાપમાન 43 ડિગ્રીથી વધુ
Heatwave
આખું ગુજરાત ફેરવાયું અગનગોળામાં, 5 શહેરોનું તાપમાન 43 ડિગ્રીથી વધુ
ગુજરાતમાં ગરમીની જોરદાર ઈનિંગ શરૂ થઈ ગઈ છે. ત્યારે હવે ખરેખર સમગ્ર ગુજરાત અગનગોળામાં ફેરવાયુ હોય તેવું અનુભવાઈ રહ્યું છે. હવામાન વિભાગના આંકડા તેનો બોલતો પુરાવો છે. રાજ્યના 5 શહેરોમાં તાપમાન 43 ડિગ્રીથી પણ વધી નોંધાયુ છે. ગુજરાતની ધરતી જ્યારે સતત તપી રહી હોય, તેમ ગુજરાતમાં ગરમીના પારા (Heatwave) નો વધારો થઈ રહ્યો છે. તો લોકડાઉન વચ્ચે પણ લોકો તપતી ગરમીમાં બહાર રખડતા જોવા મળી રહ્યાં છે. જોકે, આગામી દિવસમાં વધુ 2 ડિગ્રી તાપમાન વધવાની સંભાવના છે. 
Apr 29,2020, 22:41 PM IST
ગુજરાત કોરોનાના વિસ્ફોટ પર, એક દિવસમાં નવા 308 કેસનો રાફડો, અમદાવાદમાં જ 234
Coronavirus
ગુજરાત કોરોનાના વિસ્ફોટ પર, એક દિવસમાં નવા 308 કેસનો રાફડો, અમદાવાદમાં જ 234
ગુજરાતના કોરોના (Coronavirus) અટકવાનુ નામ નથી લેતો. આરોગ્ય સચિવ જયંતી રવિએ આપેલી માહિતી મુજબ, આજે ગુજરાતમાં નવા 308 કેસ આવ્યા છે. જેમાં સૌથી વધુ 234 કેસ સાથે અમદાવાદ ટોપ પર છે, તો એક દિવસમાં કુલ 16 લોકોના મોત નિપજ્યા છે. 
Apr 29,2020, 20:19 PM IST
અમદાવાદને કારણે ગાંધીનગરમાં કોરોના ચેપ વધતો હોવાનો આક્ષેપ, લેવાયા કડક પગલા
Coronavirus
અમદાવાદને કારણે ગાંધીનગરમાં કોરોના ચેપ વધતો હોવાનો આક્ષેપ, લેવાયા કડક પગલા
ગાંધીનગરમાં વધી રહેલા કોરોના વાયરસ (Coronavirus) ના નવા કેસોને ધ્યાનમાં રાખીને અમદાવાદથી ગાંધીનગર આવતા લોકોની માહિતી આપવા વહીવટી તંત્રએ અપીલ કરી છે. ગાંધીનગરમા મોટા પ્રમાણમાં અમદાવાદથી લોકોની અવરજવર રહેતી હોય છે. જેને કારણે ગાંધીનગર (gandhinagar) માં કોરોનાના કેસોમાં વધારો થઈ રહ્યો છે. જેના કારણે સ્થાનિક વહિવટી તંત્રએ અમદાવાદ (ahmedabad) થી ગાંધીનગર આવતા લોકોની અવરજવર પર રોક લગાવવા કડક પગલાં ભરવાની તૈયારી કરી છે. ઉલ્લેખનીય છે કે, પાટનગર ગાંધીનગરમાં આજે કોરોનાના ચાર નવા કેસ સામે આવ્યા છે. 
Apr 29,2020, 19:11 PM IST
સમગ્ર દ્વારકામાં હજુ સુધી કોરોનાનો એકપણ કેસ નહિ
Coronavirus
સમગ્ર દ્વારકામાં હજુ સુધી કોરોનાનો એકપણ કેસ નહિ
ગુજરાત સરકારના આરોગ્ય સચિવ જયંતિ રવિએ તાજેતરમાં જ રાજ્યમાં કોરોના (Coronavirus) ના આંકડા જણાવ્યું કે, ગુજરાતના 30 જિલ્લામાં કોરોના વાયરસ ફેલાયેલો છે. ત્રણ જિલ્લાઓ હજી પણ કોરોના વાયરસથી દૂર છે. સરકારી આંકડા મુજબ, અમરેલી, જુનાગઢ અને દ્વારકા (Dwarka) ત્રણ એવા જિલ્લા છે, જેમાં હજી સુધી કોરોનાનો એક પણ કેસ નોંધાયો નથી. ચારધામમાંનું એક ધામ અને સાત પૂરીમાંની એક પૂરી મનાતા દ્વારકાધીશ જ્યાં બિરાજે છે તે દ્વારકા કેવી રીતે કોરોનાને દૂર રાખી શક્યું તે રિસર્ચનો વિષય છે. પણ, સ્થાનિક તંત્ર દ્વારા જ જાણીએ કે તેઓએ કેવી તકેદારી અને કેવા એક્શન પ્લાન વચ્ચે કોરોનાને હંફાવ્યો છે. 
Apr 29,2020, 19:22 PM IST
સૌરાષ્ટ્ર પંથકમાં મોટું સંકટ, અનેક જિલ્લામાં વીજળી સાથે કમોસમી વરસાદ ખાબક્યો
કમોસમી વરસાદ
સૌરાષ્ટ્ર પંથકમાં મોટું સંકટ, અનેક જિલ્લામાં વીજળી સાથે કમોસમી વરસાદ ખાબક્યો
સમગ્ર સૌરાષ્ટ્ર પંથકમાં હાલ મોટું સંકટ તોળાઈ રહ્યું છે. કોરોનાના કહેર વચ્ચે અહી કમોસમી વરસાદ ખાબકી પડ્યો છે. અમરેલી, રાજકોટ, બોટાદ, ગોંડલ, જસદણ સર્વત્ર કમોસમી વરસાદ પડ્યો છે. બપોર બાદ અહીં અચાનક વાતાવરણમાં પલટો આવ્યો હતો. આ સાથે જ સૌરાષ્ટ્ર પંથકના ખેડૂતોના માથે મોટી મુશ્કેલી ઉભી થઈ છે. કમોસમી વરસાદથી ઉનાળુ પાક નાશ પામી શકે છે. 
Apr 29,2020, 17:22 PM IST
સોશિયલ ડિસ્ટન્સિંગ અને માસ્કને આદતની જેમ જીવનનો ભાગ બનાવો : શિવાનંદ ઝા
Coronavirus
સોશિયલ ડિસ્ટન્સિંગ અને માસ્કને આદતની જેમ જીવનનો ભાગ બનાવો : શિવાનંદ ઝા
લોકડાઉનમાં રાજ્યમાં કાયદો અને વ્યવસ્થા અંગે રાજ્ય સરકાર દ્વારા લેવાયેલા મહત્વના નિર્ણયો અંગે માહિતી આપતા ડીજીપી શિવાનંદ ઝાએ જણાવ્યું કે, ફોર વ્હીલરમાં 2 જણા અને ટુ-વ્હીલરમાં એક વ્યક્તિ જ બેસે એ જરૂરી છે. જો આમ નહીં કરવામાં આવે તો વાહન જપ્ત કરવામાં આવશે. સાથે જ તેમણે કહ્યું કે, સામાજિક અંતર અને માસ્કને જીવનનો ભાગ બનાવો. પોલીસ પર હુમલાના સુરેન્દ્રનગરના કેસમાં આરોપીઓની ધરપકડ કરવામાં આવી છે. આ ગુનામાં બે આરોપીઓને પાસા કરવામાં આવ્યા છે.
Apr 29,2020, 18:04 PM IST
રાહતના સમાચાર : સૌથી પહેલા ગુજરાતમાં કચ્છ જિલ્લો બન્યો કોરોનામુક્ત
Coronavirus
રાહતના સમાચાર : સૌથી પહેલા ગુજરાતમાં કચ્છ જિલ્લો બન્યો કોરોનામુક્ત
કોરોના (Coronavirus) ના કહેર અને સતત વધી રહેલા કેસ વચ્ચે કચ્છ જિલ્લામાંથી સૌથી પહેલા રાહતના સમાચાર સામે આવ્યાં છે. ગુજરાતના ત્રણ જિલ્લા હજુ પણ કોરોનાની પહોંચથી દૂર છે, ત્યારે હવે કચ્છ જિલ્લો (kutch) ગુજરાતમાં સૌથી પહેલા કોરોના મુક્ત થયો છે. કચ્છ જિલ્લાના વહીવટી તંત્ર દ્વારા કોરોના પર જીત મેળવાઈ છે. તેમના પ્રયાસો આખરે સફળ થયા છે. તો આ સાથે જ આ ગુજરાત સરકાર માટે પણ મોટા રાહતના સમાચાર કહી શકાય. 
Apr 29,2020, 15:28 PM IST

Trending news