2 મેના સમાચાર

2 મેના સમાચાર News

સુરતથી નીકળેલા યુપી-બિહારના પરપ્રાંતિયો રસ્તામાં અનેક સ્થળોએ અટવાયા
Coronavirus
સુરતથી નીકળેલા યુપી-બિહારના પરપ્રાંતિયો રસ્તામાં અનેક સ્થળોએ અટવાયા
કેન્દ્ર સરકાર દ્વારા પરપ્રાંતીયોને જવાની છૂટછાટ આપવામાં આવી ત્યારથી તેઓ પોતાના વતન જવા તત્પર બન્યા છે. પણ તેઓને વિવિધ પોતાના વતનમાં પહોંચવા માટે વિવિધ પ્રોસેસનો સામનો કરવો પડી રહ્યો છે. સુરતથી વતન જવા નીકળેલા પરપ્રાંતયો (migrants) આજે વડોદરામા અટવાયા હતા. પોલીસ દ્વારા દરજીપુરા મેદાનમાં વાહનો રોકી દેવામા આવ્યા હતા. પાસ પરમીટ હોવા છતા વડોદરા પોલીસે રોકતા પરપ્રાંતીઓ રોષે ભરાયા હતા. પરપ્રાંતિયોની બસો અને ટ્રકો વડોદરા રોકવામા આવી હતી. યુપી બિહાર તરફ જવા નીકળેલા પરપ્રાંતિયો મુશ્કેલીમાં મૂકાયા હતા. બીજી તરફ અકળાયેલા પરપ્રાંતિયો હાઈવે પર આવી ગયા હતા. સોશિયલ ડિસ્ટન્સના ધજાગરા ઉડ્યા હતા. સોશિયલ મીડિયા માં વિડીયો વાઇરલ થતા તંત્ર પણ દોડતું થયું હતું.
May 2,2020, 17:00 PM IST
દાહોદ-હાલોલ રોડ પર પરપ્રાંતીયોએ પોલીસ પર પથ્થરમાર્યો કર્યો
Coronavirus
દાહોદ-હાલોલ રોડ પર પરપ્રાંતીયોએ પોલીસ પર પથ્થરમાર્યો કર્યો
લોકડાઉનમાં પોતાના રાજ્યોમાં જવા છૂટછાટ મળતા જ પરપ્રાંતીયોમાં હાશકારો થયો છે. તંત્ર પાસેથી પાસ મેળવીને મોટી સંખ્યામાં પરપ્રાંતીયો પોતાના વતનમાં જવા નીકળ્યા છે. આજે રાજ્ય સરકાર દ્વારા પણ ઓરિસ્સા અને યુપી માટે ટ્રેન દોડાવવામાં આવનાર છે. આવામાં પોતાના રાજ્યમાં જવા નીકળેલા પરપ્રાંતીયો રસ્તામાં અટવાયા છે. તો દાહોદ અને વડોદરામાં પરપ્રાંતીયો દ્વારા પથ્થરમારો કરવામાં આવ્યો હતો. 
May 2,2020, 16:14 PM IST
Photos : મુંબઈ બેઠેલા યુવકે 836 કિમી દૂર ભૂજ બેસેલી યુવતી સાથે ઓનલાઈન સગાઈ કરી
Coronavirus
Photos : મુંબઈ બેઠેલા યુવકે 836 કિમી દૂર ભૂજ બેસેલી યુવતી સાથે ઓનલાઈન સગાઈ કરી
લોકડાઉન વચ્ચે સોશિયલ ડિસ્ટન્સિંગનો એક રસપ્રદ કિસ્સો સામે આવ્યો છે. જેમાં મુંબઈના થાણે બેઠેલા યુવકે 836 કિલોમીટર દૂર બેઠેલી ભૂજની યુવતી સાથે વીડિયો કોન્ફરન્સ મારફતે સગાઇ કરી હતી. અત્યાર સુધી વિદેશ બેઠેલા મંગેતર સાથે ઓનલાઇન લગ્નના કિસ્સા સામે આવ્યા હતા, પણ લોકડાઉનના પગલે આંતરરાજ્ય ઓનલાઇન સગાઈનો પ્રથમ કિસ્સો સામે આવ્યો છે. 
May 2,2020, 13:53 PM IST
AMCનો મહત્વનો નિર્ણય : કોરોના વોરિયર્સને કોરોના હશે તો ફાઈવસ્ટાર હોટલમાં ફ્રી સારવાર
Coronavirus
AMCનો મહત્વનો નિર્ણય : કોરોના વોરિયર્સને કોરોના હશે તો ફાઈવસ્ટાર હોટલમાં ફ્રી સારવાર
અમદાવાદમાં કોરોના અંગેના મહત્વના અપડેટ્સ અંગે AMC કમિશનર વિજય નહેરાએ જણાવ્યું કે, લોકડાઉનનું પાલન થાય તો કોરોનાના કેસ ઘટી શકે છે. 14 દિવસના લોડાઉનનું યોગ્ય રીતે પાલન થશે તો જોઈએ તેવા પરિણામો મળશે. પહેલા બે લોકડાઉનમાં જે સફળતા મેળવી તેવી જ રીતે ત્રીજા લોકડાઉનું પણ પાલન કરીએ. સંપૂર્ણપણે ઘરમાંથી ન નીકળીએ, માસ્ક પહેરી રાખવાનું, થૂંકવુ નહિ. જો 14 દિવસ સુધી 100 ટકા લોકડાઉનનું પાલન કરીશુ તો મે મહિના અંત સુધીમાં સંક્રમણ ઘટી શકે. આપણે તમામ અમદાવાદીઓ એકસાથે મળીને લોકડાઉનનું સંપૂર્ણ મક્કકમતા, પૂર્ણ અનુશાસન અને શિસ્ત સાથે પાલન કરીએ. 
May 2,2020, 13:00 PM IST
અમદાવાદ-ગાંધીનગરમાં કોરોના વોરિયર્સના સન્માનમાં Air Forceની ફ્લાયપાસ્ટની તૈયારી શરૂ
એરફોર્સ
અમદાવાદ-ગાંધીનગરમાં કોરોના વોરિયર્સના સન્માનમાં Air Forceની ફ્લાયપાસ્ટની તૈયારી શરૂ
કોરોના વાયરસ (Coronavirus) ને ડામવા ભારતમાં કામ કરી રહેલા કોરોના વોરિયર્સને અનોખી રીતે સન્માન કરવાનું આયોજન કરવામાં આવ્યું છે. ચીફ ઓફ ડિફેન્સ સ્ટાફ (CDS) જનરલ બિપીન રાવતે શુક્રવારે સાંજે આર્મ્ડ ફોર્સિસના આ પહેલની માહિતી આપી હતી. તેમણે જણાવ્યું કે, ભારતીય વાયુસેના (indian air force) 3 મેના રોજ એક ફ્લાયપાસ્ટ (flypast) માં ફૂલોનો વરસાદ કરીને કોરોના વોરિયર્સ પ્રતિ સન્માન આપશે. ત્યારે અમદાવાદ અને ગાંધીનગરની હોસ્પિટલોમાં જ્યાં કોરોના વાયરસના દર્દીઓની સારવાર થઈ રહી છે ત્યાં એરફોર્સના હેલિકોપ્ટરે દ્વારા આવતીકાલે સવારે ૯ થી ૧૦ વાગ્યા દરમિયાન પુષ્પવર્ષા કરવામાં આવશે. ત્રણેય પાંખના વડા દ્વારા ગઈકાલે જાહેરાત કરવામાં આવી હતી કે, આવતીકાલે સવારના સમયગાળા દરમિયાન કોરોના યોદ્ધાઓનું પુષ્પ વર્ષાથી અભિવાદન અને સન્માન કરાશે. 
May 2,2020, 12:17 PM IST
ચેતી જજો અમદાવાદીઓ, 3 નવા વિસ્તારો રેડ ઝોનમાં ઉમેરાયા
Coronavirus
ચેતી જજો અમદાવાદીઓ, 3 નવા વિસ્તારો રેડ ઝોનમાં ઉમેરાયા
અમદાવાદ  શહેરમાં કોરોના કેસ (Coronavirus) ની સંખ્યા સતત વધી રહી છે. તેથી AMC એ નવા ત્રણ વિસ્તારોનો રેડ ઝોનમાં સમાવેશ કર્યો છે. અમદાવાદ (Ahmedabad) ના અસારવા, સરસપૂર અને ગોમતીપુર વિસ્તારોને રેડ ઝોન જાહેર કર્યા છે. આ સાથે શહેરમાં કુલ 9 વોર્ડ રેડ ઝોન વોર્ડ બન્યા છે. જોકે, રેડ ઝોન જાહેર કરવા છતાં અસારવામાં આજે લોકોની ભારે ચહલપહલ જોવા મળી હતી. લોકો હજી પણ માર્ગ પર ફરતા જોવા મળી રહ્યા હતા. તો ગોમતીપુર પણ રેડઝોનને પગલે પોલીસનું કડક ચેકિંગ હાથ ધરાયું છે. 
May 2,2020, 11:16 AM IST
તમારા ઘરે ભલે નેટવર્ક આવે કે ન આવે, પણ માઉન્ટ એવરેસ્ટ પર પહોંચી ગયું 5G સિગ્નલ
Mount Everest
તમારા ઘરે ભલે નેટવર્ક આવે કે ન આવે, પણ માઉન્ટ એવરેસ્ટ પર પહોંચી ગયું 5G સિગ્નલ
ચીનની તરફથી માઉન્ટ એવરેસ્ટ પર ચઢનારા પર્વતારોહી હવે આ પર્વત સર કરવા પહોંચીને 5G સુવિધા મેળવી શકશે. ચીનની સરકારી મીડિયાએ શુક્રવારે ખબર આપ્યા કે, દૂરવર્તી હિમાલયી ક્ષેત્રમાં દુનિયાના સૌથી ઉંચાઈવાળા બેઝ સ્ટેશનથી પરિચાલન શરૂ કરી દીધું છે. ચીનની સરકારી ટેલિકોમ કંપની ચાઈના મોબાઈલના અનુસાર આ બેઝ સ્ટેશન 6500 મીટરની ઊંચાઈ પર બનાવવામાં આવ્યું છે. તે દુનિયાનું સૌથી ઉંચુ શિખર માઉન્ટ એવરેસ્ટના બેઝ કેમ્પ પર સ્થિત છે. કંપનીએ ગુરુવારે આ કામ શરૂ કર્યું છે.  
May 2,2020, 10:52 AM IST
સુરત જિલ્લા પોલીસનું પરપ્રાંતીયો માટે બેજવાબદાર વર્તન, ‘બે દિવસ છે.. સુરતથી જતા રહો.
Coronavirus
સુરત જિલ્લા પોલીસનું પરપ્રાંતીયો માટે બેજવાબદાર વર્તન, ‘બે દિવસ છે.. સુરતથી જતા રહો.
પરપ્રાંતિયોને બે દિવસમાં સુરત છોડવાનો આદેશ આપતા સુરત જિલ્લા પોલીસના વીડિયો વાયરલ થયો છે. સુરત જિલ્લા પોલીસનું બેજવાબદારીભર્યું વર્તન સામે આવ્યું છે. આ વીડિયો હાલ વાયરલ થયો છે. વીડિયોમાં સુરત જિલ્લા પોલીસ પરપ્રાંતિયોને ચેતવણી આપી રહી છે. વીડિયોમાં કહેવાઈ રહ્યું છે કે, બે દિવસ બાદ કોઈને જવા દેવામાં નહિ. વધારે રૂપિયા આપીને પણ પરપ્રાંતીયો વતન લોકો ચાલ્યા જાય. બે દિવસ બાદ ઘરની બહાર નહીં જવા દેવાય. જમવાનું આપવાનું પણ બંધ કરવામાં આવ્યું. જે ગાડી મળે તેમ વતન જવાનું ફરમાન કરાયું. 
May 2,2020, 10:28 AM IST
અમદાવાદની કેન્સર હોસ્પિટલમાં હવે કોરોનાના દર્દીઓની સારવાર શરૂ કરાઈ
Coronavirus
અમદાવાદની કેન્સર હોસ્પિટલમાં હવે કોરોનાના દર્દીઓની સારવાર શરૂ કરાઈ
કોરોનાનું સંક્રમણ અટકાવવા રાજ્ય પ્રશાસન યુદ્ધના ધોરણે કામગીરી કરી રહ્યું છે. એક પણ ક્ષેત્ર એવું નથી કે જેમાં વિશેષ ધ્યાન કેન્દ્રિત ન કર્યું હોય. રાજ્ય સરકાર દ્વારા કોરોના (Coronavirus) ના સંક્રમિત દર્દીઓ માટેની ડેઝિગ્નેટેડ 1200 બેડની હોસ્પિટલમાં પોઝિટિવ લક્ષણો ધરાવતા દર્દીઓને સારવાર અપાય છે. તો સાથે સાથે શંકાસ્પદ દર્દીઓને પણ અહીં રાખવામાં આવે છે. અમદાવાદ (Ahmedabad) ની પ્રખ્યાત કેન્સર હોસ્પિટલમાં આ સારવાર શરૂ કરાઈ છે. 
May 2,2020, 8:52 AM IST

Trending news