AUS Open: ફેડરરનું સપનું રોળાયું, જોકોવિચે સેમિફાઇનલમાં હરાવી કર્યો બહાર

મેલબોર્નઃ સર્બિયાના ટેનિસ સ્ટાર નોવાક જોકોવિચ (djokovic) વર્ષના પ્રથમ ગ્રાન્ડસ્લેમ ઓસ્ટ્રેલિયન ઓપનના (AUS Open) ફાઇનલમાં પહોંચી ગયો છે. ગુરૂવારે વર્લ્ડ નંબર-2 જોકોવિચે સ્વિસ દિગ્ગજ રોજર ફેડરરને (federer vs djokovic)  7-6 (7-1), 6-4, 6-3થી પરાજય આપ્યો હતો. આ હારની સાથે 38 વર્ષીય વર્લ્ડ નંબર-3 ફેડરરનું 21મું ગ્રાન્ડ સ્લેમ ટાઇટલ જીતવાનું સપનું અધુરૂ રહી ગયું છે. 

રેકોર્ડ આઠમું ટાઇટલ જીતવા માટે ઉતરેલા 32 વર્ષના જોકોવિચે પોતાની શાનદાર રમતથી 2 કલાક 18 મિનિટમાં ફેડરરને પરાજય આપ્યો હતો. હવે ફાઇનલમાં જોકોવિચનો સામનો ઓસ્ટ્રિયાના પાંચમી સીડ ડોમિનિક થીમ અને જર્મનીના સાતમી સીડ એલેક્ઝેન્ડર જ્વેરેવ વચ્ચે રમાનારી બીજી સેમિફાઇનલના વિજેતા સામે થશે. 

🇷🇸 U-N-S-T-O-P-P-A-B-L-E 🇷🇸@DjokerNole def. Roger Federer for the 27th time 7-6(1) 6-4 6-3 to earn the chance to play for his 8️⃣th #AusOpen title 🏆#AO2020 pic.twitter.com/Hy7lu8AIHo

— #AusOpen (@AustralianOpen) January 30, 2020

આ સાથે ફેડરરની પોતાના વિરોધી જોકોવિચ સામે મેલબોર્નમાં ચોથી હાર છે અને આ તમામ મેચ સેમિફાઇનલ રહી છે. આ પહેલા 2008, 2011 અને 2016માં જોકોવિચે ફેડરરને પરાજય આપ્યો હતો. 

Another #AusOpen, another final featuring @DjokerNole 👏 #AO2020 pic.twitter.com/8q71Wq6zx9

— #AusOpen (@AustralianOpen) January 30, 2020

20 ગ્રાન્ડ સ્લેમ જીતી ચુકેલા ફેડરરનો જોકોવિચ વિરુદ્ધ કરિયર રેકોર્ડ હવે 23-27નો થઈ ગયો છે. જોકોવિચની નજર 17માં ગ્રાન્ડસ્લેમ ટાઇટલ પર છે. 19 ગ્રાન્ડસ્લેમ જીતી ચુકેલ વર્લ્ડ નંબર-1 રાફેલ નડાલ પહેલા જ બહાર થઈ ચુક્યો છે. ઓસ્ટ્રિયાના ડોમિનિક થીમે તેને અપસેટનો શિકાર બનાવ્યો હતો. 

જુઓ LIVE TV

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

વાંચો સ્પોર્ટ્સના અન્ય સમાચાર