Neck Wrinkle: કેમ પડે આવા દાગ? ગળા પરની રિંકલ્સને દૂર કરવા માટે અપનાવો આ રામબાણ ઈલાજ

નવી દિલ્લીઃ ચહેરો સુંદર હોવાની સાથે સાથે ગરદન પણ આકર્ષક દેખાવી જરૂરી છે. તો જ લુક સારો દેખાય છે. વધતી ઉંમરની અસર માત્ર ચહેરા સુધી જ સીમિત નથી હોતી, તે ગરદન પર પણ જોવા મળે છે. ગળા પરની રિંકલ્સને ઘટાડવા માટે અહીં જણાવેલી ટિપ્સને ફોલો કરો.

1. એક્સ્ફોલિયેશન જરૂરી છે:
એક્સ્ફોલિયેશન માત્ર એક ભાગ માટે જ નહીં, પરંતુ આખા શરીર માટે જરૂરી છે. એક્સફોલિયેશનની મદદથી ગળાની ડેડ સ્કિન પરથી ગંદકી દૂર કરવામાં મદદ મળે છે. આમ કરવાથી ગરદનનો રંગ ઝાંખો પડી જાય છે. તમે ઇચ્છો તો ઘરે એક્સ્ફોલિયેશન માસ્ક પણ બનાવી શકો છો. આવું 2-3 મિનિટ અને અઠવાડિયામાં બે વાર કરો. ત્યાર બાદ ત્વચા પ્રમાણે મોઇશ્ચરાઇઝર લગાવો.

2. એન્ટિ-એજિંગ સીરમ લગાવોઃ
ગળા પરની કરચલીઓ ઓછી કરવા માટે રાત્રે સૂતા પહેલા એન્ટી એજિંગ સીરમનો ઉપયોગ કરો. રાત્રે ગરદન પર સીરમથી મસાજ કરો. રેટિનોલ, વિટામિન-સી અથવા નિયાસિગ્નાઇડ સારા એન્ટિ-એજિંગ સીરમ છે, જે તમારી ગરદનની ત્વચાને નવજીવન આપવામાં મદદ કરી શકે છે. તમારા નાઇટ કેર રૂટિનમાં ગળાના મસાજને શામેલ કરો. આને લગાવવાથી તમે ગળાને કરચલીઓ-મુક્ત બનાવી શકો છો.

3. સનસ્ક્રીનને અવગણશો નહીંઃ
સનસ્ક્રીન માત્ર ચહેરા પર જ નહીં, પરંતુ ગરદન પર પણ લગાવો. હંમેશા SPF30 સનસ્ક્રીન ખરીદો. તેનાથી કરચલીઓ, ટેનિંગ, સૂર્યના ડાઘ દૂર રહે છે. તેને ગળાની આગળ અને પાછળ લગાવો.

4. ગરદન પર મસાજ કરોઃ
રૂટિનમાં નેક મસાજનો સમાવેશ કરો. અઠવાડિયામાં બેથી ત્રણ વખત ગરદન પર તેલની માલિશ કરો. કેમોલી, નારિયેળ અને બદામના તેલથી જ મસાજ કરો. તેલ લગાવ્યા પછી હાથથી ઉપરની તરફ મસાજ કરો, આ તમારી ગરદનને નરમ અને હાઇડ્રેટેડ રાખશે. તડકાના કારણે ગરદન કાળી પડી ગઈ હોય તો ફુદીનાનું તેલ તેનો રંગ સાફ કરવામાં મદદ કરે છે. આ તેલથી ગરદન પર મસાજ કરો, કારણ કે તેનાથી જ્ઞાનતંતુઓને આરામ મળે છે.