દરેક માતા પિતા સાવધાન...બાળકો જો લિફ્ટનો ઉપયોગ કરતા હોય તો ખાસ જુઓ VIDEO

મુંબઈ: મુંબઈના ધારાવી વિસ્તારમાં એક દર્દનાક અકસ્માત સર્જાયો છે જ્યાં લિફ્ટમાં ફસાઈને એક પાંચ વર્ષના બાળકનું મોત થઈ ગયું. આ સમગ્ર ઘટના લિફ્ટમાં લાગેલા સીસીટીવી કેમેરામાં કેદ થઈ ગઈ. 

મળતી માહિતી મુજબ મુંબઈના ધારાવી વિસ્તારમાં ઘોષી શેલ્ટર બિલ્ડિંગની લિફ્ટમાં આ અકસ્માત સર્જાયો. ત્રણ ભાઈ બહેન ગ્રાઉન્ડ ફ્લોરથી ચોથા માળે જવા માટે લિફ્ટમાં ચડ્યા. ત્રણ બાળકો રમતા રમતા લિફ્ટમાં ચડ્યા અને લિફ્ટનું બટન દબાવી દીધુ. જે સમયે આ ઘટના ઘટી તે વખતે લગભગ પોણો વાગ્યો હતો. 

જુઓ VIDEO

ગણતરીની ક્ષણમાં લિફ્ટ ગ્રાઉન્ડ ફ્લોરથી ચોથા માળ સુધી પહોંચી ગઈ. પહેલા બે છોકરીઓ બહાર નીકળી અને ત્યારબાદ પાંચ વર્ષનો હુઝૈફા બહાર નીકળે છે પંરતુ હુઝૈફા બહાર નીકળે તે પહેલા જ લિફ્ટનો બહારનો લાકડાનો દરવાજો બંધ થઈ જાય છે. હુઝૈફા લિફ્ટના દરવાજા અને બહારના લાકડીના દરવાજા વચ્ચે ફસાઈ જાય છે અને બીજી જ ક્ષણે લિફ્ટ ચાલુ થઈ જાય છે. 

હુઝૈફા પણ લિફ્ટ સાથે નીચે જતો રહે છે અને તેનું ઘટનાસ્થળે જ મોત થઈ જાય છે. અકસ્માત બાદ ઘટના સ્થળે પહોંચેલી ફાયર બ્રિગેડની મદદથી હુઝૈફાને બહાર કાઢવામાં આવે છે. આ ખટનામાં સાહૂ નગર પોલીસે ADR હેઠળ કેસ નોંધની તપાસ હાથ ધરી છે. 

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube