નદીમાંથી મળી આવ્યા ચાંદીના સિક્કા! લૂંટવા માટે પહોંચ્યું આખુ ગામ

નવી દિલ્હી: મધ્યપ્રદેશમાં (MP) મુશળધાર વરસાદને (Rain) કારણે ઘણા જિલ્લાઓમાં તારાજી સર્જાઈ છે. આ દરમિયાન અશોક નગરના પંચાવાલી ગામમાંથી એક સમાચાર આવ્યા, જે સાંભળીને બધાને આશ્ચર્ય થયું. ભારે વરસાદને કારણે સિંધ નદીમાં (Sindh River) ઉછાળો આવ્યો હતો, પરંતુ રવિવારે સવારે જ્યારે નદીનું પાણી ઓછુ થયું ત્યારે ગ્રામજનોને અહીંથી ચાંદીના સિક્કા (Silver Coins) મળ્યા. આ સમાચાર આખા ગામમાં જંગલની આગની જેમ ફેલાઈ ગયા, ત્યારબાદ મોટી સંખ્યામાં ગ્રામજનો નદીના કિનારે ચાંદીના સિક્કા શોધવા લાગ્યા.

ત્રણ દિવસથી ભારે વરસાદને (Rain) કારણે સિંધ નદી ઉછાળો જોવા મળી રહ્યો હતો, પરંતુ રવિવારે સવારે સિંધ નદીનું (Sindh River) પાણી શાંત થયું. જ્યારે પાણી ઘટી ગયા બાદ કેટલાક ગ્રામજનો નદી કિનારેથી પસાર થયા ત્યારે તેમને ચાંદીના સિક્કા મળ્યા. આ ચાંદીના સિક્કાઓ (Silver Coins) ખૂબ જ ખાસ દેખાતા હતા, જેના પર બ્રિટિશ શાસન દરમિયાન છાપ બનાવવામાં આવી હતી.

આ પણ વાંચો:- અમદાવાદના પૂર્વ વિસ્તારમાં ઝડપાયું બોગસ કોલ સેન્ટર, અમેરિકન નાગરીકો સાથે કરતા ઠગાઈ

અગાઉ એક-બે સિક્કા મળી આવ્યા હતા, પરંતુ જ્યારે ગ્રામજનોએ વધુ તપાસ કરી ત્યારે સાત-આઠ સિક્કા અહીંથી મળી આવ્યા હતા. આ પછી, એવું લાગ્યું કે ગ્રામજનોને લાગ્યું કે ખજાનો નદીમાંથી ક્યાંકથી તણાઈ આવ્યો છે. આ સમાચાર ગામમાં ઝડપથી ફેલાયા, જેથી મોટી સંખ્યામાં ગ્રામજનો નદી કિનારે પહોંચ્યા અને સિક્કા શોધવા લાગ્યા.

આ પણ વાંચો:- સાવધાન ગુજરાત! જો હજી નહી સમજો તો અડધુ ગુજરાત પાણીમાં ડુબી જશે, અમેરિકાએ આપી ચેતવણી

આ બાબતે, જ્યારે કોલારસ એસડીપીઓ સાથે વાત કરવામાં આવી, ત્યારે તેમણે કહ્યું કે આ માહિતી સોશિયલ મીડિયા પરથી મળી છે. સમગ્ર મામલાની તપાસ માટે સ્ટેશન ઇન્ચાર્જને સ્થળ પર મોકલવામાં આવ્યા છે. અત્યાર સુધી એ સ્પષ્ટ નથી થયું કે આ સિક્કા ક્યાંથી આવ્યા છે. જોકે આ સિક્કાઓ અંગે ચર્ચાનું બજાર ગરમ છે.

આ પણ વાંચો:- વડોદરાના યુવાને ખાનગી કંપનીની નોકરી છોડી, શરૂ કર્યો ગણેશજીની પ્રતિમા બનાવવાનો બિઝનેસ

કેટલાક લોકો માને છે કે બની શકે છે કે ઘરમાં છુપાયેલા આ સિક્કા પૂરના પાણીમાં તણાઈ આવ્યા હોય, જ્યારે કેટલાક લોકો એમ પણ કહે છે કે ધાર્મિક આસ્થાને કારણે લોકો નદીમાં સિક્કાનું દાન કરે છે. લોકોનું કહેવું છે કે બની શકે છે કે જ્યારે પૂરનું પાણી ઓછું થાય ત્યારે ગામના લોકોને હાથ લાગેલા સિક્કાઓ નદી કિનારે પહોંચી ગયા હોય.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube