કર્ણાટકમાં પીએમ મોદીની સુરક્ષામાં ચૂક! ફૂલની સાથે ફેંકવામાં આવ્યો મોબાઇલ, જુઓ Video

મૈસૂરઃ કર્ણાટક પ્રવાસના બીજા દિવસે પ્રધાનમંત્રી નરેન્દ્ર મોદીએ મૈસૂરમાં રોડ શો કર્યો. આ દરમિયાન તેમની સુરક્ષામાં ચૂકનો મામલો સામે આવ્યો છે. રોડ શો દરમિયાન પીએમ મોદીના વાહનની આગળ મોબાઈલ ફોન ફેંકવામાં આવ્યો હતો. જો કે, મીડિયા રિપોર્ટ્સ અનુસાર, પોલીસે પુષ્ટિ કરી છે કે મોબાઈલ અકસ્માતે ફૂલની સાથે પડ્યો હતો. છેલ્લા ત્રણ મહિનામાં પીએમ મોદીની સુરક્ષામાં ખામીનો આ ત્રીજો કિસ્સો છે.

મૈસૂરમાં પીએમ મોદીના રોડ શોમાં મોબાઇલ ફેંકવાની ઘટનાથી હડકંપ મચી ગયો. પરંતુ એસપીજીના જવાનોએ તત્કાલ તે મોબાઇલને પીએમ મોદીની ગાડીથી દૂર કર્યો હતો. શરૂઆતી તપાસમાં સામે આવ્યું કે ભાજપ સમર્થકના હાથમાંથી ભૂલમાં ફોન છૂટી ગયો હતો અને પીએમ મોદીના કાફલાની ગાડીમાં પડ્યો હતો. પોલીસે તેની પુષ્ટિ કરી છે. 

#WATCH | Security breach seen during Prime Minister Narendra Modi’s roadshow, a mobile phone was thrown on PM’s vehicle. More details awaited. pic.twitter.com/rnoPXeQZgB

— ANI (@ANI) April 30, 2023

ત્રણ મહિનામાં ત્રીજી ઘટના
કર્ણાટકમાં પીએમ મોદીની સુરક્ષામાં ત્રણ મહિનામાં ત્રીજીવાર ચૂક થઈ છે. આ પહેલાં 25 માર્ચે દાવણગેરેમાં ચૂંટણી કાર્યક્રમ દરમિયાન એક વ્યક્તિએ પીએમ મોદી તરફ દોડ લગાવી દીધી હતી. દાવણગેરેમાં પીએમ મોદીનો રોડ શો થઈ રહ્યો હતો. બંને તરફ ભીડ હતી. આ વચ્ચે એક વ્યક્તિએ ભાગીને પીએમની પાસે પહોંચવાનો પ્રયાસ કર્યો હતો. બાદમાં સુરક્ષાદળોએ તેને દૂર કર્યો હતો. 

આ પણ વાંચોઃ કોણ બનશે કર્ણાટકનો કિંગ? ભાજપ-કોંગ્રેસનો આક્રમક પ્રચાર, એકબીજા પર વાર-પલટવાર 

આ પહેલાં જાન્યુઆરી મહિનામાં કર્ણાટકના હુબલીમાં પીએમ મોદીના રોડ શો દરમિયાન એક બાળક પીએમ મોદીની નજીક પહોંચી ગયું હતું. બાળક ધોરણ 6માં અભ્યાસ કરતો હતો અને પીએમ મોદીને માળા પહેરાવવા ઈચ્છતો હતો. એસપીજીના જવાનોએ તત્કાલ હાથમાંળી માળા લઈને તેને પરત કરી દીધો હતો. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube