Mahakumbh: મહાકુંભમાં પહોંચ્યો પીએમ મોદીનો ભત્રીજો, સામાન્ય વ્યક્તિની જેમ જમીન પર બેસીને ભજન ગાયા

Kumbh Mela 2025: પ્રધાનમંત્રી મોદીની સાદગીની ચારેતરફ ચર્ચા છે. ત્યારે તેમના પરિવારની સાદગીના પણ એટલા જ વખાણ થાય છે. આવામાં PMના ભત્રીજા સચિન મોદીને મહાકુંભનો રંગ લાગ્યો છે. સચિન મોદી મહાકુંભના મેળામાં સામાન્ય વ્યક્તિની જેમ નીચે બેસીને ભજનમાં મગ્ન થયા હતા. તેમણે મિત્રો સાથે પ્રયાગરાજમાં કબીરના ભજનો લલકાર્યા. સચિન મોદી PM ના સૌથી નાના ભાઈ પંકજ મોદીના પુત્ર છે. પંકજ મોદી હાલ પરિવાર સાથે મહાકુંભ પહોંચ્યા છે. સોશિયલ મીડિયા પર સચિનનો વીડિયો વાયરલ થયો છે. સોશિયલ મીડિયા પર સાદગીના લોકોએ વખાણ કર્યાં. 

યુપીના પ્રયાગરાજમાં મહાકુંભની ભવ્ય શરૂઆત થઈ ગઈ છે. અત્યાર સુધીમાં કરોડો ભક્તો સંગમમાં સ્નાન કરી ચૂક્યા છે અને આ સિલસિલો ચાલુ છે. આ દરમિયાન મહાકુંભના ઘણા વીડિયો પણ સામે આવી રહ્યા છે, જેને લોકો ખૂબ પસંદ કરી રહ્યા છે. આવો જ એક વીડિયો પીએમ મોદીના ભત્રીજાનો પણ છે.

સચિન પંકજભાઈ મોદી મહા કુંભમાં ભજન ગાતા જોવા મળ્યા હતા
પીએમ મોદીના ભત્રીજા સચિન પંકજભાઈ મોદી પણ કુંભ મેળામાં પહોંચ્યા છે. તે વ્યવસાયે કોમ્પ્યુટર એન્જિનિયર છે પરંતુ તેને ભજન ગાવાનો શોખ છે. સચિન તેના બે મિત્રો સાથે મહાકુંભમાં પહોંચ્યો છે અને આ મિત્રો વ્યવસાયે સીએ છે.

સચિન અને તેના મિત્રોના જે વીડિયો સામે આવ્યા છે તેમાં જોઈ શકાય છે કે તેઓ મહાકુંભ મેળામાં ભજન ગાઈ રહ્યા છે અને યુવાનોમાં સનાતન ધર્મ પ્રત્યે ઉત્સાહ જગાડી રહ્યા છે. સચિનને ધાર્મિક ગીતો ગાવામાં પહેલેથી જ રસ છે. તેણે તેના મિત્રો સાથે એક ભજન ગ્રુપ પણ બનાવ્યું છે અને દર શનિવારે તે તેના ગ્રુપ સાથે અમદાવાદ અને ગાંધીનગરના અલગ-અલગ કાફેમાં જાય છે અને હનુમાન ચાલીસા અને ભજન ગાય છે અને યુવાનોને પોતાની સાથે જોડે છે.

જાણો પીએમ મોદીના પરિવાર વિશે
દામોદરદાસ મોદી અને હીરાબેનને કુલ 6 સંતાનો હતા. જેમાંથી પીએમ મોદી ત્રીજા સંતાન છે. બાકીના ભાઈ-બહેનો અમૃત મોદી, પંકજ મોદી, પ્રહલાદ મોદી, સોમા મોદી અને પુત્રી વાસંતી બેન હંસમુખલાલ મોદી છે. વાસંતીબેન પીએમ મોદીના એકમાત્ર બહેન છે.

સોમા મોદી પીએમ મોદીના મોટા ભાઈનું નામ છે. પીએમ મોદીના બીજા મોટા ભાઈનું નામ અમૃત ભાઈ મોદી છે. જ્યારે પીએમ મોદી, પ્રહલાદ અને પંકજ ભાઈ મોદી કરતા મોટા છે. પંકજ માહિતી વિભાગમાંથી નિવૃત્ત થયા છે. પીએમ મોદીના માતા હીરાબેન પંકજ સાથે રહેતા હતા.

હિમાચલમાં પેરાગ્લાઈડિંગ કરતા સમયે ગુજરાતી યુવતીનું મોત, સંતુલન જતા સીધી ખીણમાં પડી