VIDEO: સરહદે ભારતીય સેના આકરા પાણીએ, 2 PAK સૈનિકો ઠાર, પાકિસ્તાને સફેદ ઝંડો ફરકાવવો પડ્યો

નવી દિલ્હી/શ્રીનગર: કાશ્મીર (Kashmir)માંથી કલમ 370 (Article 370) હટાવાયા બાદથી પાકિસ્તાન અકળાયેલું છે. આખી દુનિયામાં ઢંઢેરો પીટવા છતાં કોઈ ભાવ આપતું નથી. બધેથી પછડાટ મળ્યા બાદ તે હવે સરહદો સળગાવી રહ્યું છે. પાકિસ્તાન તરફથી હાજીપુર સેક્ટરમાં ગત 10-11 સપ્ટેમ્બરના રોજ કરાયેલા યુદ્ધવિરામના ભંગનો ભારતીય સેનાએ જડબાતોડ જવાબ આપ્યો. ભારતે પાકિસ્તાનના 2 સૈનિકોને પણ ઠાર કર્યાં. ત્યારબાદથી પાકિસ્તાન ઘૂંટણિયે પડ્યું અને તે ભારતીય સેનાને સફેદ ઝંડો બતાવીને પોતાના સૈનિકોના મૃતદેહ લઈ ગયું. 

#WATCH Hajipur Sector: Indian Army killed two Pakistani soldiers in retaliation to unprovoked ceasefire violation by Pakistan. Pakistani soldiers retrieved the bodies of their killed personnel after showing white flag. (10.9.19/11.9.19) pic.twitter.com/1AOnGalNkO

— ANI (@ANI) September 14, 2019

મળતી માહિતી મુજબ હાજીપુર સેક્ટરમાં પાકિસ્તાની સેનાએ 10 અને 11 સપ્ટેમ્બરની રાતે ખુબ ગોળાબારી કરી. ત્યારબાદ ભારતીય સેનાએ પાકિસ્તાનની હાલત બગાડી નાખી. ભારતી સેનાની જડબાતોડ કાર્યવાહીમાં બે પાકિસ્તાની સૈનિકોનો ખાત્મો થયો. ભારતની જબરદસ્ત કાર્યવાહીથી પાકિસ્તાનના હોશ ઉડી ગયા અને પોતાના સૈનિકોના મૃતદેહો પાછા લઈ જવાની કોશિશ કરવા લાગ્યું. પરંતુ ભારતીય સેનાની આકરી કાર્યવાહીના કારણે એલઓસી પર પડેલા પોતાના સૈનિકોના મૃતદેહો તે લઈ જઈ શકતું નહતું. 

જુઓ LIVE TV

ત્યારબાદ પાકિસ્તાની સેનાના અધિકારીઓનું મગજ ઠેકાણે આવ્યું અને તેમના તરફથી સૈનિકોના હાથમાં સફેદ ઝંડો થમાવી દેવાયો. ત્યારબાદ તે પોતાના સૈનિકોના મૃતદેહો ઉઠાવવા લાગ્યાં. ભારતીય સેનાએ માનવતા દર્શાવતા તેમના સૈનિકોના મૃતદેહો લઈ જવા દીધા. 

દેશના વધુ સમાચારો વાંચવા માટે કરો ક્લિક...