રેલવે કર્મચારીઓને સૌથી મોટી દિવાળી ભેટ, સરકારે બોનસની જાહેરાત કરી, ખાતામાં આટલા રૂપિયા વધારે આવશે

Modi Cabinet Decisions : રેલવે કર્મચારીઓ દિવાળી પહેલા દિવાળીની ઉજવણી કરી રહ્યા છે. કેન્દ્ર સરકારે આ વર્ષે પણ ઉત્પાદકતા સંબંધિત રેલવે કર્મચારીઓને બોનસ આપવાનો નિર્ણય કર્યો છે. આ વખતે 78 દિવસનું બોનસ આપવામાં આવશે. આ બોનસ દુર્ગા પૂજા અથવા દશેરાની રજાઓ પહેલા આપવામાં આવશે. લગભગ 11.72 લાખ કર્મચારીઓને તેનો લાભ મળશે.

કેન્દ્ર સરકારે રેલવે કર્મચારીઓને ખુશખબર આપી છે. કર્મચારીઓને 78 દિવસનું દિવાળી બોનસ આપવામાં આવશે. ગુરુવારે વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં આ નિર્ણય લેવામાં આવ્યો હતો. કેન્દ્રીય મંત્રી અશ્વિની વૈષ્ણવે પત્રકાર પરિષદમાં આ માહિતી આપી હતી. આ બોનસ ઉત્પાદકતા (PLB) સાથે જોડાયેલા રેલવે કર્મચારીઓને આપવામાં આવશે. રેલવે કર્મચારીઓને બોનસ તરીકે કુલ 2029 કરોડ રૂપિયા મળશે. કેન્દ્રીય મંત્રીએ કહ્યું કે સરકાર દ્વારા આપવામાં આવેલા આ બોનસથી લગભગ 11.72 લાખ કર્મચારીઓને ફાયદો થશે.

Watch LIVE 📡#Cabinet Briefing by Union Minister @AshwiniVaishnaw at National Media Centre, New Delhi

Watch on #PIB's 📺
Facebook: https://t.co/ykJcYlNrjj
YouTube: https://t.co/Oe5PKaNIOD

— PIB India (@PIB_India) October 3, 2024

રેલવે કર્મચારીઓને બોનસ ભેટ
આ સાથે કેબિનેટે રેલવે કર્મચારીઓને બોનસ ગિફ્ટ આપવાની પણ મંજૂરી આપી દીધી છે. રેલ્વેમાં ઉત્કૃષ્ટ કામગીરીને માન્યતા આપતા કેબિનેટે 11,72,240 રેલ્વે કર્મચારીઓને 2028.57 કરોડ રૂપિયાના 78 દિવસના બોનસની ચૂકવણીને મંજૂરી આપી છે. આ રકમ રેલ્વે કર્મચારીઓની વિવિધ શ્રેણીઓ જેમ કે ટ્રેક મેઈન્ટેનર, લોકો પાઈલટ, ટ્રેન મેનેજર (ગાર્ડ), સ્ટેશન માસ્ટર, સુપરવાઈઝર, ટેક્નિશિયન, ટેકનિશિયન હેલ્પર, પોઈન્ટ્સમેન, મિનિસ્ટ્રીયલ સ્ટાફ અને અન્ય ગ્રુપ XC કર્મચારીઓને આપવામાં આવશે.

દુનિયામાં વધુ એક વાવાઝોડું ત્રાટક્યું, તાઈવાનમાં 209 કિમીની ઝડપે ફૂંકાયો પવન, લોકોમાં ખૌફ

કર્મચારીઓને બોનસ મળશે
બોનસની આ રકમ રેલ્વે કર્મચારીઓની વિવિધ શ્રેણીઓ જેમ કે ટ્રેક મેઈન્ટેનર, લોકો પાયલટ, ટ્રેન મેનેજર (ગાર્ડ), સ્ટેશન માસ્ટર, સુપરવાઈઝર, ટેકનિશિયન, ટેક્નિશિયન હેલ્પર, પોઈન્ટ્સમેન વગેરેને આપવામાં આવશે. આ બોનસ રેલવે કર્મચારીઓને રેલવેની સુધારણા માટે કામ કરવા માટે આપવામાં આવે છે. આ પ્રોત્સાહક રકમ છે જે આ કર્મચારીઓને કામ તરફ પ્રેરિત કરે છે.

#WATCH | Union Minister Ashwini Vaishnaw says, "The biggest decision that was taken today in the cabinet meeting relates to increasing farmers' income and ensuring food security to the middle-class people... It has two pillars - 'PM Rashtra Krishi Vikas Yojana' and 'Krishonnati… pic.twitter.com/5x0UIqL72z

— ANI (@ANI) October 3, 2024

કેટલું બોનસ મળશે?
આ બોનસની રકમ દુર્ગા પૂજા અથવા દશેરાની રજાઓ પહેલા ચૂકવવામાં આવશે. આ વખતે પણ બોનસની ચૂકવણી દુર્ગા પૂજા અથવા દશેરાની રજાઓ પહેલા કરી દેવામા આવશે. કર્મચારીઓને આ બોનસ તરીકે વધુમાં વધુ 17,951 રૂપિયા મળશે. વર્ષ 2023-2024માં રેલવેનું પ્રદર્શન ઘણું સારું રહ્યું છે. રેલ્વેએ 1588 મિલિયન ટનનું રેકોર્ડ નૂર લોડ કર્યું. તેમજ લગભગ 6.7 અબજ મુસાફરોએ મુસાફરી કરી હતી.

પોર્ટ અને ડોક લેબરના PLRમાં સુધારો મંજૂર
કેબિનેટે 2020-21 થી 2025-26 સુધી મેજર પોર્ટ અને ડોક લેબર બોર્ડના કર્મચારીઓ માટેની યોજનામાં સુધારાને પણ મંજૂરી આપી છે. આ સ્કીમ પ્રોડક્ટિવિટી લિંક્ડ રિવોર્ડ (PLR) સાથે પણ જોડાયેલી છે. આ યોજનાથી મોટા બંદર સત્તાવાળાઓ અને ડોક લેબર બોર્ડના આશરે 20704 કર્મચારીઓ/કામદારોને લાભ થશે.

આ સુધારા હેઠળ 7000 રૂપિયાનું બોનસ આપવામાં આવશે. પોર્ટ પર સારું કામ કરતા કર્મચારીઓને આપવામાં આવતા બોનસની રકમ 50% થી વધારીને 55% અને પછી 60% કરીને વાર્ષિક ધોરણે PLR ચૂકવવામાં આવશે. તેનાથી સરકાર પર 200 કરોડ રૂપિયાનો વધારાનો બોજ પડશે.

બાબા વેંગાની આ ભવિષ્યવાણી 3 મહિનામાં સત્ય સાબિત થશે, ત્રીજું વિશ્વયુદ્ધ આ તારીખે થશે